ذهب جاسر وجرب تشغيل الكاميرات واشتغلت بالفعل.
جاسر: الله أكبر اشتغلت الحمد لله.
يوسف: افتح بقى.
جاسر بصدمة: إيه ده؟
يوسف بصدمة: خبر أسود.
داليا: في إيه مالكم؟ إيه ده بجد؟
منه: في إيه يا جماعة؟ أوبا! إيه ده؟
جاسر: بنت الـ... إيه ده؟ إزاي ده؟ مفيش أي احترام ليا طيب.
منه: ههههههه احترام ليك. البس لو البوليس جه وشاف المخدرات دي كلها هيبلعك.
يوسف: أنت قلت روفان بتشم بودرة بس مش كل ده. إيه يا عم؟ ممكن تموت فيه.
داليا: تغور أنت. همك في إيه؟
يوسف: مش هممني بس لسه في حاجات إحنا معرفنهاش.
جاسر: مكنتش أعرف إنها تشم كل ده. لا وكمان حاطة مخدرات في البيت وبتشربها. لا وكمان عملت بار للكحول. إيه كمية الفسق والفجور دي؟
داليا: مش عارفة بجد. طب إحنا هنعمل إيه؟
جاسر: مش عارف. بس أنا كنت أعرف موضوع الشم بس المخدرات دي معرفش عنها حاجة. مين اللي بيجبلها الكمية دي؟
يوسف: هو ده المفروض نعرف. روفان ضعيفة لأن كتر الحاجات دي بتضعف. بس في حد بيساعدها ومخليها تعمل كل ده. فوزية جبانة ومتعملش كده. وخيرية برضه لا. هيكون مين بقى؟
منه: طب ليه ميكونش ياسين؟
جاسر: إنتي نسيتي إن ياسين محبوس بعد ما خطف ملاك.
منه: آه صح نسيت. طب إيه ده؟ الحق مين ده؟
جاسر: إيه ده؟ من المقنع ده. يبقى يوسف عنده حق. مين ده؟
منه: شغل الصوت.
جاسر: ماشي.
المجهول: الكمية دي حلوة يا مدام ولا أزود؟
روفان: لا حلو. يكفيني أسبوع.
المجهول: المفروض أقلل الكمية يا مدام. كده هيبقى خطر على حياتك.
روفان: مليكش دعوة. اتفضل يا لـ...
المجهول: أمرك يا مدام.
روفان: هروح أنام بقى عشان تعبانة.
داليا: هيكون مين ده؟
يوسف: قصدك مين دي؟ بعيدة بس بتسمع. ده صوت بنت مش ولد.
داليا: وهتكون مين دي؟ صوتها مش غريب عني.
مراد: نورهان.
جاسر: عرفت إزاي؟
مراد: لو جمعنا الخيوط هتعرف أنا قصدي إيه.
جاسر: مش فاهم.
مراد: بص. لما عرفنا إن ندى ماتت، أول واحدة طلبت منها مين علشان تجبلها غيرها؟ نورهان. وكمان دايماً نورهان بتاخد مرتب أضعاف اللي أنت كنت بتدهولها. وخالد قال لي نورهان مع اللي يديها فلوس أكتر. يعني ممكن تجيب مخدرات علشان خاطر الفلوس عادي جدا.
جاسر: إحنا برضه مش متأكدين. ممكن يكون حد تاني.
مراد: زي مين؟
جاسر: فريد.
مراد: ممكن. بس احتمال نورهان أكبر.
منه: وإحنا كده هنعرف إزاي؟
مراد: نستنى. يمكن نعرف مين هي.
منه: طب ما نخطف نورهان.
داليا: إنتي دخلتي عالم الإجرام إمتى؟
منه: من اللي أنا بشوفه. هنعمل إيه طيب؟
جاسر: منه عندها حق. إحنا لازم نجيب البنت دي.
منه: احم. علشان تعرفوا إني مش قليلة في البلد دي.
يوسف: يا شيخة اتلهي. أما نشوف هنعمل إيه.
مراد: هنجبها لهنا إزاي؟
جاسر: لا مينفعش تيجي هنا. هنقابلها في مكان تاني.
يوسف: فين يعني؟
ملاك: في شقتي القديمة.
جاسر: ملاك! إنتي بتعملي إيه؟
ملاك: بصوا بصراحة أنا معرفش اللي حصل بس سمعتكم وكنت عايزة أساعدكم لو مفيش مشكلة.
داليا: لا طبعاً يا روحي مفيش مشكلة.
مراد: خلاص. هسافر أنا ونادر.
جاسر: وأنا هاجي معاكم.
مراد: ومين هيبقى مع البنات؟
يوسف: هو أنا مزهرية قدامكم؟
مراد: أه صح نسيت.
يوسف: نسيت. طيب يا خوي.
ملاك: أستاذ مراد لو روحت ممكن تسلم لي أوي على ندى. أصلها وحشتني أوي. بكلمها بس تليفونها مقفول.
جميع: صمت ولم يقدروا على قول شيء.
ملاك: في إيه؟ مش هترد ليه؟ وكلكوا مبرقين لي.
داليا: ملاك ممكن توحيدي اللهم.
ملاك: لا إله إلا الله.
داليا: بصي ندى مش عايزة منك دلوقتي غير الدعاء.
ملاك بدموع: في إيه يا داليا؟ ندى مالها؟
داليا: ندى عند اللي أحسن مني ومنك. ادعيلها برحمة.
ملاك ببكاء: ماتت إمتى؟ كنت بحبها أوي وكنت بعتبرها أختي. اللي حصل ما تتخبى عني يا داليا ونبي.
داليا بدموع: روفان السبب يا ملاك. وحكت داليا كل شيء لملاك.
ملاك ببكاء: لي كده؟ هي إزاي كده؟ طب ندى كانت طيبة وعمرها ما أذت حد. الله يرحمها يارب وينتقم من روفان يارب. شوفت اللي أنت سبتني عشانها ٦ سنين. عمالة تموت في كله. شكيت فيا وأنا كنت محتاجالك. بس خلاص الكلام مبقاش له لزوم.
جاسر: ملاك والله العظيم غصب عني. أرجوكي سامحيني.
ملاك: بعد ما عرفت الحقيقة مش عارفة إذا كنت هقدر ولا لأ. بس صعبت عليا نفسي أوي لما حد يرميني المدة دي كلها. مقدرش أسامحك ببساطة كده.
ذهبت ملاك إلى الغرفة.
نور: مالك يا ملاك؟
ملاك ببكاء: ندى ماتت يا نور.
نور: لا حول ولا قوة إلا بالله.
ملاك ببكاء: مش عارفة لي الناس اللي بحبهم عمالين يروحوا مني ليه.
نور: اهدي يا ملاك وتملكي نفسك كده. مش هينفع اللي انتي بتعمليه ده. ادعيلها هي محتاجة الدعوة أحسن من أي حاجة تانية.
ملاك: ربنا يرحمها برحمته يارب.
نور: اهدي بقى.
ملاك: حاضر.
في الخارج.
جاسر بحزن: أنا اللي غلطان. إزاي سمعت كلام الزبالة دي؟ إزاي؟
مراد: اهدي يا صاحبي. ملاك حقها تزعل. وإن شاء الله هتهدى وتسامحك.
جاسر: يارب.
مراد: هننزل القاهرة إمتى؟
جاسر: بكرة. لازم نلحق نعرف كل حاجة علشان الكمية اللي بتشمها روفان كفيلة تموتها. وأنا بصراحة تعبت وعايز أعرف كل حاجة علشان نخلص بقى ونعيش في هدوء.
مراد: إن شاء الله.
جاسر: طيب يلا ننام بقى عشان هنصحى بدري.
مراد: يلا.
وذهب الجميع إلى الغرفة وبقيت داليا في البلكونة.
داليا: يارب خلي المشاكل دي تخلص بقى. إحنا تعبنا أوي بجد. أنا حاسة إني في حلم ونفسي أفوق منه بقى بجد. مبقتش قادرة أستحمل. حتى الشخص اللي حبيته مش عارفين نتجوز. وملاك خدت صدمات كتير أوي في حياتها. يارب ادينا القوة يارب علشان نخلص من كل ده على خير.
يوسف: منمتيش ليه؟
داليا: مفيش. هدخل أنام.
يوسف: إنتي بقيتي متغيره معايا أوي. لي؟
داليا: غصب عني. مش قادرة أستحمل المشاكل دي كلها.
يوسف: عندك حق. وكان سوف يضمها ولكنها منعته.
داليا: إنت بتعمل إيه؟ حرام على فكرة. إنت لسه مبقتش جوزي. لما نتجوز الأول.
يوسف: إن شاء الله. يلا روحي نامي.
داليا: ماشي. تصبحي على خير.
يوسف: وأنتي من أهل الخير.
وذهب الجميع في نوم عميق وبدأ يوم جديد.