رواية ملاك القاسي الفصل العاشر 10 - بقلم شهد احمد

فجأة دخلت نيرة وهي بتنهج وبتقول: الحقي يملاك الصور انتشرت على النت! ملاك بصدمة ورعشة في جسمها: انهار أسود، انهار أسود، اتفضحت خلاص. قعدت على الأرض وهي بتلطم وتصوت بالانهيار. قاسي عينه احمرت من الغضب وراح لملاك اللي بتصوت بالانهيار. محدش من العيلة فاهم حاجة. قاسي شالها وطلع على جناحه. ملاك كانت في حالة لا يُرثى لها. قاسي اتكلم بدموع وهو بيقول: اهدي يملاكي، اهدي، والله لأجيب لك حقك.

قاسي ساب ملاك بتصرخ ونيرة معاها، وهو خرج من القصر بشر وغضب. اتكلم في الفون وهو بيقول: لو مجبتليش صاحب الرقم، راكع تحت رجلي، هخليك تجهز قبرك بإيدك. الشخص بخوف: تمام يباشا، اليوم مش هيعدي غير لما يكون عندك. قاسي عمل مكالمة تانية وهو بيقول: لو الصور اللي اتنشرت متتمسحتش، قول على نفسك يرحم يا رحيم. وقفل السكة في وشه. قاسي قال بغضب: مش قاسي الهواري اللي يتعمل فيه وفي مراته كده.

عند ملاك، كانت بتصرخ في الأوضة بانهيار. كانت بتكسر كل حاجة في الأوضة، لدرجة أنها كانت هتنتحر تاني مرة. جمال خدها في حضنه وهو بيقول: اهدي يا بنتي، متعمليش في نفسك كده. قل لن يصيبنا إلا ما كتبه الله لنا. ملاك حضنت جمال بقوة وهي بتقول: تعبت يابا، مش مستوعبة كل اللي بيحصل فيا. ملاك نامت في حضن جمال اللي بص لها بحزن وهو بيقول: ملحقتيش تفرحي يملاكي، لكن إن شاء الله كل حاجة هتتحل. نيرة كانت واقفة بتعيط بحزن على صاحبة عمرها.

عند قاسي، الشخص اتصل عليه وهو بيقول: جبت لك صاحب الرقم يباشا، وهو دلوقتي في المخزن وعملنا معاه الواجب وزيادة. قاسي ابتسم بشر وهو بيقول: حلو كده. ركب العربية وراح على المخزن. قاسي دخل المخزن وهو بيشمر كمامه. لكن اتصدم إن الشخص ده ابن مديحة. قاسي أداله بوكس في وشه وهو بيقول: بقي عيل زيك يعمل في مرات قاسي الهواري كده؟ أيمن اتكلم بغل وهو بيقول: مراتك هي اللي مش محترمة، وهي اللي بعتت الصور. قاسي نزل ضرب فيه وهو بيقول:

أنا هعلمك تجيب اسم مراتي على لسانك ال** ده تاني. قاسي نده على راجل وهو بيقول بغضب جحيمي: عاصم! عاصم جه وهو موطي راسه احترامًا ليه وهو بيقول: نعم يباشا. قاسي بغضب: جاب سيرة حاجة على لسانه متخصوش، يبقى نعمل إيه؟ عاصم: نقطع له لسانه يباشا. قاسي بغضب: نفذ بقي. أيمن بصريخ: لأ، مش هعمل كده تاني. لكن رجّالته قطعوا له لسانه. قاسي وهو سايق العربية، اتصل عليه شخص وهو بيقول:

الصور اتمسحت في مصر كلها يباشا، بعد ما كانت طلعت تريند وناس كتير شافوها. قاسي اتعصب أكتر وقفل السكة. دخل القصر بتعب واضح وهو شايفهم كلهم قلقانين. قاسي طمنهم إن الموضوع انتهى. وجمال قال: طلق بنتي يا قاسي.