رواية ملاك القاسي الفصل الثالث عشر 13 - بقلم شهد احمد

قاسي بجد فتره رجع لكن اتصدم لما لاقي ملاك جايبه مقص وعماله تقص شعرها بطريقة مفزعه وتعيط بطريقة هستيريه. قاسي جري عليها بخوف وهو بيقول بتعملي ايه يامجنونه سيبي المقص! ملاك وهي بتلطم وتشُد في شعرها ابعد عني انا بكرهك يا قاسي بكرهك. قاسي اخدها في حضنه بالعافية وهو بيحاول يهديها لكن ملاك كانت في حالة لا يُرثى لها. ملاك وهي بتعيط مش انت اتجوزت عايز مني ايه روح لمراتك التانية روح وطلقني.

قاسي بغضب بسسسس بقي هي كلمك بكرهك وطلقني لبانة في بوقك كل شوية تقوليها ملاك طلاق مش هطلق واكرهيني زي ما انتي عايزة! أنا معملتش حاجة حرام أنا اتجوزت على سنة الله ورسوله. ملاك بصتله بصدمة وهي بتقول من امتى وانت بالكسوه والجحود ده ردد عليا قلبك راح فين.

قاسي ببرود معنديش قلب ليه ديما بتعاملوني كده امي ماتت وأنا طفل عشر سنين ابويا فضل شغله عليا البنت اللي بحبها تموت واتعالج في مصحة سنة ولما جيت أحب تاني طلعت خاينة ورخيـ ـصة. قاسي قعد على ركبه دموعه نزلت وهو بيقول مسميش قاسي اسمي قااااسم بس من كتر القسوة اللي شفتها بقى اسمي قاسي. ملاك بصتله بدموع وهي بطبطب عليه وهي بتقول اهدي اهدي عشان خاطري انا مش مستعدة اخسرك يا قاسي أنا خسرت ناس كتير في حياتي مش عايزة اخسرك.

قاسي بصلها بهدوء وطلع من الأوضة ونزل الجنينة وهو بيتمشى فيها بتعب. عدى اليوم وجه يوم تاني. ملاك صحيت بنشاط واتوضت وصليت وقرأت قرآن ونزلت تحت كانت العيلة بتفطر. قاطع فطارهم دخول سوزان وهي بتقول بمياعة هاي وجريت على قاسي وبتحضنه وبتبص لملاك بمكر وهو بيقول وحشتني يابيبي. ملاك بصتلهم بدموع وهي بتقول أنا شبعت. قاسي بصلها وهو بيقول انتي كلتي اصلا. سوزان قالت متغصبش عليها ياروحي براحتها.

قاسي بصلها بغضب وملاك قالت اسمع كلامها يا قاسي. ملاك طلعت وسوزان قعدت تاكل ببرود ومحدش من العيلة طايقها. في اوضة ملاك كانت بتتكلم في التليفون بهمس وهي بتقول تعالي انت بس ومتقلقش ياحبيبي قاسي هيسافر كمان تلت ايام مش كفاية انه اتجوز عليا بس سيبك انت واحشتني قوي. قاسي بصوت جحيمي وعيون حمرا.