رواية ملاك الليل الفصل الثاني عشر 12 - بقلم ملك ابراهيم

ليل طلع وشاف حاجة ما حدش يتوقعها. غير إنه عرف الحقيقة، وكمان ملاك طلعت وراه واتصدمت. ليل بصدمة شديدة: نور؟ ملاك بصدمة شديدة وهي مش مستوعبة اللي بيحصل: إيه ده؟ أنا مش فاهمة حاجة. نور بحزن: سامحيني يا ملاك، أنا آسفة إني ثبت لك في حاجات وحشة كتير، بس أحسن حاجة في اللي حصل إنك اتجوزتي ليل. سماء بصدمة، وبرضه ما كانتش مستوعبة اللي بيحصل: انتي إزاي عايشة؟ أنا قتلتك بإيدي!

نور بضحك على غبائها: حبيبتي، انتي غبية قوي. عارفة ليه؟ لأنك ما أكدتيش. كريم أنقذني، بس انتي بصراحة طلعتي غبية. ملاك بصدمة: طب إزاي؟ إزاي؟ والجثة اللي أنا رحت شفتها دي كانت إيه؟ كريم: أنا هحكيلكم على كل حاجة. **فلاش باك** كريم بدموع: ما تخافيش يا نور، انتي هتقومي وتبقي كويسة. نور بوجع: آآآه. كريم بدموع: ما تخافيش، أنا هنقذك. كريم شال نور بسرعة ووداها على المستشفى. كريم بخوف وقلق: خير يا دكتور، عاملة إيه دلوقتي؟

الدكتور: الحمد لله، عدت مرحلة الخطر. هي دلوقتي في أوضة عادية، تقدر تدخل تطمن عليها. كريم بسرعة: تمام، ماشي يا دكتور. شكراً. أنا داخل. كريم بدموع: نور، انتي كويسة؟ نور بوجع: آه، الحمد لله أحسن شوية. بس انت هتعمل إيه؟ كريم: ما تشغليش بالك، أنا هتصرف. نور بتفكير: أنا عندي خطة، بس للأسف اللي هتتأذي فيها هي ملاك. بس يا رب ما يحصلش حاجة عشان أعرف أنتقم من سماء الكلب دي على اللي عملته. كريم: إيه هي الخطة؟

نور: انت هتكلم ملاك وتقول لها إن أنا عملت حادثة وفي العنوان كذا، وشوف أي واحدة شبهي تخليها تعمل ميتة. أو أقول لك، ممكن أنا أعمل. كريم: طب وايه لازمته كده؟ نور: اسمع اللي بقولك عليه، عشان بعدها هعرف إزاي أنتقم من سماء. كريم: تمام. نور وكريم بعد ما خرجوا من المستشفى. نور: يلا يا كريم، انت مستني إيه؟ كلمها. كريم: تمام، بس انتي متأكدة من اللي إحنا هنعمله ده؟ نور: أيوه متأكدة. يلا، بس بسرعة قبل ما حد يشوفنا. كريم: ماشي.

كريم: الو. ملاك: الو؟ مين معايا؟ كريم: أنا فاعل خير. صاحبتك عملت حادثة وفي العنوان.... ملاك بخوف: انت بتقول إيه؟ أنا جاية حالاً. كريم: اهو يا نور، كلمتها. إيه الجزء التاني من الخطة؟ نور: إننا نشوف أي واحدة شبهي تعمل الدور ده. كريم: تمام، أنا عرفت هعمل إيه. **باك** كريم: بس لقيت واحدة شبه نور قوي، فقلت لها تعمل كده. ملاك: ليه يا نور تعملي كده ليه؟ أنا بجد حياتي كانت جحيم. ليه تعملي كده؟

نور بندم: أنا لو ما كنتش بحبك ما كنتش عملت كده. أنا كنت عايزة تتجوزي ليل، بس ما كنتش أعرف إنك هتتأذي بسببي. أنا آسفة يا ملاك. سماء بعصبية شديدة وهي بتحط المسدس على راس ملاك: أه يا ولاد الكلب، بقى انتوا تعملوا كل ده؟ بس لا، أنا مش هروح لوحدي. أنا هقتلها لك يا ليلي قدام عينك دلوقتي. ليل بعصبية: انتي مجنونة؟ انتي عايزة تعملي إيه تاني؟

ده انتي تحمدي ربنا أصلاً إن أنا لسه ما عملتلكيش حاجة على اللي انتي عملتيه. ده انتي هتشوفي مني أيام سوداء يا سماء. نور بعصبية: انتي إيه يا شيخة؟ انتي ما بتندمييش على اللي بتعمليه؟ ما تسيبيها في حالها بقى. مش كفاية اللي حصل لها بسببك وبسبب تفكيرك. عايزة إيه تاني؟ ولا كمان كنتي عايزة تقتليني؟ لا، حلوة بس الحمد لله إن كريم أنقذني في الوقت المناسب. لكن انتي هتترمي في السجن رمية الكلاب. ما حدش هيعبرك. ملاك بعصبية

بتحاول تقاوم بس ما عرفتش: انتي إيه يا شيخة؟ حرام عليكي. ما تسيبيني بقى. انتي عايزة مني إيه تاني؟ مش كفاية اللي حصل لي بسببك. سماء بعصبية وهي بتتك على المسدس: أنا قلت هخلي حياتي جحيم، واخلي حياتك انت كمان يا ليل جحيم. مدام هروح يبقى مش هروح لوحدي. هقتلها لك دلوقتي حالا قدام عينك. وقبل ما تتكي على المسدس، مالك ضربها على دماغها بعصاية. وقعت أغمى عليها. وملاك جريت على ليل حضنته وهي خايفة ومرعوبة. مالك بعصبية لـ

سماء: الأختي، الأختي. اللي ييجي ناحية أختي، ادي له بالجزمة اللي في رجلي. مش هتفرق معايا. ليل بحنية مفرطة وهو بيحضن ملاك وبيطبطب عليها: حبيبتي، انتي كويسة؟ حصل لك حاجة؟ ما تخافيش، أنا معاك. ملاك بدموع: أنا عايزة أمشي من هنا. اطلب البوليس. وقبل ما تكمل، البوليس دخل ومعاهم حسن وريتاج. ليل باستغراب: إيه ده؟ حسن، هو انت عرفت مكاننا إزاي؟ ريتاج جريت على نور وملاك وكانت مصدومة جداً عشان شافت نور.

ريتاج بصدمة شديدة: ملاك، هو اللي أنا شايفه ده بجد؟ ملاك وهي بتمسح دموعها: أيوه يا ريتاج، نور عايشة. ريتاج بصدمة: عايشة؟ إزاي؟ نور: لما نخرج من هنا هحكيلك كل حاجة. الظابط للعسكري وهو بيشاور على كريم: هاتوا الواد ده. نور بسرعة: لا لا، هو معانا. هو كان بيساعدنا. هو معانا، مش ضدنا. الظابط: تمام، سيبوه. كريم: بجد مش عارفة أشكرك إزاي يا نور.

نور: ما تشكرنيش. أنا عملت كده عشان انت ساعدتني. ما سبتنيش. أنا استجدعت معاك زي ما انت استجدعت معايا. لأول مرة في حياته، مالك وهو بيبص للملاك اللي كانت نايمة في حضن ليل، أو بمعنى أصح، كان أغمى عليها. مالك: ليل، حرك ملاك كده. أنا حاسس إن هي مش بتتحرك. ليل بخوف على ملاك: ملاك؟ ملاك؟ ملاك أغمى عليها. مالك بخوف: انت مستني إيه؟ يلا بسرعة نوديها على المستشفى. وانتوا كمان يلا. الكل: ماشي، يلا.

كلهم راحوا على المستشفى عشان يطمنوا على ملاك. والبوليس خد سماء على المستشفى وكانوا حاطين عليها حراسة مشددة لحد ما تفوق وياخدوها على السجن. في مكان آخر، عند ريم. ريم صحيت مفزوعة عشان الراجل اللي رش عليها مية. ريم بخضة: إيه؟ في إيه؟ كريمان ببرود: إيه يا حبيبتي، انتي لسه فاكرة تفوقي؟ ها؟ هتسيبي شادي، ولا هخليكي تسيبيه غصب عنك.

ريم بعصبية وثقة: قلت لك، ده بعدك. أنا مش هسيب شادي. وقلت لك اعملي اللي تعمليه. أنا مش خايفة منك. كريمان بعصبية: بقى كده؟ شوف شغلك يا رجالة. ريم بخوف: انتوا هتعملوا إيه؟ وقبل ما حد يعمل أي حاجة، البوليس دخل وكان شادي معاه. ريم بصريخ ودموع: الحقني يا شادي، الحقني. وشادي جري على ريم فكها ولبسها جاكيت. شادي خوف على ريم وهو بيحضنها: ما تخافيش، أنا معاكي ومش هسيبك. وبعدين سابها ونزل في الرجالة ضرب اللي كانوا مع كريمان.

الظابط وهو بيحوش شادي: كفاية يا شادي بيه. إحنا هنعمل معاهم الواجب والزيادة في القسم. شادي بعصبية: أوعوا، سيبوني. ريم بدموع: كفاية يا شادي، خلاص. عشان خاطرك كفاية. شادي بحنية وحب بيحضن ريم: حاضر يا حبيبتي، عشان خاطرك انت بس. يلا عشان نروح، واهدي ومش عايزك تفكري في اللي حصل. ريم بدموع: حاضر.

شادي خد ريم وصلها البيت وحكى لعمها على كل اللي حصل. أما بقى كريمان والرجالة اللي كانوا معاها، فالشرطة قبضت عليهم. هم في طريقهم للسجن. في المستشفى. ليل ومالك وكلهم جريوا على الدكتور أول ما خرج. ليل ومالك: خير يا دكتور، ملاك مالها؟

الدكتور: خير، ما تقلقوش. مدام ملاك حامل، والإغماء ده طبيعي بالنسبة لها. لأنها لسه في أوائل شهور الحمل. بس أهم حاجة ما تتحركش كتير وتنام على ضهرها وتتابع معايا عشان الحمل يبقى كويس. بس عشان كمان هي عندها أنيميا، ولازم تلتزم على فيتامينات. أنا هكتبها لها. أحم، طبعاً بتقولوا ملاك حامل إزاي؟ لما ليل ضربها بلاش حزام في ليلة دي حصل اللي حصل، وملاك حملت في الوقت ده. ليل بفرحة وصدمة: حاضر يا دكتور. هي فاقت دلوقتي؟

الدكتور: آه، تقدروا تدخلوا وتطمنوا عليها، بس بلاش كلام كتير ولا حد يزعلها، عشان ده غلط عليها. الكل: تمام يا دكتور. ليل بفرحة: حمد لله على سلامتك يا أحلى حاجة في حياتي. ملاك: الله يسلمك. هو أنا إيه اللي حصل لي؟ نور وريتاج مع بعض: لا، حاجة بسيطة جداً وهتفرحك. حسن بفرحة: أيوه، حاجة بسيطة. وكمان في خبر كمان بعد الخبر ده هيبسطكم جداً. ملاك بعدم فهم: ما تقولوا يا جماعة، في إيه؟ هو أنا حصل لي حاجة وحشة؟

ريتاج ونور: لا، دي حاجة حلوة. قلنا لك. ليل بفرحة: انتي حامل يا روحي. ملاك بصدمة: إيه؟ ريتاج: أيوه يا حبيبتي، زي ما سمعتي. ألف مبروك. نور بفرحة: هبقى عمتو الحربوقة أخيراً. ليل بفرحة وهزار: مش وقت غلاسه أمك يا أختي. نور بهزار: ما تحترم نفسك شوية يا ليل. ده انت هتبقى بابا، يعني أو بابي. هههههههه. ملاك بفرحة عينيها دمعت بس كانت مصدومة: بجد يا جماعة ولا انتوا بتهزروا؟ ليل: أيوه يا حبيبتي، بجد.

ملاك: بس أنا لسه صغيرة. بس أنا فرحانة. ليل: ما تخافيش يا حبيبتي، طول فترة حملك أنا هلتزم معاكي وهساعدك. ملاك بفرحة: ماشي. ريتاج ونور: لولولولولولولولولولولو. ملاك بهزار: خلاص يا هبل، في إيه. كريم لـ نور: بحبك. نور بكسوف: أنا ماليش دعوة بالموضوع ده. عندك ليل اهو، اتكلم معاه. ليل: وأنا موافق. بس لو زعلتها حسابك معايا هيكون عسير قوي يا كريم. كريم بفرحة: لا، ما تقلقش. هشيلها في عيوني.

حسن: بالمناسبة السعيدة دي، يا جدعان، أنا كتب كتابي أنا وريتاج كمان شهر. الكل: ألف مبروك، ربنا يتمم لكم بخير. ريتاج: يارب. بعد مرور تسع شهور. وشادي وريم نزلوا مصر وقعدوا في فيلا جنب ملاك وليل. واتجوزوا. في بيت ليل. كانوا بالليل وملاك وليل كانوا نايمين. ملاك بوجع: آآآه، ليل الحقني. أنا باين بولد. ليل بنوم: ملاك، بطلي هزار. انت كل مرة تقولي كده وفي الآخر بتهزري. نامي بقى. ملاك بصريخ ووجع: آآآآه. ليل بخضة: في إيه؟ مالك؟

انت بتتكلمي بجد؟ ملاك بوجع: انت شايف إيه؟ الحقني. سعاد وهدير سمعوا صوت ملاك طلعوا جارين في بيت ليل. سعاد بخضة: في إيه؟ مالك يا ملاك يا بنتي؟ بس صوتي كده. ملاك بصريخ: بولد، بولد. الحقوني. هدير: طب ما تيلا نروح المستشفى بسرعة. ليل بسرعة: يلا. وكلهم راحوا على المستشفى. ملاك بصريخ ووجع وهي داخلة تولد: كلم مالك يا ليل. خليه ييجي. يكلمه. خليهم كلهم ييجي. ليل بخوف: حاضر.

وملاك دخلت تولد. وليل كان واقف عمال يقرأ قرآن ويدعي للملاك إن ربنا يقومها بالسلامة. وكلم شادي وريم ومالك ونور وكريم. ملحوظة صغيرة: أه صح، نور وكريم اتجوزوا. وكمان حسن وريتاج اتجوزوا. بس مالك لسه. 🌚 مالك بخوف: ملاك عاملة إيه دلوقتي يا ليل؟ ليل بخوف: صدق الله العظيم. ما تقلقش، إن شاء الله ربنا يستره. مالك: يارب. ريتاج بخوف: إن شاء الله ربنا يقومها بالسلامة. نور بخوف: يا رب.

وبعد مرور الوقت، أخيراً الدكتورة خرجت وفي إيدها بيبي صغير. الدكتورة: ألف مبروك، بنوتة زي القمر. والمدام دلوقتي زي الفل. تقدري تدخلوا تطمنوا عليها. الكل بفرحة: تمام. ليل بفرحة: ألف ألف مبروك يا روحي. ملاك بفرحة: الله يبارك فيك. ممكن أشيل بنوتي حبيبتي؟ ليل وهو بيدي البنت للملاك: خدي يا حبيبتي. نور بهزار: لا والله، مش وقت رومانسية. أنا فرحانة قوي إن أنا بقيت عمتو الحربوقة. ريتاج بضحك: يا بنت اسكتي. وأنا بقيت طنط.

مالك بهزار: وأنا بقعد عمو. عقبال ما بابا يا رب. حسن بغمز: إن شاء الله يا عم، قريب. كريم بهزار: ما تبطلوا شوية بقى يا جدعان. ده ملاك حتى لسه والده. ليل: والنبي يا ابني، قول لهم. لاحسن أنا زهقت منهم. سعاد بفرحة: ألف ألف مبروك يا بنتي. ملاك بفرحة: الله يبارك فيك. هدير بفرحة: هتسميها إيه يا حبيبتي؟ ملاك وهي بتبص لـ ليل: أنا. قولي لها نختار الاسم. ليل: إيه رأيك نبدأ بحرف الميم؟ ملاك: اوكي. رأيك في ملك؟

ليل بفرحة: جميل يا روحي. ريتاج ونور وريم: ألف ألف مبروك. ملاك: ما قلنا الله يبارك فيكم. مالك: ممكن أشيل حبيبة عمو ملوك؟ ملاك بفرحة: أه يا حبيبي، طبعاً. نور بغيظ وهزار: اشمعنا أنا يعني؟ ولا أنا عشان عمتو الحربوقة؟ ريتاج: يا بنت بطلي. حسن البنت تقول لك يا حربوقة لما تكبر. ملاك: لا طبعاً، ما تقدرش. ملوكة هتطلع قمر زي مامتها وزي باباها كمان. ليل بفرحة وحب: حبيبتي، ربنا يخليكي ليا يا رب.

ملاك بفرحة وحب: ويخليك ليا يا قلبي. الكل ما عدا سعاد وهدير: إيه الرومانسية بتاعتكم الأوفر دي؟ مالك: يا جدعان، راعوا إن في حد هنا لسه ما اتجوزش. شادي: وانت إيه اللي منعك يا أخويا؟ مالك: ما أعرفش والله. لسه ما لقيتش. ريم: إن شاء الله تلاقي قريب. وربنا يخلي لك ملوكة يا ملاك. ملاك بابتسامة: يا رب. الفتاة: أسفة، معلش. دخلت الأوضة غلط. مالك بصدمة وفرحة: إيه ده؟ انتي مش انتي اللي سألتيني؟ ليسا: أيوه أنا. حضرتك عرفتني منين؟

أه، حضرتك مالك الحسيني. حسن للولد بصوت واطي: هي دي حبيبة القلب. مالك شافها في المطار عجبتهم. مالك بحب: تتجوزيني أنا بقى؟ أنا لي كتير أوي بدور عليكي. ليسا بفرحة وكسوف: بس انت ما تعرفنيش. هو أنا ما عنديش مانع. بس تروح تكلم بابايا. مالك: يا سلام، من عندي قبل العين دي. بحبك. ليسا بكسوف: وأنا كمان. الكل قاعد يضحكوا لحد ما جه يوم السبوع بتاع ملك. سعاد بفرحة: يلا، سمي الله يا ملاك وابدئي.

ملاك بفرحة: بسم الله. الأولى بسم الله. والثانية بسم الله. سعاد وهدير هم بيدقوا الهون: اسمعي كلام تيتا سعاد وتيتا هدير. واسمعي كلام ماما وبابا يا بت. الولاد: الله! هو إحنا مالناش نفس ولا إيه؟ البنات: أيوه، وإحنا كمان. الله. سعاد وهدير: طيب، ماشي. ما تزعلوش. سعاد: اسمعي الكلام عمتك نور، واسمعي كلام عمك مالك، واسمعي كلام عمك حسن، واسمعي كلام عمك شادي. واسمعي كلام طنط ريم، واسمعي كلام طنط ريتاج، واسمعي كلام طنط ليسا.

ملاك وليل كانوا شايلين ملك وكانوا فرحانين جداً. ليل بعشق: بعشقك يا ملاك. ملاك حب وعشق: وأنا بعشقك يا ليل.