رواية ملاك الليث الفصل الثامن عشر 18 - بقلم اسراء محمد

مستر اكس: ها الخطه اتنفذت ولا لسه؟ -هي خلص ابتدت فأول خطوه اهي، متقلقش. عدي اليوم عادي. تاني يوم الصبح، عند ملك. صحيت بدري وغطت حماده كويس، ولبست لبس الخدم ونزلت. دخلت المطبخ. ملك: صباح الخير ي داده. الداده: صباح النور ي بنتي. إيه اللي نزلك ي بنتي وتشتغلي؟ ملاك وليث طيبين ومش هيخلوكوا محتاجه حاجه انتي واخوكي، انتي زي اختهم. ملك: بس مينفعش بردو. أنا هعيش هنا بلقمتي وهشتغل وهصرف على اخويا، مينفعش هما يصرفوا عليا.

الداده: ملاك هانم مش هتخليكي كده كتير، بس هي سايباكي كده فالأول عشان انتي عاوزة كده، بس بعد كده مش هتسيبك كده. هي بتعتبرك زي ندي اختها، بس هيا عاوزة تريحك بس. ملك: مانا عارفه، بس أنا هبقى مرتاحة كده. الداده: اللي يريحك ي بنتي. ملك ابتدت تحضر الفطار. ملاك وليث صحيوا. ندي راحت مدرستها، قدموها لها في مدرسة خاصة. لقوا ملك بتحط الفطار على السفرة. ملاك: بردو عملتي اللي فدماغك ي ملك؟

ملك: معلش، أنا كده مرتاحة. بعد إذنكم هطلع أفطر حماده. ملاك وليث: طبعًا، روحي. ملك طلعت صحت حماده. حماده صحي: صباح الخير ي ملك. ملك: صباح النور ي عيون ملك. يلا ادخل الحمام اغسل وشك وتعالى عشان تفطر. حماده: حاضر. وقام غسل وشه وطلع. ملك فطرته وشغلت له الكرتون. ملك: اقعد هنا ي حبيبي، أنا شغلتلك الكرتون عشان تتفرج. اقعد هنا متطلعش من هنا، وأنا هشوف شغلي، ماشي ي حبيبي. حماده: حاضر، بس هاتيلي شوكولاتة. ملك: حاضر ي حبيبي.

ونـزلت تشوف شغلها. عند لؤي وماهي. لؤي صحي وراح يشوف ماهي، لقاها صاحية. لؤي: صباح الخير. ماهي بابتسامة حزن: صباح النور. لؤي: يلا عشان تفطري. ماهي: حاضر. ونزلت على الفطار. عدي اليوم عادي بدون أي تفاصيل. بالليل عند أميرة ولؤي. لؤي: أميرة. أميرة: نعم ي روحي. لؤي: وحشتيني. أميرة: بس بقي، بطل قلة أدب الله. لؤي: طيب ما تيجي أوريكي قلة الأدب فعلاً. وهوبا شايلها. أميرة: لؤي بقي. لؤي: عيون لؤي وروح لؤي. أميرة بدلع ولفّت

إيدها حوالين رقبته: وانت كمان وحشتني. لؤي: قلبها مال. وسكتت شهرزاد. عند ملاك وليث. ليث: مالك ي حبيبتي بس؟ ملاك بتعب: مش عارفة، تعبانة أوي ي ليث. ليث: مانا بقعد أقولك أوديكي للدكتور، مبتسمعيش الكلام. ملاك: عشان ده طبيعي ي حبيبي، عشان الحمل. ليث: ماشي طبيعي، بس نطمن بردو ي حبيبتي. تعبك مش طبيعي. ملاك: متخافش ي حبيبي. عند ملك وحماده. ملك حضنت حماده. ملك: إيه ي حبيبي، معلش ي حماده، بسيبك قاعد لوحدك، بس غصب عني ي حبيبي.

حماده: مش مهم ي ملك، أنا مش زعلان. جبتيلي شوكولاتة؟ ملك: آه ي حبيبي، أهيييي. حماده: هيييييه. وباسها من خدها وخد الشوكولاتة وقعد يأكل على جنب. وملك دخلت تاخد شاور وتغير هدومها. طلعت لقت حماده نايم، باسته وغطته، خدته في حضنها ونامت. تاني يوم الصبح. ملاك صحيت قبل ليث، دخلت الحمام. خدت شاور، غيرت، ونزلت لقت ملك صاحية وفالمطبخ. ملاك: صباح الخير. ملك: صباح النور. ملاك: تعالي ي ملك، عاوزاكي في موضوع مهم. ملك: حاضر.

ملاك: هو أخوكي مش في المدرسة ليه؟ مش المفروض إنه كبير ويكون في المدرسة؟ ملك: مانا مستنية السنة الجديدة، لأني بصراحة السنة دي مكنش معايا فلوسها، راحت عليه. بس هدخله السنة الجاية، هكون أنا عرفت جمعت الفلوس بتاعتها. ملاك: طيب، وده كلام ي ملك؟ حرام عليكي ي حبيبتي، مقولتيليش ليه؟ ي ملك، انتي اختي وأنا سيباكي بس كده، براحتك. في موضوع الشغل ده، بس أنا عاوزة أريحك، انتي واحدة منا ي حبيبتي. ملك: بس.

ملاك: مبقاش بس ي ملك، بصي، إحنا هنقدمله في المدرسة. أنا زعلت أوي إنك مقولتيش ومدخلش عشان الفلوس، كنتي تعالي قوليلي وأنا هدخله. ملك: شكراً، أنا مش عارفة أقولك إيه، بس الفلوس دي اخصموا جزء من مرتبى كل أول شهر، يعني كأني استلفت كده منكم وأنتم كل شهر بتخصموا مني. ملاك: أولاً متقوليش كده، انتي اختي. وإنتي لسه مصممة برضه على رأيك إنك تشتغلي؟ ملك: معلش، أنا مرتاحة كده. ملاك بحيرة: على راحتك، بس مش هسيبك كده كتير.

عند داليا وحسام: داليا: حسو. حسام: آه، طالما فيها حسو يبقي في مصلحة. داليا: بص بصراحة بقى. حسام: بصراحة يبقي في مصيبة. داليا: ربنا ما يجيب مصايب ي حبيبي. حسام: عاوزة إيه طيب ي حبيبتي؟ داليا: عاوزة أروح عيد ميلاد واحدة صاحبتي النهارده. حسام: ماشي، طالما إنتي هبقي معاكي. داليا: مانت مش هتبقى معايا. حسام: ليه بقى إن شاء الله؟ داليا: عيد الميلاد عازمة فيه صحابها البنات بس ي حبيبي. حسام: امممم، ماشي موافق.

داليا حضنته: أحلى حسو في الدنيا. حسام: يعني مفيش مكافأة بقى؟ داليا بدلع: مكافأة إيه؟ حسام: زي كده مثلاً. وشالها وذهبوا إلى عالمهم الخاص. في مكان مجهول: اكس: أخيراً جيتي. : مكنتش عايزة حد يشك فيا. : طيب وعملتي إيه؟ : الخطة نجحت وكل حاجة ماشية زي ما إحنا عاوزين. : كويس أوي. : جبتيلي اللي قولتلي عليه في الفون؟ : آه، خدي أهو، وخلّي بالك لحد ما يشوفوه. : متخافش، سلام بقى. عند ملاك وليث: ليث رجع من الشغل.

داليا رجعت من المدرسة. ملك حضرت الغداء وطلعت تشوف أخوها حمادة. ملك: يلا ي حبيبي عشان تاكل، جبتلك أكل من اللي إنت بتحبه. حمادة: بجد ي ملك؟ ملك: بجد ي عيون ملك، يلا. حمادة: حاضر. ملك، أنا عايز أقولك حاجة. ملك: إيه ي حبيبي؟ حمادة حضنها: أنا آسف ي ملك، إنتي تعبانة بسببي وبتستغلي، عساني حتى أنا عارف إنتي مش بتأكلي. ملك: ي حبيبي، أنا مليش غيرك، مش عايزة أحرمك من حاجة. وكمان إيه رأيك لو قولتلك إني هدخلك المدرسة السنة دي؟

حمادة بفرحة: بجد ي ملك؟ ملك: بجد ي عيون ملك. حمادة: أنا بحبك أوي ي ملك. ملك أكلته وشافتله كرتون ونزلت. بالليل عند ملاك وليث: ليث قاعد. ملاك: ليث، الحقيني، بموت، مش قادرة. ليث اتنفض: في إيه ي ملاك؟ مالك؟ جري عليها. ملاك: آآآه، هموت، مش قادرة. بي'بص لقي ملاك بتنزف وأغمي عليها. شالها بسرعة وجرى بيها على العربية وف طريقه المستشفى. ليث: ملاك، ملاك، فوقي، ردي عليا، النبي فيكي إيه؟ ملاك: لا رد. ليث وصل المستشفى.

ليث: دكتور، بسرعة. جه الممرضين والدكتور خدوه. الدكتور: خدوه على العمليات بسرعة. ودخلت العمليات. ليث رايح جاي مش عارف يعمل إيه. لؤي كلمه وعرف وراحله على المستشفى. لؤي حضنه: اهدي ي صاحبي، هتبقى كويسة والله. ليث: ي رب ي لؤي، ي رب، لو تشوف شكلها. طلع الدكتور، ليث جري عليه. الدكتور: للأسف، المدام فقدت الجنين. ليث: إيه ده؟ طيب وهي، هي حالتها إيه؟ الدكتور: هي حالتها كويسة، بس في حاجة غريبة، هي وقعت أو حاجة؟ ليث: لا.

الدكتور: أمال هي كانت بتشتكي من أي تعب؟ ليث: كان تعب عادي من رجليها كده، لكن عمرها ما اشتكت إنها حاسة إن بطنها وجعاها وكده. الدكتور باستغراب: تمام، شوية وتفوق وتقدر تشوفها. ليث: تمام. لؤي: متزعلش ي صاحبي، هتبقى بخير وتتعوض إن شاء الله. عدى شوية، ملاك فاقت. ليث دخلها. ملاك بعياط: ابني ي ليث، جراله إيه؟ ليث: إنتي مؤمنة بربنا، إحنا فقدنا الجنين، بس تتعوض، المهم صحتك. ملاك بعياط: لا، ابني ي ليث، ابني.

ليث خدها في حضنه وطبطب عليها وهي بتعيط وهو كمان بيعيط. لحد ما عدى شوية وقت والدكتور اتأكد إنها بقت كويسة وكتبلها على إذن خروج وخرجت. روحت البيت، لؤي وصلهم وبعد كده مشي. ليث دخل ملاك الأوضة وقعد جنبها لحد ما نامت وقام بهدوء من جنبها ينزل المطبخ يجيب ميه. معدي بالصدفة سمع ملك وهي بتتكلم في الفون.

ملك: الخطة نجحت خلاص، بقولك، وهي لسه جايه من المستشفى، ده أكيد بسبب الدواء اللي أنا حطيته، بس طبعاً أنا عاملة نفسي نايمة، معرفش إيه اللي حصل، سلام بقى دلوقتي. وقفلت الفون. ليث دخل عليها: هو إنتي ي بنت الـ. ملك: أنا؟ أنا إيه؟ ليث: إنتي عارفة إنتي إيه؟ طخخخ طخخخ. نزل فيها ضرب. ملاك صحيت على الصوت. ملاك: بتمشي بصعوبة، بس ي ليث، سيبها. ليث: إنتي إيه اللي قومك؟ وراح عليها. ملاك: حرام عليك، عملتلك إيه؟ ليث: حكالها كل حاجة.

ملاك بصدمة: إنتي؟ ليث: انطقي، كل حاجة أحسنلك. ملك ابتدت تحكي، وإنها لما دخلت البيت أول يوم، اليوم ده كلمها وقالها إنه عايز يسقط ملاك. هي رفضت، بس هو فضل يهددها بأخوها لحد ما هي وافقت. ليث: والحد ده مين؟ ملك: معرفش، معرفش. ليث: لا عارفة، اخلصي، انطقي. ملك: واحد اسمه اكس، ولابس قناع، أنا معرفش شكله، ومعاه بنت معرفش اسمها إيه والله. وقابلته مرة في مكان كذا. ليث: كلمي دلوقتي وقولي إننا شكينا فيكي وإنتي هربتي.

ملك: حاضر، حاضر. وكلمته. مستر اكس: الو، في أخبار جديدة؟ ملك: أنا، أنا شكوا فيا وهربت. مستر اكس: إيه؟ عرفوا حاجة؟ ملك: لا، لا، شكوا بس، بس أنا هربت، عايزة أشوفك ونتقابل عشان نشوف هنعمل إيه. مستر اكس: طيب، تعالي بكرة الصبح، الوقت دلوقتي متأخر. ملك: لا، لا، مش هينفع، أجي أنا، حاول تيجي ليا، نتقابل في أي مكان. مستر اكس: طيب، نتقابل في مكان كذا. وفعلاً، عدى اليوم، تاني يوم الصبح. ملك راحت لمستر اكس.

مستر اكس: جيتي، بس كويس إنك قبل ما تهربي، الخطة نجحت. ملك: آه، آه، والحل دلوقتي؟ مستر اكس: متخافيش، اقعدي. ملك: هو إنت؟ إنت مين؟ مستر اكس: أنا واحد، واحد كل حياته ذنوب في ذنوب، كبرت وسط أب وأم بيكرهوا بعض ويكرهوني، محدش يقولي غلط، محدش يقولي عيب، صح غلط لحد ما حبيت، حبيت ملاك من كل قلبي. ملك: اسمك إيه؟ مستر اكس: مش مهم. يلا. لسه هيقوموا، دخل ليث وملاك ومعاهم الشرطة. ليث: كنت متأكد إنك إنت ي مهند. مهند بصدمة: ليث؟

وبيبص بصدمة على ملك ومش فاهم حاجة.

ليث: آه، متستغربش، وع فكرة دي كانت خطة ملك، كانت حاكيلنا على كل حاجة من الأول، من أول مرة إنت قولتلها فيها، وإحنا اتفقنا إننا نعمل كده ونعمل الخطة دي عشان إنت تفكر إن كل حاجة ماشية تمام، وملك تقولك إننا شاكين فيكي وتهرب عشان إنت اللي تيجي، وفعلاً جيت. وطبعاً أنا بلغت الشرطة، لأن دي كانت محاولة قتل، وكل حاجة متسجلة ليك، وبعدين أصلاً أنا كنت شاكك إنك إنت، وشكي طلع في محله، كده بقى عندك محاولة هروب، مجرم من السجن، متنساش القضايا القديمة، وزود عليهم قضية محاولة قتل تاني.

ليث حضن ملاك وضمها لي: محدش يقدر يفرقنا عن بعض أو حتى ياخد مني ابني. مهند والحكومة بتقبض عليه: طخخخ، طلقة طلعت من مسدسه.