رواية ملاك المالك الفصل الأول 1 - بقلم ملك وائل

مالك. ممكن أفهم بتعيطي ليه دلوقتي؟ ملك. (تبكي) أنت عارفه. مالك. (يقرب منها ويحتضنها) قلتلك أنا مش عايز بيبي، أنا عايزك أنتِ. ملك. (بدموع) بس مامتك عايزة. مالك. بصي، اهدي أنتِ، وملكيش دعوة بيها، أنا هتصرف معاها. ملك. إنهرده مش هتيجي البيت صح؟ مالك. آه. ملك. يا مالك، مش ترجع تشتغل الصبح زي الأول؟ مالك. (بتوتر) ما هو مفيش موظفين بليل غيري أنا وواحد تاني، عشان كده بروح الصبح ساعتين وبليل بكمل، فهماني؟

ملك. طيب يا حبيبي، ربنا معاك. مالك وملك نزلوا يتعشوا عند مامت مالك. مالك. ماما، عايزك في كلمتين. أم مالك. ماشي يا حبيبي. ملك فهمت إنه عايز يكلمها، وراحت المطبخ. أم مالك. إيه يا ابني؟ مالك. متجيبيش سيرة الخلفه تاني يا ماما قدام ملك، أنا عملت اللي أنتِ عايزاه، اعملي كمان يا ماما اللي أنا عايزه. أم مالك. طيب يا ابني، يلا روح أنت. مالك دخل لملك. مالك. عايزة حاجة أجبهالك وأنا جاي الصبح؟ ملك. عايزة سلامتك يا حبيبي.

........................................... تاني يوم ........................................... مالك جه الصبح، وكانت ملك نايمة مع مامته، راح طلع شقته ونام. جت الساعة 6 المغرب، وكان هو لسه نايم. ملك طلعت صحته. ملك. يا مالك، قوم، الساعة 6، إيه النوم ده كله؟ مالك. (بنعاس) طيب، شوية شوية يا حبيبتي. ملك. قوم بس عشان ماما جعانة وعايزة تأكل معاك. مالك. حاضر، روحي وأنا هاجيلك. ملك نزلت وحضرت السفرة، ومالك نزل.

مالك. مساء الخير يا ماما، عاملة إيه؟ (وقرب باسها من دماغها) أم مالك. الحمد لله يا حبيبي، بخير طول ما أنت بخير. وملك قعدت وهي بتبص لمالك. خلصوا وقاموا، وملك دخلت تنضف المطبخ، وكان مالك قاعد. أم مالك. إيه يا واد، مراتك شهد التانية حامل ولا لسه؟ ملك. (بصدمة) مراتك؟ واغمى عليها.