رواية ملح بطعم السكر الفصل السابع والثلاثون 37 - بقلم سلمي سمير

#فرحة_منتقصة
#البارت_السابع_والثلاثون
••••••••••••••••••••••••••••••••••••••••••••••••••☆
أذا تعثرت هذا يعني أن في حياتك شخص  ما يدفعك للخلف ألف خطوة،  لكن عندما تجد من يقوم بعزم قوته ويدفعك ألف خطوة للأمام.فاعلم انك عثرت علي من تحب لانه سيكون سبب لنجاحك لشدة ثقته فيك وايمانه بك

كافحت ورد في ولادتها لطفلها الثاني  بعد ان اصبحت الولادة متعثرة وعند قيام الدكتورة ازاد بفحصها اكتشفت انقباض الرحم بشدة وانغلاقه ليعود الي وضعه المتوقع نتيجة الربط
هذا ما جعل الدكتورة تؤكد ان ولادتها لاول طفل معجزة في حد ذاتها،لان اغلب حالات الربط بينتج عنها ولادة قيصرية

لكن الغريب هو حالة المخاض التي دخلتها ورد والالم الشديد التي كانت تعاني منه وبعد انفصال المشيمة ونزيفها الحاد اجزمت الطبيبة عدم امكانية انقاذ الجنين الثاني،مع ضرورة نقلها الي المستشفي لانقاذها

كان رياض قي حالة لا يرثي لها خوفًا علي معشوقته بعد ان اصبحت تنزف بغزارة طلب من امه تجهيزها حتي يحملها ويذهب بها الي المستشفي

امسكت ورد يده بتشبث غريب وبكت بحرقة وهي توصيه باولادها وتطلب منه الا ينساها ولا يتركها الي ان تلفظ انفاسها

نهرها رياض بشدة بسبب تحدثها عن الفراق والموت وقال"
مفيش فراج بيناتنا تاني يا ورد هتعودي لي ولاولادك، مستحيل بعد ما حججتي حلمنا وربنا رزجنا باللي يربطنا العمر كلته تفارجيني مش هسمح ليكي 
يا الحياة تجمعنا سوا يا الجبر يلمنا بردك سوا فاهمة مش هفارجك

دمعت عيناها وهي تري حزنه وعذابه عليها ودعت ربها ان لا تكون سبب في الامه اكثر من ذلك

ظلت تردد الدعاء الذي كان دائما ما يردده رياض
لا اله الا انت سبحانك اني كنت من الظالمين ، لا اله الا انت سبحانك ان كنت من الظالمين، لا اله الا انت سبحانك اني كنت من الظالمين
واكملت بالآية الكريمة دعائها( وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ*فَاسْتَجَبْنَا لَهُ فَكَشَفْنَا مَا بِهِ مِن ضُرٍّ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَى لِلْعَابِدِينَ"
مع اخر كلمة صرخت بشدة جعلت الكل يرتجف من  قوة صرختها مما جعل رجاف قلبه لا يتوقف واحتضنها بقوة من ظهرها وما ان اغمضت عينها باستسلام وانهيار

صرخ رياض بها بشدة وهزها بقوة يحسها علي الاستيقاظ
ويصيح فيها بهلع وذعر"
لاه يا ورد مش هتفارجيني مش من حجك توهبيني الولد وتاخدى روحي معاكي وتهمليني كي الميت
فوجي يا ورد ردي عليا وفوجي الله في سماه لو ما رديتي عليا لادفن حالي معاكي وانا حي ردي يا رفيجة جلبي

امسكته امه وجذبته حتي يترك جسدها  وصاحت فيه بقلق"
هملها يا ولدى خلاص كل حاجة خلصت، ورد ولدت بت الحمد لله هي اغمي عليها مش ماتت ادعي لبتك الله يردها لينا

نظر رياض الي الطفلة التي كانت بين يدى الدكتورة تحاول اسعافها وجعلها تتنفس من جديد
عاد ونظر الي وجه ورد المسترخي بهدوء بعد ان قامت بمجهود فوق طاقة البشر الي ان انجبت اولاده

وهتف بدخله امل جميل اوشك علي التحقيق وحلم تصور انه المستحيل ذاته  وهو ان يكون له بنت مثل اخيه ما له دنيا  وورد له ياسمينا،تمني يكون ليه هو الاخشر بنت تكون  بنت  ابيها وقطعة للحنان المستمدة من عشيقة قلبه وردته

ارح راس ورد المتوسد صدره علي الوسادة وذهب الي الطبيبة واخذها منها بنته وقال له بإيمان  نابع من ثقته في الله "
هات البنية يا دكتورة  وفوجي انت ورد لو لينا نصيب فيها هيردها لينا باذنه

ناولته الدكتورة ازاد الطفلة التي لا تنطق او تتنفس اخذها منها وضمها  إلي صدره كما ضم اخيها واخذ ياذن في اذنها بصوت عذب شجي
وبعد ان انتهي قال بلوعه وكلام اقشعرت له الابدان
لية يا بت عمري تفرحيني برؤياكي وما تهمليني احس بيكي واشعر بنبضات جلبك وصوتك يرنم اجمل ترنيمه في عمري كله، فتحي عيوني رايد انضر جمالهم،بالله عليكي يا بت عمري ما تهمليي بوكي قبل ما تحملي اسمه وتفرحيه بيكي وباولادك يا ضي جلبي
خذ يدلك صدرها بقوة ويدفئها بصدره بحنان ورفق كالمشتاق بجنون وهو يدعي ربه يردها اليه
سالت دموعه هو يقبل وجنتها الباردتان وهتف بحرارة"
بت رياض وورد ما تستسلم بالهين اكده، انت بت ابوكي وحلمه وامله مناه في الدنيا واخر رجا ليه في الحياة انه يكون ليه بنيه كي الجمر مثلك
ما توجعيني  عليكي بفرجتك ليه  يا جلب ابوكي وجطعه منيه جبل ما تفريح بيكي وبرؤيته لعيونك الحلوه كي امايتك

الله في سماه لاخلي دنيتك كي الجنة خليكي في جنتك معايا بالارض ولا تهمليني لجنة الله في  السماء ما هتحملش انا  وجع حرماني منيكي واصل
بوكي مش حمل فراج زهرته البريئة اللي هتزين حياته وتنورها بالهنا
ارجعيلي  يا جلبي الله لا يبكي عيني عليكي يا ضنا عمري
ظل يحدثها كانها تسمعه لا يعلم انه  اصبحت الان بين يدي بريها وعانيتها وهو من يسترد امانته وقت مايشاء
••••••••••••••••••••••••••••••••••••••••••••••••••☆
لم ييأس رياض من عودتها الي الحياة  وظل يحدثها ويدلك صدرها برفق ولهفه وولسانه يردد الدعاء إلي الله والتضرع اليه بأن يكمل رضاءه عليها بان يعدها الحياه، ظل كذلك بلا كلل او ملل لثقه في ان الله يختبر صبره وثقته به،

الي إن راي ورد بدات تستجيب للدكتورة  وتحاول فتح عيناه
خاف عليها من صدمة موت صغيرتها التي لم تراها بعد ضمها إلي صدره بحنان وحب،  وقلبه يتمزق الم ويقطر دمًا وحسرة علي فراقه وقال"
ما توجعيش جلبي انا وامايتك عليكي كلتنا كنا بانتظارك يا كبد وفلذة ابوكي - ثم صاح بلوعه من داخل اعماق قلبه متضرعًا( يارب)

سمع حينها اذان الفجر يتردد بالخارج فصاح بجزع ورجاء"
يارب انت الوهاب الجادر المجتدر اكمل نعمتك علي عبدك الفجير اليك،  ردها لينا ولا تحرمني منيها ، ما توجع جلوبنا عليها  يا جادر يا كريم يا الله
شق صوته سكون الليل واسترعي انتباها ورد التي نظرت اليه لا تعلم سبب تضرعه الي الله بهذا الشكل الموجع

ما انا انتهي ما دعاءها ،الا وسمع صراخ متذمر ينطلق في جوف صدره من فتاة عنيده كأمها صلبها كأبيها مكافحه مثلهم
ضمها رياض الي صدره بفرحه غير مصدق ان الروح  قد عادت فيها ونبض قلبها يعلو صاخبًا في جوف صدره

مما جعل ورد  تبتسم بفرحه عند سماع  بكاءها  ونظرت اليه وسالته بلهفه"
قول ان ربنا رزقنا ببنت يارياض طمني بالله عليك  قلبي بيقولي انها بنت امنية حياتك وحلم عمرك كمل بيها صح

هز رياض راسها وهو يطالعها بمشاعرة متصاربة بين العشق والفرحه واللهفه والحماس وقال "
ايوه يا ورد فجر ربنا رزجنا بفجر وبدر ايه جولك

ضحكت ورد باعياء وقالت بسعادة"
اسماءهم حلوه اوووي يارياض فجر وبدر ربنا يباركلنا فيهم

اخذ رياض الولد.من يد.حماته وضم الاثنين بحضنه بقوة
وبعد.ذلك وضعهم علي صدر ورد وقال"
حلمنا يا وردتي بجي حجيجه ياه ١٨ سنه لاجل انال السعاده كلتها في يوم واحد وربنا يرزجنا منيكي الولد والبنت
ضميهم حسي بيهم كي حسيتي بيهم طول حملك فيهم

ضمتهم ورد علي صدرها بقوة وعيونها تبكي بحرقه وغزارة
مما جعل رجاف قلب رياض يزيد خوفا علي زوجته من شدة الفرحه التي جاءت بعد عذاب وفراق ومحاولات عدة للعلاج
الفرحه التي قد لا يستطيع القلب احتمالها، فيقضي عليه

ضمها رياض الي كنفه واخذ يهدأ من روعها حتي لا تفزع صغيريهم وقال لها بثبات"
خلاص يا ورد المًا انتهي، وحلمنا اتحجج  وولادنا بين يدك هيعشيو تحت ظلنا، وهننضرهم وهما بيكبرو يوم عن يوم بحبًا ورعايتنا اللي هتكون ليهم حصن الأمان
هننضر حبنا وعشجنا بيكبر فيهم علي مر الزمان اهدى بالله عليكي وخلي فرحتك  حمد وشكر لله علي نعمه علينا

تهدج صوتها من النحيب ورددت وراءه "
احمدك واشكرك يارب علي فضلك ونعمتك عليا

ابتسم رياض حين راى انفاسها تهدأ  وتضم اطفالهم بحنان ورقة ،ثم نظر الى الدكتورة ازاد التي كاتت تقوم علي تهيئت ورد وتخليصها من اثار الولادة سائلا بحيرة"
يا دكتورة ازاد في حاجه محيراتي كي ورد تخلف تؤام وكل واحد جنس مختلف، مش كي علي خوي وجاد الله يرحمه كانو تؤام وشكل بعضيهم صعيب تفرجيهم عن بعض لكنهم ولاد كي بعضهم مش كي بدر وفجر

انهت الدكتورة ما تفعل واخذت محرمه تجفف بها يدها وقالت بثقه عن علم ويقين "
يا كبير معجزات الله  لا تنتهي، حمل التؤام بالذات من احادى المشيئمة محدش يعرف ليه سبب علمي غير ان البويضة  بعد تلقيحها انفصلت واصبح بدل الجنين اتنين والانوع متعددة في احادي المشيمه والكيس واحد  ودول نسبة التطابق بينهم كبيره جدا وتكاد الاختلافات تكون معدومه، دول زي اخوات حضرتك وممكن يحصل اختلاف في الجنس بحالات نادره نتيجة عيب خلقي بالكروسومات
ام احادى المشيمة لكن بكسين  زي اولادك،، اختلاف البيئة الجينية ممكن يختلف الجنس لكن بيكون متطابقين بنسبة 
كبيرة بردك وصعب تفرق بينهم الا بأختلافات بسيطه
، وفي التؤام المعروف الغير متطابق اللي بيكون بسبب تعدد البويضات المخصبة وبيكون كل طفل في كيس ومشيمه لوحده ، وبيكونو زي اي اخين الاختلافات موجودة وملحوظه لكن العمر بيكون واحد

(حقيقة علمية )
التوأم ثنائي المشيمة والسلى:/ أو التوأم المختلف، يتفرق فى أول أربعة أيام بعد التلقيح فى أكياس مختلفة ومشيمة لكل جنين. هذا يحدث في معظم التوأم المختلفة.

التوأم أحادي المشيمة وثنائي السلى/: يتشارك التوأم نفس المشيمة لكن فى كيسين متفرقين. يحدث ذلك عندما تنقسم الأجنة بين 4-8 أيام بعد التلقيح ويحدث ذلك فى 60 إلى 70٪ من التوأم المتماثل .

التوأم أحادي المشيمة والسلى: يتقاسم التوأم نفس الكيس والمشيمة ويحدث عند انقسام الأجنة بعد 9 أيام من التلقيح.

التوأم المتماثل، أو ما يسمى علمياً بالتوائم أحادية البويضة، هو توأم ينشأ من بويضة مخصبة واحدة، تنقسم ليتطور جنين مستقل من كل قسم.
تكون درجة التطابق الشكلي بين التوأم من بويضة واحدة في هذه الحالة مرتفعة إلى حد كبير، وذلك لأن هذه الأجنة نشأت وتطورت من حمض نووي وتركيبة جينية أخذت من بويضة واحدة ومن حيوان منوي واحد. وتتصف بـ:
1. التماثل في الجنس: يولد الأجنة في حالات التوأم المتماثل إما ذكوراً فقط أو إناثاً فقط، أما الحالات التي تولد فيها أجنة التوأم المتماثل مختلفة في الجنس فهي تعد نادرة وإن حدث فقد تحصل نتيجة عيب خلقي في الكروموسومات

التوأم الملتصق: يحدث عند انقسام الأجنة بعد 12 يومًا.

سبب حمل التؤام ( حقيقة علمية)
تقدم سن الأم: لدى النساء في الثلاثينيات والأربعينات مستويات أعلى من هرمون الاستروجين مقارنة بالنساء الأصغر سناً، ما يعني أن المبيضين يتم تحفيزهما لإنتاج أكثر من بويضة واحدة في كل مرة.

- عدد مرّات الحمل السابقة: كلما زاد عدد الحمل لدى المرأة، ارتفعت احتمالات الحصول على توائم.

- الوراثة: المرأة أكثر احتمالاً كي تلد توأماً إذا كانت هي احدى التوائم، أو كان لديها أخوان توأمان.او الزوج نفس حالة رياض
••••••••••••••••••••••••••
فسرت الطبيبة الي رياض سبب اختلاف جنس المولود مما جعل رياض يتاكد ان هذه معجزه من الله حباه بها
بعد ان انتهت من مهمتها طلبت منه ان يعطيها الطفلين لتطمئن عليهم قبل ان تنصرف
اعطاه الاول بدر الذي كانت جدته البسته ثيابه  واعطي الطفله الي حماته كي تلبسها هي الاخرة  وبعدها اعطاها للدكتورة كي تفحصها

قامت الطبيبة بفحصهم والتاكد من سلامتهم وبعد ذلك
باركت للكبير والي ورد وجدة الاولاد وقالت لهم"
النهاردة  شوفت بعيني معجزه حقيقية،زوجه في سن ٣٨ سنه وبعد عملية ربط للرحم تولد طبيعي، والمعجزه الاكبر ان بعد انقباض الرحم وانغلاقه يرجع يستجيب وتولد طبيعي بجد معجزات ربنا لا تنتهي ،انا ببارك ليكم وابارك لنفسي اني حضرت المعجزة علي ارض الواقع وشفتها بعيني شكرا ليكم

ابتسم لها رياض واخرج مبلغ كبير من المال واعطاه له"
ده حلاوة الولد ام هديتي ليكي هتنضريها بعينك بكرة شكرا ليكي انت في وجفتك معانا من اول حبله لورد لحد مرت ولدى  وبالاخير مرتي وحبلها في تؤامي

ابتسمت له بامتنان وشكرته وعادرت بعد ان اطمئنت علي الام والصغار اتهم بخير واوصت بضرورة التغذية السليمة للورد

بعد ان غادرت طالع رياض ورد فراها قد.غفت طلب من امه وامها الخروج وتركها تنال قسطًا من الراحه وحمل هو اطفاله وخرج بهم  بره الغرفة اول من  هرعت عليه كانت ياسمينا واختطفت احد الاطفال من يده وصاحت بهستريا"
اخيرا بقي ليا اخت واخ كمان  من احن اب بالدنيا ،انا فرحانه اوووي يا بابا رياض ربنا ما يحرمني منك

جذبها رياض تحت جناحه وضحك قائلًا"
اللي خطفتيه بدر ودي خيتك الزينة اللي خلعت جلبي عليها

قبلت ياسمينا اخيها الصغير وعادت واعطته لرياض واخذت اختها وضمتها الي صدرها بفرحه عامرة وقالت"
ببلاش زينه هنسميها اسم زهرة زيا انا وماما ايه رايك توليب

علت ضحكت رياض،اجابها قائلًا حاسمًا امره"
كان نفسي ارضيكي يا ياسمينا واسمبها زهرة، لكن اسمها نزل معاها كي خوك ،اختك ردت فيها الروح مع اذان الفجر لاجل اكده سميتها فجر ،وخوكي كي البدر في ليلة تمامه سميته بدر
مبروك عليكم خواتك اليوم كل ولادي ارتبطو ببعض

اقترب ياسين واخذ اخية وقبله بحب وفرحه"
انا فرحان اووي اننا بقينا خمس خوات وبدر كملنا وبقينا كي الكف الواحد  مش هنتفارق
وعد علي اصابع يده،عبد الرحمن فيصل علي ياسين بدر
اشار ليهم رياض جميعا وضمهم تحت جناحيه،حينها رأي فيهم عزوته وقوة وحبه وعشقه،
ونظر الي ياسمينا التي تحمل بين يداها اختها الصغيرة واغمض طرف عينه بابتسامه حانية وقال في نفسه"
جت اللي هتاخد كل عشجي لمايتك يا ياسمينا، من اليوم يكفيكي عشج ولدى، بس هتفضلي انت اول فرحتي من ورد

بعد ذلك جمعها واقام بهم صلاة الفجر حاضر مثل يوم  ولادة  حفيده وجدى الذي  حمله ابيه بحب وقال"
مخبراش كي ولدى يجول لخويا يا عمي وهو اصغر منيه ينفع اكده يا بوي مكنتش جادر انت واما ورد تبدرو في ولادتهم

ضحك رياض وضمه بمزدة قائلًا"
كل شئ باوأنه يا ولدى وماشاءت الله مش جبل اكده  يلا همو
نروح اشغالنا ومن بكرة هنجيم سبع ليالي افراح ودبايح في البلد كلاتها لجل الفجير والغلبان يفرح معانا ويشاركنا افراحنا
  ••••••••••••••••••••••••••••••••••••••••••••••••••☆
كانت ولادة ورد بداية جديدة في حياة رياض الذي كسب بايمانه وصبره رضا الله فجزاه خير الجزاء 

ساد حياتهم الهدوء والمحبة و وزادت الروابط بينهم الا ان ورد ظل بداخلها حزن دفين  شعر به رياض لكنه لم يضغط عليها حتي تصرح له لم يؤرقها ويسبب حزنها

نجحت ياسمينا في الثانوية العامة، وانهي فيصل خدمته العسكرية قي الجيش وتمت خطبتهم، لكن ورد اصرت علي ان تكمل ابنتها تعليمها وتكون مثلها، علي ان يكون الزفاف بعد السنه الاوله من دراستها
ولم يرفض رياض ااكمال ياسمينا دراستها لاقتناعه بان  للمراة حق في التعليم مثلها مثل الراجل، فالتحقت بكلية الادب مثل اخيها علي الذي سبقها بعام لكنه دخل اداب قسم تاريخ بسبب عشقه لمعرفة تاريخ بلده الذي كان رياض وعمه علي سبب رئيسي في حبه  لبلده وفخره بانتماءه لمصر

ومرت السنه الاول وتم تاجيل الزفاف ثانيًا ذلك  لوفاة خفيظة والدة ورد الي العام التالي بعد الذكرة السنوية

وبعد مرور العام الثاني، تم الاتفاق علي زفاف ياسمينا وفيصل الذي كان يعشقها بجنون كانها ولدت  من أجله
بدات التجهيزات لتاسيس عش الزوجية لهم، وقد اصر رياض ان يقيم هو فيصل وزجته معهم بنفس الدار علي ان يجهز لهم شقه بالطابق الثاني بعد ان استقل عبد الرحمن بحياة وخرج بره الدار واسس له دار وحده هو وزوجته حنان التي اعطاها الله طفل اخر اسموه رياض  تنفيذًا لوعده مع ابيه

كان فيصل يحمل الكثير من صفات ابيه الحنان والرفق والعشق لمحبوبته لكنه لم يكن في شدته مع ياسمينا التي كانت عنيدة مثل امها لا تتنازل بسهوله، الا ان قلبها كثيرا ما كان يهزم عنادها وتستلم اليه  كي لا تخسر حبها

في اثناء تجهيزة شقتهم كان فيصل يحرص علي اخذ رايها وذوقها في كل ما يختار، كانت هي مشاغبة ترفض للعند ليس للاقتناع حتي يسمعها فيصل كلام العشق الذي كان يجعلها تلين وتوافق رغم اقتناعها، لكنها بنت ورد العنيدة

وفي يوم بعد عودتهم من شراء بعض  مستلزمات المطبخ  التي كانت محل نقاش طويل وعجيب سالها فيصل بحيرة"
سؤال يا بت عمي هو ليه مصره يكون ليكي مطبخ لحالك مع ان حنان كانت بتجهز الوكل معانا تحت وتاخده لشوجتها،ثم هو انت بتعرفي تعملي اكل لحالك

قطبت ما بين حاجبها بغيظ وردت قائلة"
مين جال اني مش بعرف اجهز الاكل لحالي، لعلمك اماي كانت دايما تحضرني معاها علشان اتعلم  منيها، اجولك خسارة فيك كل اللي اتعلمته ،اجولك كمان مريداش مطبخ  لحالي وحاجه كمان انا مريداش اتجوزك من اصله، ومحروجه الشوجه

ضحك فيصل من جنانها وتهورها الغير مفهوم وقال لها"
جلبتي صعيدى يبجي وجعتي مربرة، يا بت عمي مجصدش واصل اني ازعلك انا بسالك مريدش اتعبك وفي حريم بالدار بيخدمونا لكن مطبخ لحالك معناه انك هتجهزي الوكل ليا وليكي،وده تعب عليكي يا جلبي ،
وبصراحه انا بحب لمتنا مع بوي وخواتي وجت الوكل بحس ان الوكل  بيكون ليه طعم ومهضوم  ولا انت مش حباها

اشاحت بنظرها بعيد عنه وقالت مبررة بحدة"
بحب لمتنا اكيد بس دي حياتي وحياتك ،صحيح هنعيش في بيت عيله بس لازم يكون ليا استقلال ذاتي
مش عارفه افهمك او انت مش عايز تفهم لانك شايف اني باخدك من اهلك، ما اخوك الكبير  ساب البيت كله وخرج ومحدش زعل منه، ليه مستكثر عليا يكون في شئ يخصني وحدى، عمتنا اعمل اللي  يريحك انا زهقت وحسا اننا مش هنكمل مع بعض بالشكل ده لاننا مش فاهمين بعض

قبل ان يرد عليها اتاها الرد من جدتها التي قالت بحدة ردا علي حديثها الجاف مع  خطيبها  وزوجها المستقبلي "
مالك يا بت ورد طايحه في الولد كده ليه، هو حرام يسال السؤال وده حجه رغم انه طاوعك وجاب ليكي اللي ريداها  انا هنزل لمايتك تعلمك الرباية وكيف تحترمي جوزك ولو مش جادرة عليكي انا جادره يا بت جاد

نزلت عديله ومن خلفها هرعت ياسمينا تحاول ان ترضيها قبل ان تشكيها الي امها، شاعرة بالضيق لانها ليس حق  النقاش مع من سيكون زوجها وان يكون لهم حياتهم الخاصة التي يجب ان يؤسسوها سويا  بدون تدخل من احد

دخلت عديله علي  ورد التي كانت تغير ثياب اولادها الصغار والذين بلغا الثالثة من عمرهم منذ ايام  وقالت لها بعصبية"
ربي بتك با ورد وعرفيها ان احترمها لجوزها بيكون كي احترامها لابوها، وعرفيها بعني ايه دار العيلة يا مرت الكبير

دنت  ورد من خالتها وعاتقتها بحب وسالتها "
مالك يا خالتي إية بس مزعلك من عروستنا قوليلي وانا هقطملك رقبتها يا ست الكل

تأففت عديلة ما ان رأت ياسمينا تدخل عليهم وهي متعصبة
وصاحت فيها قائلة"
بتك بتعلي صوتها علي جوزها فهميها ان الحره تحترم نفسها وصوتها ما يعلي في وجود رجلها
بنات عيلة الاسناوى متربين زين وانت منيهم وبتك تحسب بت الكبير لانها ربياته جوليلها عيب اللي بتعمله
خرجت غاضبه  قبل ان تسمع رد ورد عليها او تبرير ياسمينا

نظرت  ورد الي ابنتها المتعصبه وقالت لها بضيق"
مالك يا ست ياسمينا حصل ايه بينك وبين فيصل وزعل جدتك منك  بالشكل ده

زفرت ياسمينا بضيق وجلست علي طرف الفراش واخذت المشط واجلست اختها فجرامامها تسرح لها كي تهدا من عصبيتها التي لا تقبلها امها منها وقالت اخيرًا"
نفسي افهم يا ماما هو انا مليش حق في اني اسس حياتي بالطريقة اللي تريحني،  انا اتفقت مع فيصل يكون لي مطبخ منفصل، بعد ما جابه وجهزناه زعلان ومضايق وبيحسبني هحرمه من لمتكم هو مش فاهم ان دي حاجه خاصه بيا وبيه وبس، اعمل ايه علشان افهمه
ليه ولية بتناقش معاهم وسمعتنا جدتي اتعصبت عليا وزعلت وقالتلي انه هتشكيني ليكي ممكن اعرف غلطت في ايه

جلست امامها ورد واخذت فجر علي  رجلها واكملت تسريح شعرها برفق بدل عصبية اختها علبها وقالت بهدوء"
يا ياسمينا فيصل بيحبك وانت حظك حلو معاه عن حنان مرات اخوه اديكي شايفه خرج من البيت بسبب خناق ابوكي معاه لانه بيقصر معاها وبيتعصب علبها كتير  وابوكي مش بيقبل طريقته معاها لانه بيظلمها
مش قصدى ان فيصل طيب لانه زي ابوكي في كتير من رياض حتي بطريقة عشقه ليكي، لكن نصيحه مني ليكي اتقي شر الحليم  اذا غصب، كل راجل صعيدى بيحب بيحافظ علي هيبته، فبلاش تحرجبه قدام اهله لما يكون في بينكم حوار او نقاش خليه بينكم وبعيد عن عيون اخواته واهله
ثم تعالي هنا مطبخ ايه الخصوصي ليكي ، ما مطبخنا كبير وفيه اللي يساعدوكي  ويخدموكي ليه تتعبي نفسك بتنظيفه

اخذت نفس عميق ونكست  راسها ارضا وقالت بحماس"
يا ماما نفسي اعمله الاكلات اللي اتعلمته وبسمع عنه، بيتزا كريب شاورما مشويات غلطت اني نفسه ادلعه

ضحكت ورد بصخب علي تفكير ابنتها وقالت بثقة"
تبقي خايبة ومتعلمتيش من امك حاجه،الاكل ده يتاكل مره مرتين مش نظام عيشه وحياة، ولو حتي اتعودت عليه مش هيستطعمه، افهمي يا بت عمري الرجل بيحب اللي اتعود عليها مهما تحاولي تغيرها هيحن للاكل اللي بيحبه
اما موضوع المطبخ انت لو ناصحه كنت فاهمتيه، وهو مش هيزعلك وبالذات انك عايزة تدلعيه مش تفرضي عليه وتزعليه
اسالني هو زي ابوه مدام غصباه مش هيرتاح ولا يريحك
••••••••••••••••••••••••••••••••••••••••••••••••••☆
هنا سمعت ورد  ضحكت رياض من خلفهم  وقال بمزاح"
جايبين  في سيرة يبجي في حاجه واعرة حصلت 

ضحكت ورد وانزلت فجر من علي رجلها التي هرعت اليه ، فتلاقها رياض بفرحها وحملها بين ذراعاه بحب فاحتضنته  فجر بكفاها الصغيرتان وقالت بفصاحه"
انا هقولك با بابا ياسمينا مزعلي خوي فيصل وماما بتزعق ليها علشان مش بتسمع الكلام

ضحك رياض وانزل فجر ارضًا واقترب من ياسمينا وقال بهدوء"
لو هي اللي مزعلاه تصالحه ده رجلها وهما حرين سوا لكن لو هو اللي مزعلها انا لي حديت معاه تاني
ها يا ست البنات ادخل  في اللي حوصل ولا اخليكم لحالكم
بس لول خدي شوفي جبتلك إية وجوليلي رايك ، وبكره  انزلي مع امايتك تشتري ليكي دهباتك

اعطاها شنطه كبيرة اخذتها منه بفرحه وفتحتها لتري  به فستان زفاف اخر موضة

أخرجته من حافظته وشهقت بأنبهار ودهشة"
روعة يا بابا زي اللي اخترته بالظبط ربنا ما يحرمني منك يا أحلي وأحن أب بالدنيا
ثم انا مش عايزه دهبات  نفسي في اسورة الماظ او خاتم سولتير ، ده الموضة مش غوايش دهب وسلاسل

نظر اليه رياض  بتعجب وقالت ورد تعنفها "
بطلي دلع يا هانم  ماله الدهب قال سولتير والماظ بلا خيبه

ربت رياض علي خدها برفق واحتضنها وقال بتصميم"
اللي ريداه ست البنات هنجيبه ليها عريسها هيشورها بالغالي
كله، من عيوني يا غالية انزلي معاها يا ورد هاتي  ليها اللي ريداه واوعاكي تزعليها دي نوارة العيلة وحبيبة جلبي

تهللت أسارير ورد واخذت تعانقها بقوة وتقبله بفرحه"
انا بحبك مووت يا احلي اب مكنش يبقي ليا نصيب مع واحد زيك ويدلعني زي ما بتدلع ماما

ضربتها ورد علي راسها بغيظ"
لانك غبية فيصل نسخه من رياض وكفاية انه بياخد ويدي معاكي ابوكي رأيه من دماغه واساليني انا ياما شفت معاه

لفت ياسمينا يدها علي كتف رياض وقالت تغيظها "
هو فيه زي بابا رياض انا بحسدك عليه ياريته كان بابا

جذب رياض  يدها ولفها اليه  لتقف امامه وقال لها بالم"
طول عمرك بتي يا ياسمينا مفتكرش يوم جصرت معاكي او حسستك بانك يتيمة الاب ليه بتجولي اكده

القت راسها في صدره وضمته بقوة ونزلت دمعتها دون قصد"
والله ما قصدى يا بابا بس كل بنت بتتمني ابوها يكون وكيلها وانت فعلا مقصرتش معايا وطول عمري بحبك يمكن اكثر من بابا نفسه يا بخت اخواتي بيك

رفع راسها عن صدره وقيلها من جيبنها وقال بهدوء"
وانت فاكرة يا بت بوكي انه لو بوكي جاد عايش  كان هيبجي وكيلك في وجودي انا الكبير وهكون وكيلك غصب عنيكي

تهللت اساريره وقبلته من وجنتاه بسعادة وقالت"
احلي وكيل واب في الدنيا،اروح الحق تؤامك بقي ليطير مني
واشوفه خلص  تركيب المطبخ ولا لا

حدبها رياض بنظرة قوية وقال بضيق"
بردك طاوعك الله في سماه  انت لو مرتي لكسرت دماغك هما من جدامي بدل ما اطلع عينك

اخذت الفستان وخرجت تجري من امامه وهي بتضحك
امسكت فجر في جلباب ابيها وقالت  بتلقائية وبراءه"
بابا انا كمان عايزة فستان زي بتاع ياسمينا،واتجوزك انت

حملها  رياض وهو يضحك بقوة وكذلك ورد التي ضمها تحت جناحه وقالت بغيظ "
هو فيه ايه بناتي الاتنين طماعنين في جوزي يارب صبرني نفسي افهم  انتو بناتي ولا ضرايري
••••••••••••••••••••••••••••••••••••••••••••••••••☆
دلفت ياسمينا علي فيصل المنهمك في تركيب المطبخ اقتربت منه،بتروي فرأت علي وجهه تجسيد للضيق والحزن
جلست امامه وامسكت يده وقالت"
العريس زعلان من عروسته معقول اكيد  البت دي وحشه وانت خسارة فيها مش كده

رفع عيناها اليه ناظرًا بعشق وقال"
مجدرش ازعل منيها لانها روح  ونفسي ينفع ازعل من نفسي

تنهدت ياسمينا بحرارة وقالت "
الله الله هو انا بموت فيك من شويا علشان كلامك اللي بيدوبني قولي بجد انت عاشق رومانسي زي بابا رياض

نهض فيصل وسحب يداها لتقف  امامه ونظر الي عيناها بعشق جارق وشغف قاتل"
كلتها سبوع وهتعرفي كيف انا عاشجك يا جلبي، وكمان انت بتحبني لكلام الزين بس ولا حناني وعشجي ليكي كي العشاج اللي بيحكو عنيهم في الحكايات والروايات

نكست راسها وقالت بخجل"
بصراحه بحبك كلك علي بعضك ولانك زي بابا رياض في حاجات كتير حنانه وقوته ووسامته وضحكته بس الحمد لله مش في شدته وقرارت الصعبه

تنفس فيصل بقوة ورد عليها بحراره"
اباه بعشجك عشق  واصل يا بت عمي، بس جوليلي الرضا ده  كله من حديت جدتي معاكي،  ولا رجعتي نفسك وعرفتي انك اللي بتعمليه معايا كثير وانا متحمل لاجل خاطرك وخاطر عيونك العسلي اللي بيجتلوني

منحته ابتسامه عذبة من ثغرها المغري المثير وقالت "
بصراحة رجعت نفسي لما بابا رياض قالي اتك مدلعني اوووي حسبت اني بظلمك بعنادى معاك، علشان انا كمان نفسي ادلعك عملت المطبخ ده والله،
اصلك مش فاهم انا متعلمه شوية اكلات هخليك تاكل ايدك وراهم بس اسمع انت كلامي وطاوعني

أقترب منها الي الحد الذي شعر بأنفاسها ونبضات قلبها وقال بغموض ودهاء عاشق"
أنا نفسي أكلك أنت يا جلب جلبي من جواته،

بعدت عنها وحدبته بنظرة غاضبه وقالت"
أختشي يا واد عمي ايه اللي بتجوله ده انا هدلي لحد ما تخلص اللي بتعمله

أمسكها من ذراعها حتي لا تغادر وقال لها برجاء "
حجك عليا مجصدش اضايقك بعشجي ليكي، كنت بس رايد افهمك، بحديثتي الزين اللي بتحبه، ولعمك مجصدتش ارفض اعملك اللي ريداه
بس كل مشكلتي اني اريحك ليه تتعبي حالك في شغل البيت وانا رايدك لي وحدى من غير ما اتعبك

غمرته بنظره رقيقة من عيونها وقالت بخفوت"
طيب خلص يا سيدى الحبيب، علي فكرة بابا جابلي فستان الفرح عقبال بدلتك ووعدني يجيبلي خاتم سوليتير بدل الدهبات او المظات ايه رايك

وضع فيصل يده علي وجهها وحضن وجنتاها بين كفاه وعمق النظر في عيونها التي يعشقها وقال"
الألماظ والماس لاعز الناس مش خسارة فيكي يا جلبي

سكت فجاة كالتائة في جمال عيونها وبدون ان يشعر دنا منها بوجهه وكاد إن يقبلها الا انها نفست انفاسها الحارة  في وجهه وصاحت بها بغضب وهي تبعد عنه بحدة للخلف"
انت اتجنتت يا فيصل، انت ملكش تلمسني أو تقرب مني بالشكل ده فاهم  غير بعد جوازنا قبل كده لاء

غامت عيناه بشكل خطر وقال بعد تنهيدة قوية حارة"
مخبرش عملت اكده كيف، لكني توهت في عيونك الحلوة
حجك عليا بس انا كاتب كتاب يعني انت في حكم مرتي وكلتها سبوع وهتزف عليكي وتبقي حلالي  واتوه فيكي وفي عيونك الجاتله بكيفي

وتنهد بقوة وقال بحرارة وعشق قاتل ورومانسية مفرطه".
عيونك بحر  بلا مرسي وعشجك شط غرجت انا فيه

لم تشعر ياسمينا بنفسها الا وهي داخل احضانه يضمها بقوة وقبل ان يلثم شفتاها سمعت صوت ابيها رياض  يصيح في اخيها ياسين بغضب"
بتجولي ايه اتخانجت مع خوك علي  ليه يا واد جاد.....؟
••••••••••••••••••••••••••••••••••••••••••••••••••☆
يتبع.....
#سلمي_سمير