رواية ملح بطعم السكر الفصل الثالث والأربعون 43 - بقلم سلمي سمير

#نهاية_سر
#البارت_الحادي_والاربعون
••••••••••••••••••••••••••••••••••••••••••••••••••☆
فمن كانت الأسرار تطفو بصدره فأسرار صدري بالأحاديث تغرق فلا تودِعن الدهر سِرك أحمقا فإنك إن أودعته منه أحمق
وحسبكَ في ستر الأحاديثِ واعظا مِن القول ما قال الأديب الموفق إذا ضاق صدر المرءِ عن سر نفسه فصدر الذي
يستودع السر أضيق

قالت ورد سبب استحالة زواج ابنها من ابنة اخيه ،القت ذلك علي سمع رياض مماجعل غضبه يتراقص في عيناه كشياطين خرجت من الجحيم مشتعله بنار حامية متاججه تتطاير بشرارت مرسله من عيناه جعلتها تنكمش علي نفسها خوفًا
من بطشه بها ليصدمها هدوء كلماته حين قال"
ما ده الطبيعي يا ورد انك تكون ام لكل بنات العيله مكانتك كمرت الكبير بيحكم عليكي بكده، لكن ميحرمش واحدة منيهم علي ولدك، فسري حديتك لان لو اللي في بالي صوح، يبجي جنيتي علي نفسك انت وهداية ولبستونا العار انا وخوي انطجي دنيا بتك كيف ؟!

ارتجفت شفتاها من التوتر والخوف مما سيكون رد فعله علي ما فعلت هي وهداية التي رضخت لرغبتها ولم يكن لها يد فيم حدث فنظرت اليه وصمتت طويلًا ، مما جعل رياض يثور عليها مقتربًا منها الي الحد الذي سمعت فيه هسيس انفاس المتاججه بالغضب المكتوم وصاح "
انطج كيف دنيا بتك واتحرمت علي ولدك يا بت عمي

اطرقت راسها ارضًا وقالت بصوت متحشرج خائف"
دنيا بنتي لانها رضعه علي ياسين

كانت كلمات قليلة لكن وقعها مدمر جعلت عين رياض تجحظ من هول المفاجاة الا انه تدارك الامر سريعا ولم تخونه الذاكرة وقال بهدوء مشوب بالحذر "
والله جد ياسين اللي اكبر من دنيا بثلاث سنين ونص راضع علي دنيا اللي اتولدت بعد ما اتفطم بسنتين
اتجنيتي انت الله في سماه شكل عجلك خف واتجنيتي ولا ضلالك وكذبك ملحجش يلفج م معاها الحكاية

وضحك ساخرًا قائلًا بتهكم "
بس خابرة كذبك هنتحاسبي عليه، ارحم من ظني اللي كان فيها جبرك ،رغم ثجتي فيكي اللي مصره تكسرها بحديتك الماسخ عن رفضك جوز ولدك من دنيا
هما من جدامي مريدش اتحددت معاكي غير لما تجولي ايه سر رفضك لبت خوي وكذبك اللي متعودتهوش منيكي

هما ان يخرج كي يشرع في تنفذ وعده لاخية ،فامسكت به
ورد وصرخت بلوعه واصرار مميت"
والله ما بكذب عليك هو ده سري مع هداية، دنيا راضعه علي ياسين، ده اللي يخصك من سر هداية وسر رفضي لجوازهم، ارجوك يارياض متوقعنيش في ذنب اثم كبير، بجواز اخ من اخته ارجوك صدقني

نزع يده عن ذراعه بعنف وامسكها من ذراعها وهزها بقوة وعنف عدة مرات"
لاه انت كذابه ومتعملهاش ، حتي لو حوصل كيف وازاي وميتي، وانت خابرة زين ان بناتنا لولادنا والاثم الاكبر انهم يبجو خوات في الرضاعة،
ايه يا ورد هتحكمي في نسبنا وتلعبي بيه بكيفك مخبراش عملتك السودة في انك تحرمي علينا بناتنا، عندنا البت تموت ولا انها ترضع من مرات عمها وتبجي اخت لولادها، حتي لو حوصل واحتاجت مرضعه بنجيبها من بلد تانيه ونسال عن كل اللي رضعتهم ونسبهم ،لأجل ما نخلط الانساب
و انت بالساهل اكده تجولي انك رضعتيها علي ولدك ،مين ادالك الجح ده ها انطجي
ده لو حديتك صح جوليلي كيف والفرج بيناتهم كبير في السن كيف جدرتي تعمليها وتعصيني فين حجي في اني اعرف مين اخت ولادى، ولا دلعي فيكي خلا بجي سهل عليكي تعصيني

القاها بعيدًا عنها بأشمئزاز وصاح فيها مهددًا "
ودلوج جدامك خيارين لتجرِي بكذبك وتريحيني من اثم كبيره هتحمليه لنفسك بانك رضعتي بت خوي علي ولدك اللي معرفش حوصل كيف؟!
لاما تفهميني ازاي رضعتيها وتتحملي عجابي لمخالفتك عادتنا وتجاليدنا لانك لعبتي بانسابنا يا مرت الكبير

انهارت ورد مستسلمه لعقابه علي ان تتحمل وزر زواج اخ من اخته وقالت بأنهزامية مجدولة بالحزن والألم"
هقولك بس وحياة الغالي عندك ورحمة بابا وعمي وكل الغاليين عليك تسامحني وتغفر لي ذلتي وغلطي

ضاقت حدقتاه وجذبها بعنف لم تعهد فيه قائلًا بعصبيه"
هملي السماح دلوج خليه لوجته لكن مدام هتجري، سرك مع هداية تجوليه كمان كله بيكمل بعضه، ولو فكرتي تخدعيني، يبجي كتبتي لحياتك معايا نهايتها،
من اليوم وطالع مفيش اسرار مش ابجي بحكم علي رجاله كبار وصغار ومجدرش احكم مرتي وبيتي

وضعت ورد وجهه بين كفاها وضربته بقوة مولوله،جذبها رياض يدها وصاح فيها "
بينه سر واعر وفيه خراب وافعالك بتاكد انك غلطتي وغلط ميتغفرش لا منك ولا منيها وهتجوليه يا ورد دلوج
لاما الله في سماه لو عرفت انك كذبتي او دسا عليا حاجه بعد ما تجًري، ما هيشفع لكي عندي شئ وهفارجك حتي لو فيها موتي وموتك خلصي وانطجي انا جيبت اخري خلاص

نظرت إليه بعين منكسره وقلب تكاثفت عليه الهموم وقالت حاضر يارياض هقولك كل حاجه لكن وحياتي ولادنا ما تاخد هداية بذنبي انا اللي اجبرتها مش هي

هز راسه بضيق وهو يحاول السيطرة علي نفسه حتي لا يتسرع في الحكم عليها قبل ان تقول ما لديه من اعترافات وتريحه من هواجس الشيطان التي اخذت تلعب براسه"

جلست ورد امامه مطاطأت الراس مثقله بالهموم والخوف
من القادم ، زفرة بقوة وبدات تحكي ما لديه قائلة"
هقولك ازاي دنيا بنتي واخت ياسين من الرضاعة، بعد ما فطمت ياسين لو تفتكر كان لسه علي متجوز ورد من سنه تقريبا وكنت انا عملت موضوع سقوط حملي مرتين، وعملتها مرتين بعد.فطامه، لعبة السقوط والخيض المحجوز مكنوش بيتعبوني لكن اللبن اللي مكنش بينشف من صدري هو اللي كان تعبني في الاول انا قولتلك كده وانت بنفسك طلبت اتباع مع دكتوره ازاد، لكن لما عرفت السبب بقيت اداري عليك تعبي لانه كان بسبب حبوب منع الحمل
سنه وانا بتابع معها ومفيش فايدة من العلاج وكنت بداري عليك علشان متحسش بالذنب لانك طاوعتني في موضوع خداعهم بحملي، المهم ان الحبوب كانت السبب في حدوث خلل بهرمون اللبن اثناء رضاعة ياسين لاني كنت باخذ حبوب منع الحمل لمنع الحيض لفترة زي ما انت عارف
••••••••••••••••••••••••••••••••••••••••••••••••••☆
اوقفها رياض عن الاسترسال في اعترافاتها وقال بغيظ"
اول غلطه ليكي درايتي عليا علتك رغم انك اجسمتي ان موضوع حملك المزيف مش هيسبب اذي ليكي ، والواضح انك اتاذيتي، ممكن كنتي تاذي ولدك
عدى علشان الحساب هيبجي علي كله حتي لو لصالحي كملي

ابتلعت ارياقها بصعوبة وبكت بحرقة لانها واثقه ان رياض لن يسامحها علي اقترفت بسهوله واكملت مرغمه"
حاضر هكمل بعد ما فشل علاج الدكتورة ازاد اتفجئت بكلامها ان ممكن ميحصلش حمل تاني لو فضل هرمون اللبن بيفرز بدون سبب لان اغلب المرضعات مش بتحمل ، خفت اخسر فرصتي معاك لو حصل نصيب ولقينا علاج لحالاتك وطلبت مساعدتها في علاج مشكلتي
وقفت جمبي ونصحتني بدكتور شاطر و مشهور في المزكر بيعالج الحالات الصعبه، يومها طلبت منك انزل المركز اجيب شهادة تخرجي من الكلية وانت وافقت واخدت هداية معايا وروحت للدكتور وبعد ما كشف عليا اكد ان علاجي هيطول لان في خلل كبير اتسبب في افرز اللبن بدون سبب وسالني
هو حضرتك كنت بتاخدى حبوب منع الحمل اثناء الرضاعه من النوع اللي لا يؤثر علي ادرار اللبن
يومها سبقتني هداية بالرد عليه وقالته "
لاء يا دكتور دي حملت وسجطت اربع مرات منها مرتين وهي بترضع ولدها كي بجي بتاخد حبوب منع الحمل

نظر اليها الطبيب باستغراب وعاد وقال بحيرة"
غريبه النوع ده هو الوحيد اللي بيعمل المشكله دي لو استخدم لفترة طويله عمتنا هنبدا العلاج ولازم تتابعيني كل شهر لان المشكله مش في افراز اللبن لكن الخطر فيما يكمن وراه لان ممكن الخلل ده يكون ارض خصبه لتنشيط بعض الخلايا السرطانية الخامله وده اللي لازم نتجبنه

واتفقت معاه اتابع علي الاقل لست شهور، ولقيتها فرصه وطلبت منه يكشف علي هداية ويعرف سبب عدم حملها للان
بصراحه هداية رفضت وبشدة لانها مخدتش الاذن من علي وقالتلي انها عيب كبيرة في حقه تتكشف علي راجل غريب وبدون جوزها حتي لو كان طبيب وهيعالجها،وانه كده هتكون في حكم العاصية ليه
لكني اقنعتها وفهمتها ان ده لمصلحته وبررت لها انك انت نفسك متعرفش اني كشفت عند. دكتور نسا
استسلمت لضغطي عليها وشوقها للحمل خلاها توافق
بعد الكشف عليها طلب الدكتور انه يقوم بعمل سونار تحتي لاستبيان الحالة وهنا كانت معركه بيني وبينها لانه حست ان كده خيانه لجوزها من ان تكشف سترها علي غير راجل بدون اذانه وانه بكون حاضر ومسامح
كان صعب اوافقها علي رفضها وضغطت عليها لحد ما وافقت
واكتشف الدكتور بعد الكشف ان عندها انسداد خلقي في انابيب الرحم وقال انها عمليه سهله وبسيطه ،وبعد تسليكها وباذن الله هيحصل الحمل
اقنعتها عملتها لان املها في الحمل كان كبير ده غير خوفها من ان علي يفكر بتجوز عليها زي ما كان جوزها هيعمل قبل ما يموت ،عملتها وطلب منها تتابع التبويص وهيعطها الوقت الامثل للحمل وفعلا تابعت لحد ما حدد ليها ايام معينه للحمل

ولما رحعنا حلفتني ان اللي حصل يكون سر بينا لان جوزها لو عرف او ابوها انها عملت حاجه من غير اذنه،بتكون بالنسبالهم في حكم العاصية و ممكن تتطلق فيها

نهض رياض وكور يداه كانها سيضربه لكن بدل عن ذلك ضرب الحائط خلفها لكي ينفس عن غضبه وقال بحدة"
الحساب بجي كبير وعسير جوي ياورد وهتتحمله كلاته كملي

شهقت بلوعه وانهمرت دموعها من مقلاتها تغرق وجنتاها السخانتان بشدة من كثر التوتر والخوف واكملت"
اقسمت ليها ان سرها هيفضل بينا ليوم الدين، روحت دارها وكانت مرعوبه علي يكتشف اللي حصل، ومرت الايام والعلاج كان بيتعبني جدا وكنت دايما بداري عليك علشان متحسش بالذنب لانك وافقت علي لعبتي

بعد شهرين حصل حادث علي وهناك في المستشفي اكتشفنا حملها الفرحه نستها كل اللي فات وشكرتني لوقفتي جمبها وستر سرها وانها حملت اخيرا وهتصبح ام
ولان حالة علي كانت مذبذبه اهملت العلاج لحد ما ولدت هداية دنيا وروحت قعدت معاها اول اسبوع
حاولت هداية ارضاع بنتها اللي كانت دايما بتصرخ من الحوع
لكن لبنها كان لسه منزلش صعبت عليا، ورضعتها وبالذات ان هداية عارفه حالتي فضلت ارضعها ثلاث ايام اكثر من مره باليوم، لحد ما نزل اللبن لهداية فاكرة كويس حالتها وخوفها لما عرفت اني كنت برضع بنتها من وراه
كانت كتير بتسالني وتستغرب ليه بنتها دايما ساكته مش بتعيط زي الاول لحد ما عرفتها اللي عملته
يومها فضلت تصوت وتلطم خدها وقالتلي دي مصيبه متحرم علينا نرضع اولادنا من بعض كده بنقطع النسب بين الاخوات
لو اتعرف اللي عملته هيقول كان موتها ارحم ، ليه عملت اكده
حرام عليكي يا ورد مش كفاية سري اللي تعبني، تجي كمان تحمليني سر بنتي اللي هيحرمه علي ولاد عمها

حاولت اهون عليها واقولها بضحك "
الرجاله كتير بالعيله مجتش علي ياسين يعني ده واحد بس من ضمن شباب زي الورد
هو ده كل اللي حصل والله ما كذبت عليك في حاجه بعدها، رجعت كملت علاجي لحد ما نشف لبني وخفيت من الالم عرفت ازاي دنيا بنتي واخت ياسين
••••••••••••••••••••••••••••••••••••••••••••••••••☆
ما ان انتهت صارت تبكي بانتحاب،ثم سكتت في انتظار رده تصبب وجها عرقًا من الخوف الذي يتملكها واصبح جسدها يرتعد بقوة، حتي كاد ان يغشي عليا نظرت اليها بطرف عيناه لانه لم تقوى من النظر اليه خوفًا، مما قد تراه فيهم من غضب قاتل من الممكن ان يدمرها ويدمر حياتها باكملها، طال صمته وحين نطق ارتجف جسدها بقوة حين سمعته يغمغم وقال بانهزامية وانكسار لم تتوقعه "
كسرتيني يا ورد

عدها القي رياض جسده علي الاريكة وظل يهز راسه بذهول غير مصدق ما فعلته زوجته قائلًا بحسرة والم"
ده انتجامك مني يا ورد، يا بت عمي يامصراوية دي انتجامك لاني جبرتك علي جوزي منيكي وعشيتك في الصعيد ضد رغبتك تعملي فيا اكده وتكسريني
،وحديت الحب والعشج كان لاجل تجلي مني وتجصري بي وتحججي انتجامك في كسر هيبتي ومكانتي بالعيلة....
يا الف خسارة ياورد طعنت غدرك جتلتني ودمرت جلبي

ر
ركعت ورد امامه وامسكت يده وقبلتها باستجداء ورجاء
وعيناها تفيض من الدمع شلالات ورددت عليه قائلة "
انت ازي تقول كده انا انتقم منك ، انتقم من روحي ونفسي
انت بالنسبالي الدنيا وما فيها لو عرفت معني العشق عرفته علشانك وعشته ليك ، تقولي انتقم ومين منك انت يا رياض دا انا معرفتش طعم الحياة غير لما عرفتك وموت الف مره في بعادي عنك، وروح رجعت لي لنا وردتني ليك بعد ما كنت ميته من غيرك حرام تظلمني يا حبي عمري

غامت عيناه بضيق وضغط علي فكه بقوة وازاح يدها من علي ساقه وقال بحده"
لما تلعب في نسب العيلة وتعملي الشينه مع مرت خوي وبت عمي ،وتجصري رجبتي وتجلي من جيمتي جدام الكل لما تخليني مخبرش سر مرتي وارجع في كلمتي مع خوي يبجي ده انتجام ولا عشج يامرت الكبير، يلي الكل بيجتدوا بيكي بجيتي انت اول واحدة تهيني جدامهم، وجبلها جدام نفسي لما صغرتي بي ، واكدت للهداية اني مش حاكم بيتي ولا مرتي ده تسميه ايه يا ورد غير انتجام
مجدرش اسامحك ولا جادر اجسي عليكي بسبب عشج جلبي ليكي، مكدبش اللي جال العشج ذلال الرجال
اللي عملتيه لو خبر خوي بيه مش هلومه لو جتلك اودفنك حية، انت اللي عملتيه كبير جوي جوي وواعر، بسببك دنيا بجت ضحية اللي كان جبرها ارحم من ولادتها
انا ههملك لاجل انضر حل في المصيبة اللي عملتيه مع خوي ومرته ودنيا وبعدها ليا صرفه معاكي

خرج بره الغرفة واخذ ينادي على علي ولم يجيبه احد فعاد وسائلها بغضب وعصبيه"
وينه علي اخده يتجدم لبت عمه وهو اولي بيه من غيره

نهضت ورد مفزوعة ونظرت الي عيناه بهلع وصاحت"
ليه يارياض مصر تكسر قلب عاشق ، انت نفسك جربت تعيش محروم من حبيبتك ،ذنبه ايه علي تحرمه من حبيبته فرح
وتجوزه واحدة هو بيعتبرها اخته حرام عليك

امسكها من يدها وهزها بعنف "
اتجنيتي اياك علي بيحب وعاشج واه، وانا فين من ده كلته
اخرتها ايه معاكي يا ورد هتعملي ايه تاني، وياتري ايه لساتك دساه عليا جولي ناويه علي ايه يا ورد، رايد تجيبي راسي الارض وتحطيها بالوحل وتموتيني بالحياة ولا رايدا تكرهيني في نفسي بسبب عشجي ليكي

هزت راسها بانكار والقت نفسها عليه الا انه صدها بعنف ودفعها عنه بقوة حتي كادت ان تقع وقال"
اوعكي تمسيني لسه حسابي معاكي مخلصش، لكن من اليوم ملكيش صالح لا في ولادى ولا ولادى خوي وهجوز دنيا لعلي هو اولي بيها، لان بوها رباه الاولي ينقذ شرف عمها جبل ما راس تبجي في الطين، بسبب افعالك انت وبت عمي اكيد
انتو اللي اتفجتو مع سويلم يخطبها، لكن مجاش في بالك ان ولده ناجي يرفضها ويهين بوها وينكشف سركم
انطجي فينه علي راح ولعلمك هيدخل عليها السبوع الجاي مش هنتظر شهرين ويبجي عرج وسيحنا دمه

اخذت ورد تصبح بهستريا وجنون قائلة بجزع"
لاء يا رياض مش انت اللي تظلم، صح علي هيوافقك بس هتدمره وتدمر بنت اختك وبنت اخوك، علي وفرح عاشقين بعضهم بلاش تظلمه زي ما ظلمت ابوه زمان بجوزي منه مش هنعيد اللي كان ارحمه ارجوك
لو علي الجواز جوزها واحد من ولادك عندك فيصل وانا هقنع ياسمينا ، ثم راجعت نفسها وهزت راسها بالرفض
لاء فيصل لاء اقولك حوزها لبعد الرحمن، هو عايز خلف تاتي
وحنان تعبت جوزه ليها وحنان ما هتصدق بس بلاش علي

كور يده واخذ يهزهه امامه بقوة كانها سيضربه ويحاول تمالك نفسه وصاح فيها بقوة وعنف"
انت تكتمي خالص بعد اللي عملتيه متتحدتيش واصل في اي حاجه تخص العيله بلاش تخليني اعمل معاكي حاجه اندم عليها العمر كله ، لو علي بت اختي انا جادر عليها لكن بت اخوي اولي بعلي، وخوي مش هسمح لراسه تتمرمغ بالوحل

طالعته بقلة حيله ، ثم جلست امام اقدامه تترجاه بلا يحكم علي، علي وفرح بالموت البطئ ،طالبه منه ان يكون الرجل العادل الذي تعرفه وعشقته والا يتجني علي من طوع له
حتي لا يصبح ظالم ويهد.ما بناه في سنوات من سمعه طيبه ورضاء من الكل علي احكامه لنزاهته

الا انه لم يري غير سمعة اخيه التي ستهدر امامه بسبب فعلا ورد بالاساس، فصمم علي ان ينقذ اخيه وسيتدبر امرها بعد ذلك ، ارتدى ملابسه وورد لم تفقد الامل ان تحيا بداخله قلب العاشق حتي يشعر بما ستقترف يداه في حق ولاد اخوته
الا ان رياض قد صم اذنه عنه ولم يسمع لها ،لتنهار من شدة توترها ويغمي عليه قبل ان يخطو خارج الغرفه

حملها رياض وممدها علي الفراش وقام بافاقته وصرح لها"
رايده ايه يا ورد وعندك ايه تاني بعد اللي جولتيه،انطجي

بكت بحرقه ودفنت وجهه في جوف صدره وقالت"
بلاش علي ولو علي ناجى انا هقنعه صدقني هو بيحب دنيا اكيد في حاجه مش مفهومه لرفضه وحياة الغالي عندك

هز راسه برفض تام وصاح فيه"
حتي لو وافجت علي حديتك، لازم تجوليلي سبب مجنع يخليني اصدج اللي بتجوليه عن العشج بين فرح ووعلي
ولا ناسيه سابج حديتك عن وصية مرت سويلم ووهبة دنيا لناجي ، مبجتش اصدقج با ورد خلاص كسرتي الثجه اللي كانت بيناتنا،جولي يا ورد عندك ايه تاني دساه

قامت واغلقت الباب وقصت عليه حكاية اخره عن العشق
مما جعل رياض يغير رأئ لكن غضبه تزايد
فتح باب الغرفة وقال "
يمكن ده يغفر ليكي اخطاءك في حجي وحجي خوي لكن ميخلنيش اسامحك انا هدبر حالي واصلح اللي خربتيه
لكن موعدكيش ارجع في وعدي يا ورد

خرج مسرعًا وقد هدات ملامحه لكن مازال الغضب مسيطر عليها،تركها تعض اصابع الندم علي ما فعلت واكاذيبها التي نسجتها كي تداري كذبه وراء كذبه،
نظرت الي مستقبلها فراته قاتم شديد السود، فترنحت ودعت ربها ان تمر من هذه الازمة علي خير ودخلت غرفته والقت جسدها المنهك علي الفراش ،نتظر مصيرها المظلم مع رياض الذي فقد ثقته بها ولم يعد الولهان في عشقها ليسامحها
••••••••••••••••••••••••••••••••••••••••••••••••••☆
وصل رياض الي دار عمه الشيخ ياسين التي يسكنه سويلم مع اسرته وزوجته الثانية طرق الباب بعنف وصاح"
افتح يا سويلم ان واد عمك افتح يا واكل ناسك انت وولدك

هرع سويلم وفتح له الباب وقابله بترحاب واستغراب"
اتفضل يا كبير دارك ومطروحك ،لكن ليه بتجول عني واكل ناسك وانا عمري ما غلطت في حجك ،ولا كسرت ليك كلمه
يا واد عمي ايه حوصل لاجل تتهمني

نظر رياض للي زوجة سويلم واصفه وصاح فيها قائلًا"
نادمي علي ولد جوزك وهمليني بعدها لحالنا يا واصفه ،رايد اتحدت معاهم وحدنا

ارتبكت واصفه وقالت برضوخ"
حاضر يا كبير اللي تامر بيه واستاذنت منهم وخرجت
ذهبت الي ناجي تبلغه بحضور الكبير وطلبه ليحدثه وحده هو وابيه هب ناهضًا من فراشه وهندم نفسه وذهب الي غرفة الضيوف طرق الباب بادب حتي اذن له
ما ان دخل رحب بعمه رياض ومد يده اليه يصافحه الا ان رياض رفض وقال بحده موجهًا حديثه إلي سويلم"
جولي يا واد عمي انت من سيوع لما حيتني وطلبت يد دنيا لولدك وانا وفوجت وروحنا طلبناها من علي كان غصب عن ولدك ولا برضاه

طالع سويلم ولده باستغراب وقال"
لاه برضاه هو اللي طلب مني اتجدم ليها لانه رايدها وجالي انه بت عمته وهو اولي بيها، ولانه بيعز عمته هداية حابب يوصل بنتنا الود بالنسب ،

نهض رياض غاضبا وامسك ناجي من ياقة قميصه وصاح فيها بغضب وسخط"
لما هو برضاه ازاي يروح لعمه عشيا ويجوله مريدش بتك

وينظر الي ناجي بحقد ويصبح فيه"
خابر لو جدك عايش وعرف اللي عملته كان دفنك حي لان بعملتك حملت بت عمك الشينه وهنت عمك بحديتك وكسرت كلمة بوك جولي كي تعمل اكده يا ابن المدارس يا متعلم

حاول ناجي ان يخلص نفسه من رياض القابض عليه كالمجرمين وقال بتوتر "
ايوة جولت بس مش زي ما عمي وصلك الحديت،انا روحت ليه وسالته، قولتله بكل احترام بعد اذنك با عمي لما وافجت علي جوزي من بنتك كان برضاها ولا فرضت الامر عليها وطلبت منه يسالها،ولم رفض جولت ليه اني مش رايد اتجوز واحد مجبروة حجي تختارني كي ما اخترتها ،لو اتغصبت علي الجوز منيها هج ومحددش هيعرف لي طريج جره

وابتلع ريقه واكمل بعد ان راي الدهشه تتجسد علي وجه ابيه وعمه واكمل بتصميم وثقه"
حجي يا عمي كي ما اختار شريكة حياتي هي كمان تكون ريداني ، كيف ما علي وبت عمته فرح الاتتين اختارو بعض
زمانا مبجاش كي زمانكم لازم الزوجين يكملو بعض وبتوافقو في اشياء كتيرة دي حياة وعشرة طول العمر

دنا سويلم من ولده وجذبه من يد رياض وقال اسفًا"
حجك عليا يا كبير ولدى اتجنن وانا هأدبه واعرفه غلتطه
في حج عمه وبت عمه وكسر كلمتي واتفاجي معاك

وهم ان يضربه الا ان رياض امسك يده ومنعه من ضربه لولده وقال موبخً "
لاه يا سويلم ولدك راجل يتأدب لكن مش بالضرب وجدامي
هما انت وولدك تجو معايا لدار خوي علي ،هنتفج علي مبعاد الزفاف،وتتاسف منه وتحب علي يده وتطلب منيه السماح
وكلامك الخايب عن انها توافجك ده مش بيحصل من بناتنا ومتنساش رغم انك واد عمها فوجنا لكني فضلتك علي واحد من ولاد جاد يعني كنت لازم تفهم انها رايدك وبوها مجبرهاش

ابتسم ناجي وقبل يده عمه باحترام وقال"
مدام كده انا رايدها النهاردة جبل بكره،لكني هحترم اللي تجوله وهوافج علي اي اتفاج المهم تكون دنيا ريداني

اخذ رياض نفس طويل شاعرًا ببعض الراحه وقال"
طيب اجهزو وانا هستناكم بره،بيكفي اخرت اشغالي بسبكم
••••••••••••••••••••••••••••••••••••••••••••••••••☆
بعد اقل من ربع ساعه كانو الثلاثه امام دار علي الذي فتح لهم الباب ورحب برياض وساله بحيرة"
حوصل ايه يارياض ناجي اهني بيعمل ايه هو وبوه، مش خلاص موضوعنا معاه اتجفل

ربت رياض على كتف اخيه وقال"
مين حال انه اتجفل، ناجي رايد بتك وانت اللي فهمته غلط
وهو جاي يطلب منيك السماح ونتفج علي ميعاد الزفاف بس جبلها من حجه يتوكد ان بتك رايده لنفسه مش علشان هو واد عمها ومفروض عليها توافج

نهض ونادى علي هداية وقال لها "
نادمي علي بتك يا بت عمي رايد اخد رايها في عريسها

هزت هداية راسها بالموافقه وانصرفت لاستدعاء ابنتها اثناء انتظار حضور دنيا ساله علي اخيه باستفسار"
وخطوبتها لياسين حلها ايه انا بلغتها وهي موافجه عليه

ابتسم رياض بجزع خوفًا من رفض دنيا لناجي وقال "
الاتنبن ولاد عمها وهي توافق علي اللي يرتاح ليه جلبها

اتت دنيا ورحبت بعمها رياض وخالها سويلم وولده وقالت"
تحت امرك با عمي اماي جالت انك رايدني

اخذها رياض تحت جناحه وساله مشجعًا"
جوليلي يا ست البنته دلوج واد عمك وواد خالك رايدينك
انت بجي موافجه علي مين فيهم ياسين ولا ناجي

اطرقت راسها ارضاً وقالت بخجل"
اللي تجوله ياعمي انا هوافج عليه الاتنين زينين واحسن من بعض وانا مجدرش ارفض واحد منيهم

هز رياض راسه وحثها علي الاختيار قائلًا"
صوح الاتنين احسن من بعض بس انت ليكي حرية الاختيار
ولو خجلانه تجولي مين فيها انا هريحك
ناجي لو موافجه عليه هيجراء فتختك دلوج وزفافك بعد الامتحانات ع طول،ام ياسين خطوبتك منيها يوم الجمعه، وجوازكم كمان سنتين تختاري خطوبتك دلوج ولا بعد يومين

رفعت عيناه ونظرت الي ناجي المنتظر بلهفه وقالت"
مدام الكل موجود يبجي دلوج يا عمي واحمرت وجنتاها بشدة وخرجت مسرعا من امام عمها الذي قال لناجي"
ها ارتاحت اختارتك انت اظن بعد كده مريدش حديت ماسخ وجلة جيمه يلا هم حط يدك في يدك عمك واجراء فتحتها

ولعلمك منك ليه شوار دنيا عليا وسبع ليالي فرحهم هتجام في داري والدبايح عليا ودي اجل حاجه اقدمها لخوي وبته

احتج علي معترضاً وقال"
لاه با خويا دي اول فرحتي ورايد تكون ليلتها عليا وكمان اول فرحة لسويلم يعني مش كتير علينا نفرح لبهم

رد عليه رياض باصرار واردف قائلة"
مينفعش يا واد بوي لو كانت دنيا اول فرحتك علي كمان اول فرحتك ولا ناسي انك انت اللي ربيته

نظر اليه علي باستغراب وساله "
وايه دخل علي بفرح دنيا

ربت رياض علي كتف اخيه وجذبه اليه وقال "
علي رايد بت عمته سناء وانا هطلبها ليه وهو مش ناجصه حاجه ليه ميبجاش فرحه مع فرح اخته وتبجي الفرحه فرحتين وهاسس ليه شوجه في الدار معانا ،يبجي الفرح بكون في دار العريس ودار الكبير تلم الكل

تهللت اسارير علي وقال بسعادة غامرة"
يا زين ما اختار خلاص يا خويا انا موافج واكيد سويلم موافج هو كمان ولا ايه رايك

اشار سويلم لهم بالراسه دليل علي الموافقه ليقراءو الفاتحه ويتفقو علي كل شئ
واثناء مغادرة رياض لدار اخية يطلب من هداية ان يحدثها وقال لها بصوت خافت لا يسمعه غيرها"
انا مش هسامحك علي اللي عملتبه في حج جوزك من انك تعملي حاجه بدون اذنه حتي لو كان فيه خير ،وانت وورد حسابكم عسير، بس اللي مجدرش افهمه كي يا بت الشبخ ياسبن تجبلي اللي فرضته عليكي ورد
كنت ارجعي لجوزك مكنش هيرفض بس خلاص اللي حصل لا ينفع يتجال ولا يتحاسب عليه دلوج
بس اجسم بالله يا هداية لو عرفت انك عملتي حاجه من ورا خوي تاني ليكون حسابك معايا انا
بيكفي المصيبه اللي عملتبها انت وورد في رضاعة دنيا علي ياسين لولا ربنا سترها بتك كانت هتبجي ضحيتكم
انا هحفظ سرك لكن مجدرش اوعدك اني اعفي عنيكي سلام يا بت عمي ومرت خوي

تضع هداية يدها علي قلبها الذي كان يدق بسرعه رهيبة من الخوف والرعب لمواجهة الكبير وتحمد ربها انها مرت علي خير داعيا الله ان يسترها مع ورد ايضا

وصل رياض الي داره ليكمل ما بدا ما ان دخل هرع علبه التؤام وقالو بمرح"
بابا احنا فرحانين انك رجعت بدري زينا، تعالي اقعد معانا علشان ماما مخصمانا وقافله علي ىنفسها من بدري

طالعهم بضيق وقال سائلًا"
حاضر هجعد معاكم بس فينها شلبيه تجهز ليكم الوكل

اتاه صوت علي الذي عاد منذ قليل وقال له"
اللي عرفته ان عمتي ورد مشيتهم من بدري ومفيش حد بالدار حتي ياسمينا رجعت تعبانه من عند حنان وطلعت ترتاح
المهم يا عمي انا عايزك في موضوع مهم بعد اذانك

اشار له بيده ان ينتظره ونادي علي سباعي"
سباعي روح نادم علي شلبيه وبناتها وجولهم الكبير مسمحش ليكم تهملو الدار وبعد اليوم الاوامر هياخدوها مني، يلا هم

اجابه سباعي بالموافقة وقال ملبيًا"
هرمح رمح ليهم يا كبير وهجبهم معايا سلام.

خرج سباعي وسال رياض علي عن ماذا يريد فاجابة"
كنت كلمت عمتي ورد تقولك اني رايد بنت عمتي سناء

اؤما له بالموافقة واحتضنه وقال يطمئنه"
ورد جالتلي وانا موافق لما يعاود خوك في الاجازة هنروح نطلبها ليك واتفجت مع عمك علي ان فرحك هيكون مع
فرح دنيا الف مبروك يا واد الغالي

تراقصت الفرحه علي محياه وقبل يده بسعادة وقال"
ربنا ما يحرمني منك با عمي لا انت ولا عمتي ورد

ربت علي كتفه قائلًا"
وما يحرمني منك يا واد خوي ويفرح جلبك بجولك خليك مع بدر وفجر لحد ما شوف ورد لستها نعسانه لدلوج ليه

وافق علي مرحبا ودخل رياض علي ورد الممدة علي الفراش باستسلام وانكسار ما ان راته دخل علبها الغرفة
هبت ناهضه وسالته بقلق "
عملت ايه اوعي تكون فضحت هداية،والله مكتش ليه ذنب

تركها وفتح ضرفت الدولاب واخذ يخرج ملابسه فسالته"
رياض انت بتعمل ايه معقول عايز تفارقني ، اوعي تعملها مجدرش اعيش من غيرك والله

طالعها بضيق واكمل ما يفعل وقال"
لما الراجل يريد يادب مرته بيهجرها في الفراش لكني مش طايجك يا ورد لانك كذبتي عليا ،وعشتي معايا ٢٠ سنه دسا عني سرك وجولتهالك يمكن اقدر اغفرلك اللي عملتيه لكن اسامحك لاه، ده غير جسمي اللي وجعتيه بخداعك

امسكت ورد بده باستماته وقالت له برجاء"
انا مستعده لاي عقاب الا انك تفارقني،انت كده مش بتعاقبني انت بتحكم علي بالموت ارجوك يا رياض بلاش تجني عليا
واوعدك كله هيتحل بس اديني فرصه

جذب يده منها وقال بتهكم"
فرصك انتهت وكل حاجه اتحلت وجوز دنيا من ناجي بعد شهرين ونفس الحال علي وفرح وهيجعد معانا اهني بالدار

تنهدت براحه وقالت "
طيب الحمد لله الامور استقرت، ليه بقي مش عايز تسامحني

ضحكه باستهزاء وسخرية واجابها "
اسامحك علي ايه ولا ايه ، لاه با ورد دي خديجة اللي ضرتني لحالي مجدرتش اسامحها وخلعتها من جلبي تتخيلي انت بعد اللي عملتبه مع خوي ومرته وبته هبكون عجابك ايه

هجولك خديجة خلعتها من جلبي لكن معاكي جتلت عشجي ليكي وخلعت جلبي كله، يعني انت دلوج بتحكي مع راجل بلا جلب يعطف عليكي وعلي حالك او يسامحك علي افعالك

حدقت به ورد بذعر وصاحت بفزع قائلة بهلع"
قصدك ايه يا رباض معني كلامك ده ايه فهمني

اخذ ما اخرجه من ملابس ووضعه في حقيبة صغيرة وقال"
معناه اللي بنتنا انتهي انت طالج يا ورد طالج......؟!
••••••••••••••••••••••••••••••••••••••••••••••••••☆
يتبع.....