رواية ملك الاسد الفصل الثاني 2 - بقلم ملك ابراهيم

قاعدة علي السرير وغطت نفسها وفضلت تعيط أوي لحد أما دخل عليها واحد ومخدش باله إنها موجودة. نسرين فضلت قاعدة وهي مرعوبة ليشوفها. أمير باستغراب: في حد في الأوضة؟ وقرب من السرير وقال بصدمة: انتي مين وإيه المنظر ده؟ معلش. نسرين بعياط وخوف: لو سمحت اخرج بره وسبني لحد ما ألبس حاجة، ونبي اخرج. أمير استغرب جدا من كلامها وقال: تمام ماشي، هخرج بس انتي. وقطعهم دخول أسد. أمير جري عليه وقال بصدمة: مين دي يا أسد؟

بقيت تجيب نسوان البيت؟ هي حصلت؟ أسد بعصبية: مش أسد الحمزوي اللي يجيب نسوان البيت، وبعدين أنا مليش في القرف ده، وبعدين أنا معرفش حكايتها إيه أصلاً. أمير اتضايق وقال بضيق: خلاص يا أسد، أنا خارج. وخرج. أسد قرب شوية من السرير ورمى هدوم لـ نسرين وقال ببرود: الهدوم أهي، اتنيلي البسي، أنا خارج. أما أشوف إيه حكايتك. وخرج. ونسرين قامت من على السرير وخدت الهدوم ودخلت الحمام والدموع بتنزل منها بغزارة شديدة ومش قادرة توقف عياط.

عند أسد في الصالة. أسد بابتسامة: إيه يا حبيبي؟ أنت مضايق عشان زعقت شوية؟ يا ابني دي حتة واحدة جربوعة معرفش عنها حاجة والله. أمير بضيق: طب مادام كده موديتهاش القسم ليه؟ أسد باستغراب: أصل لقيته في... وقطعهم دخول نسرين وهي في منتهى الجمال، بس الدموع برضه مش عايزة تقف خالص. أسد ببرود: هو الهانم هتفضل تعيط كتير ولا إيه؟ نسرين حاولت تقوي شوية وقالت: شكراً ليك يا أسد باشا، مش عارفة أقولك إيه، ممكن أمشي؟

أسد ببرود: تمشي منين يا حلوة؟ مش لما أعرف إيه حكايتك الأول. نسرين رجعت تعيط تاني بطريقة تقطع القلب بجد ومش قادرة توقف عياط خالص. أمير قرب عليها وقال: غريبة واحدة زيك كنا شوفنها ملفوفة لمؤاخذة بملاية تعيط العياط ده كله. أسد باستغراب: أمير اخرج بره معلش، لما أشوف الهانم هتقول إيه. أمير: تمام. وخرج. أسد قعد على كرسي وقال لـ نسرين: اقعدي. ونسرين قعدت. وأسد كان

مستغرب كل حاجة وقال بهدوء: بصي يا أمورة، أنا لحد دلوقتي معرفش عنك حاجة وأنا بصراحة... قطعتهم نسرين وهي بتقول بنهار: أنا أنا والله اللي... أسد قال: أهدي، في إيه يا خديجة؟ خديجة دي الشغالة جات. خديجة باحترام: نعم يا بيه. أسد: هاتي كوباية لمون بسرعة. خديجة: حاضر. وخديجة مشيت. أسد ببرود: بقولك إيه؟ أنا مبحبش العياط، أهدي كده، قوليلي انتي مين.

نسرين حاولت تهديه وقالت: أنا أنا والله العظيم اللي حصلي ده كان غصب عني، منها لله، ربنا ينتقم منها. أسد باستغراب: هي مين دي؟ نسرين بعياط: مرات أبويا. أسد باستغراب: عملت فيكي إيه؟ نسرين عيطت أكتر ومكنتش قادرة تتكلم من كتر العياط، حرفياً كانت منهارة لحد ما اغم عليها. أسد بصدمة...