رواية ملك الفهد الفصل الخامس 5 - بقلم ملك موسي

الصباح ملك: صباح الخير على الكل. أنا نازلة يا بابا، أنا نازلة يا ماما، رايحة المدرسة. مامت ملك: سلام يا حبيبتي، خلي بالك على نفسك. بابا ملك: سلام. وهي طالعة المدرسة فهد: صباح الخير. ملك: صباح النور. ومشيت. ملك حكت لصاحبتها ندى كل حاجة. ندى صاحبة ملك المقربة. ندى: شكلوا معجب. ملك: بقولك عنده 23 سنة، دا لو اتجوز يجيب قدّه، ويمكن يكون متجوز أصلاً ومعتبرني زي بنته. ندى: بنته!!!!

صباح الفل، مش للدرجادي أوڤر أوي إنتي. وبعدين مسمعتيش في مسلسل لما البطل اتجوز بنت عندها 13 سنة وهو 20؟ ملك: دماغها عملت error. ندى: يابنتي ملك ملك ملااااااااااا. ملك اتفزعت: إيه؟ ندى: بكلمك مش هنا. ملك: طيب، هيا بنا يا فتاة إلى الحصة أحسن المستر يزعق. ندى: إيه اللغة العربية اللي نزلت عليكي فجأة دي؟ يلا بينا، ربنا يشفي.

ملك وهيا طالعة من المدرسة، واحد زميلها اداها كتاب وكان واقف فهد بيشوف الولد وهو بيديها الكتاب وكان هيطق من الغيظ. فهد: هوا أنا متغاظ ليه؟ إيه الهبل ده؟ ومشى، بس برضه عينه عليهم. ملك وهيا ماشية فهد: مين ده؟ ملك: هوا إيه المين ده؟ فهد: بقولك مين ده، تردي عليا. ملك: وانت مالك أصلاً، بتدخل في اللي ملكش فيه ليه؟ فهد: يا أستاذة، دي مدرسة محترمة، مش للمياصة والدلع. ملك: انت أهبل، واحد زميل بيدي زميلته كتاب، انت مالك.

فهد: أهبل!!!!! إنتي متخلفة، إزاي تكلميني كده؟ ملك: خافت شوية وحست إنها زودتها ومشيت. فهد: انتي تحترمي نفسك والمدرسة دي محترمة، فاهمة؟ ملك ببرود ولا همها ومشيت. فهد استغرب جداً من برودها. وأول ما روحت البيت، دخلت الأوضة عيطت علشان هي مش بتحب الصوت العالي وزعيق.