رواية ملك الزين للكاتبة شهد عبدالسلام الفصل الأول 1 - بقلم الكاتبة شهد عبدالسلام

ملك: انت لو آخر واحد في العالم مش هجوزك. أدهم: هاخدك يا ملك، ذوق عافية هاخدك، وعايزك تعرفي إن لو على موتك هاخدك، برود يا روحي. ملك بعصبية: اطلع براا، غوررر في ستين داهية. نسيت أعرفكم: ملك: 20 سنة، تانية كلية هندسة، أوزعة، بشرتها بيضا، وشعرها طويل كرلي، وعيونها بني فاتح. دلوعة باباها ومامتها. شريف (أبو ملك) : أغلى حاجة عنده بنته وبيخاف عليها جداً. زينب (أم ملك) : زيها زي أي أم بتحب بنتها جداً. أدهم (ابن عم ملك)

: بيحبها بس هي مش بتحبه. طويل، أسمراني، شعره خفيف، عينه خضرا، عنده 25 سنة، وهو اللي ماسك شركة باباه. زين (بطلنا) : 29 سنة، طويل وجسمه عريض، عنده عضلات وسكس باك، وعينه بني غامق، وشعره تقيل، وبشرته خمرية. وعصبي جداً، وكل الناس بتعمل له حساب. هنشوف قد إيه بيحب ملك على مدار الحلقات الجاية. نبدأ الرواية. شوية ورجع أهل ملك. ملك: بابا، أدهم ده لو آخر واحد في الدنيا مش هاخده. شريف: ليه كده يا بنتي؟ ده ابن عمك وبيحبك.

ملك: أنا بقا مبحبهوش. شريف: يا حبيبتي اعقلي وفكري كويس. ملك: بابا، الحوار خلص مع البني آدم ده، ولا يمكن أوافق عليه. زينب: خلاص معلش يا شريف، سيبها على راحتها تفكر. ملك: بردو هتقولولي تفكر؟ أنا خلاص فكرت وقررت، أنا ماشية. سابتهم ونزلت تقابل صاحبتها. نرمين: إيه يا لوكه مالك متعصبة كده ليه؟ ملك: هو إيه اللي متعصبة؟ شايفاني بشد في شعري؟ نرمين: خلاص يا ملك، في إيه؟ ويا ستي براحتك. ملك: معلش عشان حوار أدهم اتفتح تاني.

نرمين: اتفتح تاني؟ هو الواد ده ما عندوش دم؟ ما بيزهقش؟ ملك: معرفش، عايزة حل للحوار ده. نرمين: ما فيش حل غير إنه يقتنع إنك مش ليه. ملك: وده هعمله إزاي إن شاء الله؟ نرمين: تجوزي حد غيره. ملك: انتي عبيطة يا بت؟ أجوز مين؟ نرمين: لا، أنا بقولك كده يعني. ملك: ماشي، أنا همشي دلوقتي، وما تنسيش بكرة هنروح الإنترڤيو. نرمين: ماشي. روحت ملك بيتها، وتاني يوم أشرقت الشمس تعلن بداية جديدة. ملك صحت ولبست هدومها وصلت فرضها.

ملك: صباح الخير يا بابا. شريف: صباح النور. زينب: صباح الخير يا حبيبتي، رايح فين؟ ملك: مقابلة الشغل اللي قلتلكم عليها، يلا باي. ملك نزلت وقابلت نرمين وراحوا المقابلة. وصلوا الشركة (الألفي) ملك: بت انتي متأكدة إن هي دي الشركة؟ نرمين: آه يا بنتي، في إيه؟ ملك: هو إيه اللي في إيه؟ دي أكبر شركة في مصر والعالم، ده بيكلموا على صاحب الشركة دي كتير أوي في الـ TV والسوشيال، أكيد مش هنتقبل.

نرمين: اسكتي بعينك دي، إن شاء الله هنتقبل. دخلوا الأسانسر ودخلوا الإنترڤيو. السكرتارية بتكلم نرمين وملك: طبعاً انتوا عارفين إن أول شهر بتبقوا تحت التمرين، وبعدين لو لقينا شغلكم تمام بتتعينوا وبنمضي العقد. ملك ونرمين: تمام يا فندم. ومضوا العقد الابتدائي. السكرتارية: إن شاء الله الشغل من بكرة. عند أدهم. أدهم: لو على موتها هاخدها. أنا بحبها يا بابا. محمد (أبو أدهم وعم ملك) : هي مش عايزك، هترضى تعيش معاها غصب؟

أدهم: هتحبني يا بابا، وهتشوف. تاني يوم الصبح. زين: إيه يا مراد، نص ساعة وتبقى في الشركة، سامع؟ وأنا ربع ساعة بالكتير وهبقى هناك عشان أوريك ورق الصفقة وأسافر. مراد: تمام، أنا هلبس وأجيلك. عند ملك بتعب: خلاص، أنا هسبقك على الشركة، وتعالي ورايا. نرمين: ماشي، بس مالك؟ ملك: لما أشوفك هقوللك. نزلت وزين نزل، ومرة واحدة. زين بصوت عالي: حاسبييي. ووقف العربية مرة واحدة. زين بخضة: انتي؟ انتي كويسة؟ ملك بصوت تعبان: الحمد لله.

زين: في حاجة؟ أنا آسف. ملك: لا، ولا يهمك، اتفضل. مشي زين بالعربية، بس منظرها ماراحش من باله.