رواية ملك الزين للكاتبة شهد عبدالسلام الفصل الحادي والثلاثون 31 - بقلم الكاتبة شهد عبدالسلام

علي: ملك عاملة إيه؟ زين: إنت تعرفها منين؟ ملك خافت من رد فعل زين. علي: أنا الدكتور بتاعها. زين: ماسكه من هدومه: دكتور مين يااض؟ علي: دكتورها في الجامعة. زين: امشي. زين: تعالي وخدها وطلعوا الأوضة. زين دخلها وقفل الباب بعصبية: تعرفي منين؟ ملك: دكتورنا في الجامعة. زين: وعرف اسمك منين؟ ملك: أصل... زين: أصل إيه؟ ملك: حصل بينا... زين: تعالي كده وقعدها. زين: قولي بقا. ملك بصت وقالت له كل اللي حصل. زين: طب ماقولتيش ليه؟

ملك: إنت ماسألتنيش. زين: طب يا ملك. زين: أنا نازل. ملك: رايح فين؟ ماتسبنيش هنا. زين: مش عايز أسمعلك صوت. ملك سكتت وبتحمد ربنا إنه ماعملهاش حاجة. بعد شوية زين جاله مكالمة. زين: تمام أنا جاي. زين: يلا. ونازلين. فريدة: ملك حقك عليا يا بنتي إن كلمتك بالطريقة دي، بس من زعلي إن ماكنتش أعرف. ملك: ولا يهمك يا طنط. فريدة: طنط إيه بقا؟ قوللي يا ماما. ملك: حاضر يا ماما. زين: يلا. عز: رايح فين يا ابني؟ زين: معلش لازم أمشي.

عز: براحتك يا زين، بس خليك عارف إن أنت ومراتك هتعيشوا معانا هنا. زين: ماشي. سلام. وشد ملك ومشي. قدام الفيلا. ملك: إيه الحراسة دي كلها يا زين؟ زين: اطلعي دلوقتي وخلي بالك من نفسك. ملك: هو في إيه يا زين؟ زين مسكها من إيديها: مافيش حاجة يا نن عين زين. ملك: ماشي أنا طالعة. زين مشي اتجه للمخزن. زين: أهلاً. أدهم: هتندم يا زين. زين: مش زين اللي بيندم. ونزل فيه ضرب. زين: إنت جيتلي برجلك لما فلست وعرفت إيه السبب.

أدهم وهو بينزف من كل حتة: هتتنازل عن القضية مقابل إنك تعوضني عن كل الخسائر. زين بضحك: عندي اتفاق أحسن من كده، إنك هتطلع من هنا مقابل القضية والفيديو يا حبيبي، ولو مش موافق براحتك، أنت عارف كويس هعرف أطلع إزاي إنها متجوزة واحد بس. أدهم: موافق. زين: تمام. مشيو. عمار: بس يا باشا. زين: عمار. عمار: تمام يا باشا. زين طلع الفيلا. زين: نادي لملك. دادة كريمة: ماشي. وطلعت لملك. دادة كريمة: ملك هانم، زين بيه عايزك تحت.

ملك: هو جه؟ ونزلت جري. وهي نازلة وقعت قدام زين. زين بزعيق: إنتي غبية؟ بتنزلي بسرعة ليه؟ وشالها. زين في الأوضة حطها على السرير. زين: ما تنزليش كده تاني. ملك: إنت بتكلمني كده ليه؟ زين: مش بتخلي بالك من نفسك. ملك: أنا بخلي بالي من نفسي. زين: باين. ملك: مش هرد عليك. زين: المهم دلوقتي أنا هسافر كام يوم. ملك بتقوم مرة واحدة: إيه؟ راح فين؟ زين: مسافر في شغل. ملك: وهتسبني لوحدي؟ زين: هما كام يوم. ملك بزعل: ربنا معاك.

فون زين رن وكان مراد. مراد: شمس. زين: كنت عارف. مراد: زي ما اتفقنا صح؟ زين: تمام. وقفلوا. ملك: أنا جعانة. زين: أول مرة أسمعك بتقوليها. ملك: جعانة. زين: قومي غيري هدومك وننزل نتعشى برا. ملك: ماشي. زين: ما تزعليش، أنا خوفت عليكي عشان كنتي هتقعي. ملك: بس برضه إنت بتزعقلي كتير. زين: معلش بقا، قلبك أبيض، قومي. ملك: ماشي. زين: هغير أنا وأنزل أستناكي. ملك: ماشي. زين خد شاور ولبس بدلة سودة وفاتح أول كام زرار. زين: بسرعة.

ملك: ماشي. بعد شوية ملك لبست دريس رقيق جدا باللون السماوي وحجاب أوف وايت وجزمة بكعب عالي وميكاب رقيق. ملك: أنا خلصت. زين: ملاك. ملك: بتقول إيه؟ زين: يلا. طلعوا سوا وفاتحلها باب العربية. زين: تسمعي إيه؟ ملك: أي حاجة. زين شغلها أغنية نصيبي وقسمتي. ملك: بحب الأغنية دي أوي. زين: عارف. ملك: عارف منين؟ زين: أنا عارف عنك كل حاجة يا ملاكي. ملك ضحكت له. زين فتحلها الباب ومسكها من وسطها. ملك: المكان حلو أوي.

زين: استني تدخلي الأول. ودخلت. ملك: وقفت مرة واحدة، إيه ده؟ كان المكان كله فاضي ومتزين بورد أحمر وديكور المكان كان أسود ومكتوب بالورد "ملاك الزين". زين: إيه رأيك؟ ملك: تحفة يا زين. زين قعدها. زين: مبسوطة؟ ملك: أوي. زين: يلا نرقص. وخدها ورقصوا على أغنية حلم حياتي لوائل جسار. زين بعد وقت من الرقصة جنب ودنها: بحبك. ملك وقفت مرة واحدة: إيه؟