رواية ملك الزين للكاتبة شهد عبدالسلام الفصل الرابع عشر 14 - بقلم الكاتبة شهد عبدالسلام

واو إيه ده؟ إيه رأيك الفندق عجبك؟ أوي. طب يلا. يلا. ملك بعد ما دخلو: ينفع أسألك سؤال؟ زين بضحك: اسألي. ملك: هي الطرح دي كنت جايبها لمين؟ زين بضحك: هتموتي وتعرفي صح؟ ملك: هموت ليه يعني؟ زين: خلاص براحتك. ملك: هو إيه اللي براحتي؟ زين: إنك مش عايزة تعرفي. ملك وهي بتمشي: يووو بقى، ده انت بارد. زين مشي ناحيتها: بتقولي إيه؟ ملك: أنا أنا مابقولش حاجة. زين: بتقولي إيه؟ ملك: بقولك ماقلتش.

زين: ماشي. أنا نازل دلوقتي وشوية وجاي، عايزة حاجة أجبهالك وأنا جاي؟ ملك: رايح فين؟ زين: عندي اجتماع. ملك: خديني معاك. زين: أخدك معايا فين؟ ملك: ما أنا السكرتيرة بتاعتك عادي. زين: ما أنا جبت غيرك. ملك بزعل: إيه؟ زين: تعالي. ومسك إيديها وخدها على رجله: زعلتي ليه دلوقتي؟ ملك: جبت بدالي. زين بضحك: ماقدرش أجيب بدال، ولو جه ميت واحدة وربنا مافي واحدة تيجي زيك يا بنتي. ملك: بس برضه يعني كده مش هنزل الشغل.

زين: هسألك سؤال، عمرك شفتي ملكة بتشتغل؟ ملك: تؤتؤ. زين: أمال إيه بقى؟ ملك: بس أنا مش ملكة. زين: انتي ملكة قلب زين الالفي. ملك: أنا؟ زين: أيوا أنتِ. ملك سكتت بس كانت فرحانة جداً من كلامه. زين: أنا نازل، عايزة حاجة أجبهالك؟ ملك: هات... لا مش عايزة. زين: متأكدة؟ ملك: آه، لو عايزة هقولك. زين: تمام، باي. وفعلاً نزل وملك كلمت نرمين. نرمين: بقا كده يا كلبة، كل ده عقبال ما تردي عليا؟ ملك بضحك: معلش يا نينو.

نرمين: لا وكمان تسافري من غير ما تسلمي عليا؟ ملك: خلاص بقى، عايزة أتكلم. نرمين: ماتزعقيش يا بت، اتكلمي، عايزيكي تحكيلي كل حاجة من أول ما نزلتي انتي وهو من عند البيت. ملك: الفضول. نرمين: بت الله، ما انتي عارفة إن صحبتك بتحب تعرف التفاصيل. ملك بضحك: ماحصلش يا ختي، ولو حصل مش هحكيلك برضه. نرمين: انتي شايفة كده؟ ملك: آه. نرمين: خلاص مش عايزة أعرف حاجة... اخلصي بقى يا ملك، قوليلي.

ملك: هموت من الضحك، واضح أوي إنك مش عايزة تعرفي. نرمين: خالص. ملك: ماشي هحكيلك يا ست. ولسه ملك هتتكلم. نرمين: يلهوي، اقفلي بسرعة، مستر مراد بيرن. ملك: ماشي. عند نرمين. نرمين: الو. مراد: عاملة إيه؟ نرمين: الحمد لله. مراد: بقولك إيه، انتي فاضية؟ نرمين: ليه في حاجة؟ مراد: فاضية بقولك. نرمين: آه. مراد: تمام، اجهزي نص ساعة وهاجي اخدك. نرمين: على فين؟ مراد: لما أجيلك بس. نرمين: ماشي. بعد نص ساعة. مراد: اركبي.

نرمين ركبت: فيه إيه بقى؟ مراد: مافيش، كنت قاعد زهقان الصراحة، قلت أجي اخدك ونتغدى سوا. نرمين بضحكة خفيفة على وشها: ماشي. نرمين: هتغديني فين بقى؟ مراد: شوفي انتي عايزة تروحي فين. نرمين: شوف حضرتك هتوديني فين. مراد: حضرتك. انتي بعد الكلمة دي تسكتي. نرمين: ليه؟ مراد: أول حاجة اسمي مراد، وتاني حاجة إحنا برا الشغل، لو حتى في الشغل قوليلي مراد عادي، مش إحنا صحاب؟ نرمين: صحاب؟ مراد: إيه رأيك؟ موافقة؟ نرمين: طبعاً موافقة.

مراد: ماشي يا روحي. عند ملك، غيرت هدومها وفاتحة سوشيال. بعد شوية. زين: ملاكي. ملك: ملاكك. زين: آه ملاكي، عندك مانعمل لك. ضحكت بكسوف. ملك: هو انت جايب إيه؟ زين: جايب شوكولاتة لواحدة كده. ملك: واحدة مين؟ زين: واحدة وأنا نازل قالتلي مش عايزة حاجة. ملك بضحك: انت بتتكلم عليا صح؟ زين: حاجة زي كده. ملك: طب عايزة الشوكولاتة. زين: خدي اهي. عند مراد ونرمين. نرمين قاعدة على النيل وسرحانة. مراد: شكلك بتحبي المكان أوي.

نرمين: جداً، طول عمري لما ببقى مخنوقة باجي هنا. مراد: وإيه اللي بيبقا خانقك؟ نرمين: لا، حاجات كتير. مراد: طب احكي. نرمين: لا يا عم، وجعالك دماغي. مراد: توجعي دماغ مين يا نينو؟ نرمين بتلقائية، اتلاقيت نفسها عيطت. ومراد خدها في حضنه وسكتها. وبعد شوية. مراد: تتجوزيني؟ نرمين: ......