رواية ملك الزين للكاتبة شهد عبدالسلام الفصل التاسع والعشرون 29 - بقلم الكاتبة شهد عبدالسلام

زين طلع الأوضة ودخل خد شاور. داخل أوضة الملابس: زين: ياريت تقومي. ملك: ليه؟ زين: يلا مش قولتلك إننا رايحين عند عز. ملك: آهه، طب هقوم. ملك دخلت تاخد شاور. زين: أنا في المكتب تحت. ونزل. شوية وملك طلعت ولبست دريس أبيض وكوتش أبيض وحجاب لافندر ونزلت. دخلت لزين المكتب: ملك: أنا خلصت. زين بص لها: طب يلا. وخرجوا. وعند الفيلا: زين: يلا انزلي. ونزل. زين لف لها ناحية الباب. زين: في إيه؟ انزلي. وفتح الباب. ملك: معلش عايزة أروح.

زين: مالك انتي متوترة كده ليه؟ ملك: الصراحة خايفة ما يحبونيش. زين: لا ماتخافيش، مش هيحبوكي. ملك: إيه؟ زين بضحك: انزلي يلا. ومسك إيديها ونزلها. دادة سمية: أهلاً يا زين بيه، اتفضل، العيلة في الريسبشن. زين: أهلاً. ودخل. عز: أخيراً جيت. زين: عامل إيه؟ عز: الحمد لله يا حبيبي. وبيوجه كلامه لملك: عاملة إيه؟ ملك: الحمد لله يا جدو. عز: سيبها يا زين، تعالي. ميار نزلت اتلقت زين. ميار وحضنته: حبيبي عامل إيه؟ وحشتني.

زين: انتي عاملة إيه؟ فريدة (أم زين) : هتفضل واقف كتير؟ اقعد وعرفنا. زين: أعرفك بمين؟ فريدة: القمر اللي معاك. زين: ملك تبقا مراتي. وباس ملك من إيديها. فريدة قامت: إيه ده؟ مرات مين؟ لانا (بنت عم زين) : مراتك إزاي؟ عز: في إيه انتوا الاتنين؟ بيقول مراته. لانا: انت كنت عارف يا جدو؟ عز: آه، كنت عارف. لانا: بقا تسبني أنا يا زين وتتجوز دي؟ ملك: انتي... ولسه هتكمل، زين سكتها. زين للانا: لانا، كلمة زيادة منك هموتك.

لانا: سامع يا جدو. عز: خلاص يا لانا، استني. فريدة: يعني إزاي تتجوز من غير ما تعرفني؟ عز وقرب من زين وخد ملك: أنا هاخدها نقعد شوية سوا فوق. زين: ماشي، اطلعي. عز خد ملك وطلع. زين: لانا، ملك مالكيش دعوة بيها، بدل ما أموتك. وانتي يا ماما، ملك تبقا مراتي وبنحب بعض، وحوار الجواز جه بسرعة. فريدة: مش على حاجة يا حبيبي، بس أنا أمك وكان لازم تعرفيني. زين بعصبية: هو ده اللي حصل، وأنا ما عنديش كلام تاني.

وبيكمل وكلامه وباصص للانا: واللي هيبصلها وبصته ماتعجبنيش، هيزعل على عمره. وسابهم وطلع. عز: اقعدي يا حبيبتي، قمر انتي يا ملك، فيكي شبه من الغالية مراتي. ملك: شكراً يا عمو. عز: ماتزعليش من كلامهم، فريدة كويسة على فكرة، بس عشان أم وكان نفسها تفرح بزين. ملك: هي برضه معاها حق. عز: قوليلي بقا زين عامل إيه معاكي؟ لو مزعلك قوليلي. ملك بضحك: هتجبلي حقي يعني؟ عز: أجبهولك من عينه، عملك حاجة؟

بصي يا بنتي، زين أنا ماكنتش مصدق إنه اتجوز، وكمان لما شوفتك وعرفت إنك بتحبيه وهو بيحبك قلبي ارتاح. زين كانت حياته عبارة عن شغل شغل وبس، ويوم ما قرر يسيب شركة العيلة واشتغل لوحده، وهو ده زين، الشغل كل حاجة عنده. وأنا بقولك حاولي معاه، أنا عارف إن المعاملة معاه صعبة، إنه عصبي. ملك: أوي. عز ضحك: بس عشان بيحبك هيحاول يتغير، وانتي هتغيريه. ملك بكسوف من عز: يارب. زين دخل مرة واحدة الأوضة. عز: في حد يدخل كده.

زين: براحتي. إيه ده؟ مال وشك أحمر كده ليه؟ عز عملك حاجة؟ عز: هعمله إيه يعني؟ وبعدين مراتك بتقولي يا جدو، وانت يا عز؟ زين: وإيه الجديد؟ طول عمري بقولك باسمك. عز: ماشي، نعديها عشان القمر اللي معاك. زين وهو ماسك ملك: قمر مين؟ اسمها ملك، ويا ريت ماتقولهاش باسمها. عز: خلاص، خدها. ارتاحوا شوية. زين: ماشي. وخدها ودخل الأوضة بتاعته. زين: تعالي كده. ملك: نعم. زين: بتضحكي ليه؟ ملك: هو أنا ضحكت؟ بقولك نعم. زين: مع عز؟ ملك: إيه؟

زين: تعالي كده. وخدها قدام المراية وهو وراها. زين: شايفة إيه؟ ملك: قمر أهو، مالي؟ زين: ملك، اظبطي. ملك: في إيه يا زين؟ زين: شايفة إيه؟ ملك: شايفة راجل واقف ورايا. زين: تمام، الراجل ده هيكسرك لو شعرك الحلو ده بان من الحجاب تاني. ملك: غصب عني. زين: إزاي يعني؟ ملك: حاضر. زين: شاطرة. بعد شوية. ملك: زين. زين: تبقا اختي. ملك: سكتت. زين: إيه؟ القطة أكلت لسانك؟ ملك: لا. وبعدين أنا مش فاهماك، أنا مالي بختك؟

زين: يعني انتي ماكنتيش هتسألي هي إيه اللي جابها هنا؟ ملك: تؤتؤ. زين: تؤتؤ، كدابة أوي. ملك: شكراً. هو إحنا هنروح إمتى؟ زين: مستعجلة ليه؟ ملك: لا مش مستعجلة، بسأل عادي. زين: ماشي. زين: ادخل. منار: القهوة بتاعتك يا زين. زين بضحك: انتي لسه فاكرة يا منار؟ عاملة إيه؟ منار: الحمد لله. مبروك. زين: الله يبارك فيكي يا قمر. ونزلت. ملك: قمر؟!