رواية ملك الزين للكاتبة شهد عبدالسلام الفصل التاسع عشر 19 - بقلم الكاتبة شهد عبدالسلام

ملك: انت مجنون، إزاي بتسأل سؤال زي ده؟ زين وهو لسه ماسكها: بقولك، بتحبيني؟ ردي! ملك: انت شايف إيه يا زين؟ زين: أنا بسألك إنتي، يا ملك. ملك بزعل لأنه لسه ما حسش إنها بتحبه: انت حاسس إيه يا زين؟ انت بجد حاسس إني بحب أدهم؟ زين: ردي على السؤال يا ملك. ملك بعصبية وصوت عالي: لأ، ما بحبوش. ارتحت؟ بعد سكوت. ملك: طلقني. زين: إيه؟ ملك: بقولك طلقني. زين: ده لما يكون بمزاجك يا ملك. ملك: يعني إيه؟

زين: يعني زي ما سمعتي، مش بمزاجك. وأنا هعرفك إزاي تعلي صوتك عليا كده. ملك: كويس إنها جت على صوتي يا زين. زين: ملك، مش عايز أسمع لك صوت لحد ما ننزل القاهرة. ونزل، خرج برا الفندق. زين قاعد وبيتكلم مع نفسه: طب أنا متعصب ليه؟ ولما قالت إنها ما بتحبوش، زعلانة ليه دلوقتي؟ يمكن زعلان عشان طريقتها. يارب، أهم حاجة عندي إنها ما بتحبوش. عند ملك قاعدة وبتفكر: معقول بيشك فيا؟ معقول كل ده مش حاسس إني بحبه؟

أيوه بحبه، بحبه. هيعرف إزاي بس؟ والنوم غلبها. وزين طلع لقاها نايمة. زين وهو واقف عند ملك: بحبك وربنا، بحبك. وكده السؤال ده ما كانش شك فيكي وربنا. اعذريني إن نيمتك زعلانة وسامحيني، بس وربنا نار غيرتي عليكي هي اللي خلتني أسألك السؤال ده. كل ما أفتكر إن كان ممكن تكوني لغيري، بيبقى هاين عليا أكسر الدنيا واللي فيها. يا ملاكي، والأيام جاية وهثبت لك إني بحبك وهثبت لك إنك ملك الزين. ونام زين وهو واخد ملك ما بين أحضانه.

تاني يوم الصبح. ملك حسّت إن في حاجة ماسكاها جامد ومش قادرة تتحرك. ملك بنوم: اممم. وبتفتح عينيها، اتلاقت زين في وشها. راحت مايلة على كتفه تاني. ملك في سرها: انت قمر أوي، بس أنا مخصماك عشان اللي عملته فيا امبارح. وحسّت إن زين بدأ يتحرك، راحت رجعت عملت نفسها نايمة. زين صحي وبص في وشها وقال: زين في سره: مراتي قمر. وراح بايسها، بوسة في أنفها وبوسة كلها رقة في رقبتها. وحركها من على كتفه براحة، وقام ياخد شاور.

ملك أول ما حسّت إنه قام. قامت ملك ووشها كله أحمر. زين وهو خارج من الحمام: صحيتي؟ ملك: اممم. زين: هتحضري الشنط كلها، ساعتين وهننزل القاهرة. ملك: حاضر. زين: الفشار اللي طلبتيه امبارح أهو. ملك: كنت عايزة أنزل البسين. زين: المرة الجاية. أنا نازل دلوقتي، عايزة حاجة؟ ملك: لأ. عند نرمين، اللي من يوم ما مراد طلبها للجواز، وهي قاعدة في أوضتها خايفة وما بتردش على مراد. عمتها: مالك يا حبيبتي؟

من يوم ما جيتي وإنتي مع مراد، انتي قاعدة في الأوضة ومش بتطلعي منها يا ملك. نرمين: ما فيش حاجة يا عمتو. عمتها: لا في يا قلب عمتك. انتي مش على بعضك. وبعدين دي شكل عروسة فرحها بكره. نرمين: ماله شكلي يا عمتو؟ عمتها: مش تقومي كده، تتغيري ليه؟ نرمين: ماشي. ورن فونها، كان مراد. نرمين: ... مراد: ألو. نرمين: إيه يا مراد؟ مراد: إيه يا نينو؟ في إيه؟ مالك؟ برن عليكي بقالي يومين مش بتردي. أي هتتقلّي من دلوقتي؟

نرمين: معلش يا مراد. مراد: مالك يا حبيبتي؟ نرمين: بصراحة، كنت عايزة أقولك حاجة. مراد: قولي يا روحي. نرمين: أنا... مراد: بتقولي إيه؟