رواية ملتزمه تزوجت من رجل اعمال الفصل الحادي والعشرون 21 - بقلم رضا الله غايتي

باسم بيكلم نفسه. أرن عليها. ولا هتعمل ليا خطوبة. وتزعق. هرن. لا مش هرن. بجد. أنا معرفش هي إيه اللي بتعمله ده. وقرر باسم إنه يرن. وساعتها. كانت خديجة نايمة. باسم بيرن. مرة واتنين. وخديجة. لا رد. خديجة صحيت على صوت الموبايل. يوووه مين اللي بيرن. كلهم عارفين إني بنام بدري. وهووو. نامت تاني. باسم. هي مبتردش ليه. ده كله. بقا أنا أعمل كده. ورجع يرن تاني.

خديجة بنوم. السلام عليكم. إيه. عايزين مني إيه. مش عارفين إني بنام بدري. يلا مترنش عليا. وقفت السكة. باسم بصدمة. دي قفلت في وشي. حتى. ماخدتش فرصة أقول الووو. بقى أنا يا خديجة تقفلي في وشي. باسم بغيظ. إن ما وريتك. مبقاش أنا باسم الدمنهوري. وفضل يفكر. إيه اللي بيعمله ده. وليه عايز يتجوزها. ونام. بعد ساعات من التفكير. وهو بيقنع نفسه بحاجة هو مش مقتنع بيها.

ونروح بقى. لأحباب الله. اللي بيقوموا يقولوا. إحنا جينا أهو يارب. قايمين نقابل ربنا. الناس اللي ربنا متنزل ليهم مخصوص. وينادي عليهم. خديجة. عاملة المنبه. وكاتبة. رسالة تذكير. قومي يلا الملك نزل. الآن. مش عايزة حاجة من ربنا. ورسالة في المنبه. التاني. ألا إن سلعة الله غالية. قومي. الحقي. الجنة. أهي. قومي. ورسالة تالتة. قومي يا خديجة ربنا بينادي عليكي. قومي اقفي بين إيديه. قومي احكيله.

قامت خديجة واتوضت وصلت وقعدت تقرأ وردها. وتدعي ربها. إن يغفر ليها ولجميع المسلمين. وإن يرد أهلها ردًا جميلًا. وإن يهدي باسم. ويجعله. جندًا من جنوده. وإن يختار لها الخير ويصرف عنها الشر. عند ياسمين. قامت وصّلت القيام. وفضلت تبكي في كل سجدة. بكاء. لا يعرف طعمه إلا من تذوقه. ياسمين. خلصت صلاتها. وبتقرأ وردها. توقفت عند آية نفسها تعرف يعني إيه. قررت تتصل على خديجة تعرف معنى الآية. خديجة بابتسامة. السلام عليكم ورحمة الله.

ياسمين. وعليكم السلام ورحمة الله. كنت متأكدة إنك صاحية. عشان كده قلت أستغلك. خديجة بمرح. تستغليني. وأنا اللي كنت فاكرة إنك طلعتي. أثاري. ياسمين بضحك. عندك مانع. خديجة بحزن مصطنع. لا. وأنا أقدر أقول حاجة. ضحيت. بشبابي. كله عشانك. ياسمين. ههههههه. خديجة بابتسامة. قولي يا قمر. عايزة تستغليني في إيه. ياسمين بحب. أنا. كنت بقرأ. وردي. وقفتني آية. ونفسي أعرف معناها. خديجة بحب. تعرفي ياياسمين أكتر حاجة. بحبها فيكي إيه.

ياسمين. إيه. خديجة. إنك بتتعاملي مع كتاب الله. عايزة تعرفي. معنى كلام ربنا. بجد. ناس كتير. بيقرأوا. البوست على الفيس. أو أي مجلة. أفضل ما بيقرأوا القرآن. تسألي الواحدة. تعرفي معنى آية كذا. تقول. أنا بقرأ وخلاص. الصحابة مكانوش بيعدوا. عشر آيات إلا لما. يعرفوا معانيهم ويطبقوهم في حياتهم. حلو لما تعملي ورد قرآن. بس الوحش إنك. تطلعي بالختمة. وإنتي مفهمتيش حاجة. من كلام ربنا.

يا ياسمين. إنك تدبري آية وتفهميها. وتعملي بيها وتعرفيها لغيرك. أفضل من إنك بتختمي. القرآن في شهر. النبي قال. من أراد الله به خيرًا فليفقه في الدين. والعالم عند ربنا. أفضل من مئة عابد. عارفة ليه. لأني مهما يحصل مفيش حاجة هتفتنك أو حد يخدعك. ياسمين بحب. يا خديجة ده كلام ربنا. يعني لو مهتمناش بكلامه. وسمعنا أوامره وابعدنا عن المعاصي. يبقى إزاي. عايزين. نثبت. على الدين.

خديجة. القرآن بيعلمنا الثبات ويعلمنا الأخلاق والمعاملات. ويعلمنا. آخر الطريق الغلط إيه. وآخر الطريق الصح إيه. القرآن منهج حياة. لازم نهتم بيه. ونعمل بيه في كل تفاصيل حياتنا. ياسمين. عندك حق يا خديجة. خديجة بابتسامة. تعرفي القرآن. بيكون شفيع ليكي في القبر. ويوم العرض على الله. ياسمين بحب. ياااه. ما أجمل كلام الله. خديجة بابتسامة. كلام ربنا. بيكون شفاء للقلوب. أي. حاجة مضايقاكي. اجري افتحي. صدقيني. قلبك هينشرح.

ياسمين. بحماس. خديجة أنا عايزة أحفظ قرآن. إيه رأيك أحفظ كل يوم. صفحتين. أو تلاتة. خديجة بسعادة. بجد فرحتيني إنك هتبدأي في حفظ القرآن. بس. أكبر غلط. إنك تبدأي. بصفحتين. أو تلاتة. ياسمين. أمال. أحفظ. قد إيه. خديجة بابتسامة. احفظي. عشر آيات بس. ياسمين بصدمة. أكيد بتهزري. هختم القرآن بعد خمسين سنة. خديجة بابتسامة. لا مبهزرش. أنا عايزة أسأل سؤال. أول ما بتيجي. تحركي العربية. بتبدأي. على أعلى سرعة.

ياسمين. لا طبعًا. لأني كده. غلط. واحتمال تنقلب بيا. لازم. أمشي. على الأول. وبعد كده لما تدور أزود في السرعة براحتي. خديجة بابتسامة. أظن إنتي جاوبتي على نفسك. ياسمين بحب. أنا فهمتك. نبدأ براحة. وكل شوية أزود براحتي. خديجة. شكلك فاهمة يا ناصة. ههه. ياسمين بحب. خلاص. هكلم سمية. وباذن الله. هنبدأ الحفظ من النهارده. عشر آيات يوميًا.

خديجة بابتسامة. وياسلام بقى. لو بعد كل صلاة. حفظتي آيتين بس. وتيجي تصلي بيهم. ركعة في قيام الليل. وقبل ما تبدأي في عشرة. كمان. تكوني فهمتي العشرة. اللي قبلهم. بجد متعة. ياسمين بحماس. باذن الله هعمل كده. خديجة تعرفي إن سيدنا عمر حفظ البقرة وآل عمران. في حوالي عشر سنين. ياسمين بصدمة. سيدنا عمر بن الخطاب. مش معقولة. خديجة بابتسامة. صدقي. لأنهم زي ما قلت ليكي. بيطبقوا كلام ربنا.

ياسمين. يلا بقى. جاوبيني على الآية عشان أعمل زيهم. خديجة بابتسامة. حاضر قولي يا ستي. ياسمين بحماس. قال تعالي. (ما يلفظ من قول إلا لديه رقيب عتيد) خديجة بابتسامة. تعرفي إن سورة ق بالذات. لما أكون. عايزة أبكي من خشية الله. أروح أقرأ فيها. أو أسمع الشيخ حازم شومان وهو بيشرح سورة ق. بجد. من السور. اللي تبكي الحجر من خشية الله. ياسمين. وأنا برضه. عايزة أسمعها. وأعرف معناها.

خديجة بحماس. بجد. ابحثي عن. تفسير سورة ق. للشيخ حازم شومان. ياسمين بحب. باذن الله. بعد ما أعرف معنى الآية. خديجة بابتسامة. بصي يا ستي. ربنا بيقول ما يلفظ من قول إلا لديه رقيب عتيد. يعني أي حرف. لسانك الجميل ده. بينطق بيه. في ملائكة. قاعدين مخصوص. إنهم يكتبوه. ياسمين بصدمة. يعني. لساننا ده. ليه ملائكة بتكتب كل حرف. خديجة. أيوه. وبرضه سيدنا معاذ. بن جبل سأل النبي وقال. هو إحنا هنتحاسب على اللي لساننا. بيقوله.

فالنبي رد عليه وقالوا ثقلتك أمك يامعاذ. وهل يكب الناس على وجوههم إلا حصائد ألسنتهم. يعني. المعنى. إن الناس هتترمي في النار بسبب اللي لسانهم كان بيقولوه. ياسمين. يااااه. يعني الواحد ياخد باله من كلامه.

خديجة بابتسامة. أنا بتكلم معاكي دلوقتي. وبفكر. ياترى. كل واحدة اغتابت صاحبتها. واغتابت دي ودي. تعرف إن يوم القيامة. وهي داخلة على باب الجنة. يقولوا ليها. هاتي. حقنا. بسبب. إنك جبتي. في سيرتنا. في الدنيا. ولو معاها حسنات. بيدوها شوية من سيئاتها. وتدخل النار. بسبب الغيبة. ياسمين باستغراب. يعني إيه غيبة. خديجة بابتسامة. يعني ذكر أخاك بما يكره. ياسمين. يعني إيه برضه.

خديجة بابتسامة. مثلا خديجة. معروفة إنها. مغرورة مثلا في نفسها. فإنتي. رحتي لسمية وقلتي. مش عارفة خديجة هتبطل الغرور ده امتى. وفضلتِ تحكي لصاحبتك. حاجات فعلاً حصلت من خديجة. بس. طبعًا خديجة مش موجودة. فعشان كده يوم القيامة هتتحاسبي على كده. ياسمين بصدمة. بس أنا مكذبتش وهي فعلاً فيها الصفات دي. خديجة بحب. إنتي فعلاً مكذبتيش. بس. إنتي. اتكلمتي عليها. وهي مش موجودة.

ياسمين. افرض أنا بضايق منها. بسبب الغرور ده أو المشكلة دي. خديجة. تروحي. بكل لين. تنصحيها. وتعرفيها. قبلت نصيحتك. يبقى خير. مقبلتشي برضه خير. أما إنك تجيبي في سيرتها. ده اللي مش خير أبدًا. تعرفي إن سمعت في عهد الرسول. اتنين. من الصحابة رايحين درس النبي صلى الله عليه وسلم. فواحد منهم بيقول للتاني. يلا نروح. ننادي صاحبنا عشان ييجي معانا. التاني رد عليه. لا. يلا نلحق. نروح الدرس وهو كسول. وهيأخرنا.

قام التاني قال عندك حق. ولما وصلوا عند النبي صلى الله عليه وسلم. النبي قال. في بين أسنانكم لحم. فاستغربوا إحنا مأكلناش لحمة. النهاردة خالص. قال لهم النبي صلى الله عليه وسلم. أكلتم لحم أخيكم. ياسمين بصدمة. يااااه بسبب كلمة كسول. أكل لحم أخيهم. أمال البنات اللي مش وراهم غير. فلانه راحت فلانه لبست إيه. فلانه وفلانه.

خديجة. للأسف. أكثر النساء معروفات بالغيبة. لو كل واحدة عرفت. إن العبد ليتكلم بالكلمة من سخط الله. لا يلقي لها بالًا. يلقي بها في قعر جهنم. ياسمين. أنا من النهارده باذن الله. مش هتكلم في سيرة حد إلا بالخير بس. خديجة بحب. أحسنتِ. وبارك الله فيكي. وبرضه لو لقيتي صحباتك بيغتابوا ومش راضيين يسكتوا قومي. وروحي في أي مكان. لحد ما يخلصوا غيبتهم. أو إوعي تقعدي وتسمعي. وتقولي مليش دعوة. إنتي كده شريكة معاهم.

ياسمين بحب. بجد. جزاكي الله خيرًا. يا خديجة. اتعلمت درس جديد. خديجة بحب. وإياكي. يا ياسمين. بعد ساعات. قامت خديجة. تصلي الضحى. وتشوف. وراها إيه. ياسمين راحت الجامعة هي وسمية. وفجأه. معيد في كلية ياسمين. بينادي عليها. ياسمين وهي غاضة بصرها. حضرتك عايزني يا دكتور. المعيد. أيوه. ممكن أقول لحضرتك. حاجة على انفراد. ياسمين بجدية. وعينيها في الأرض. حضرتك مينفعشي. قول اللي حضرتك عايزه. المعيد.

نروح عند. خديجة. أم خديجة بفرح. مبروك يا حبيبتي. باسم رن على باباكي وحدد معاد معاه. هييجي بكرة عشان تجيبوا الشبكة. وكتب الكتاب يوم الجمعة. خديجة حاسة. بفرح وخوف. ياترى. هيحصل إيه. والمعيد عايز إيه من ياسمين. إيه اللي هيحصل معاها.