رواية مملكة ابليس الفصل الرابع 4 - بقلم جينا محمد

داغر قال بتعب وهو يمسك يدها: تتجوزيني يا فريدة. فريدة بحزن: هتجوز واحدة مطلقة. داغر: بحبك يا فريدة وهعوضك عن كل اللي فات. فريدة بكسوف: موافقة. داغر بفرحة: قولتي إيه؟ فريدة: موافقة يا داغر أتجوزك. داغر بفرحة: مالك هات المأذون بسرعة. فريدة بلوية بوز: إيه ده هو أنا مش هيتعملي فرح؟ داغر بحب: أحلى فرح لأحلى عروسة، بس ممكن أكتبك على اسمي عشان مش هقدر أقاوِم. اطلعي أوضتي هتلاقي في الدولاب فستان، البسيه. قبلها بفترة.

فريدة بتعيط وداغر فاقد الوعي على الأرض وبينزف، ومجدي هرب، فقالت برعب: مالك اطلب الإسعاف بسرعة. مالك بهدوء: مش عايزك تقلقي خالص، تعالي شيليه معايا. دي رصاصة في دراعه، الموضوع بسيط. فريدة شايلة داغر مع مالك وقالت: ده أنتم متعودين بقا. مالك: حاجة زي كده. فريدة: مجدي ده يقرب إيه لداغر؟ مالك: مش عارف. المفروض أقولك ولأ! بس مجدي اغتصب أخت داغر وقتلها. فريدة برعب: قتلها! بعد فترة.

داغر نايم على السرير وبدأ يفتح عينه براحة، وفريدة كانت ماسكة إيده، فقال بتعب: آه يا دماغي... أنا فين؟ مالك بضحك: حمد لله على السلامة يا صاحبي. فريدة كانت مرعوبة عليك. فريدة بعياط: أنت كويس صح؟ حاسس بتعب أكيد. داغر بهدوء: أنا كويس، متقلقيش. مجدي فين؟ مالك بهدوء: هرب يا داغر، متقلقش. مش هيكمل لأني وصيت ناس تقوم بالواجب معاه. داغر بهدوء: الشياطين تسقفلك يا مالك. بص داغر لإيد فريدة اللي ماسكاها بقوة وقال بحب: تتجوزيني؟

فريدة نازلة على السلم لابسة فستان أسود طويل بحمالات وهيلز وفاردة شعرها البني. داغر واقف مستنيها. أول ما شافها تنح. وقفت فريدة قدامه ولسه هو متنح، فقالت بسخرية: إيه مالك بتطلع قلوب من عينيك كده؟ داغر بنحنحة: من عيني بس. وغمز لها وسحبها من إيدها بسعادة، فقالت بضحك: براحة هقع أنا لابسة هيلز يا داغر. داغر وقف وقال بمرح: طب ما كنتِ تقولي. وشالها. وكل ده، فقال بخضة: نزلني انت لسه تعبان. داغر قال بحب: هو في حد بيدلع؟

وقال لـ... فريدة متشعلقة في رقبته بضحك. "بارك الله لكما وبارك عليكما وجمع بينكما في خير". داغر قام وحضن فريدة وباسها من رأسها: مبروك عليا أنتِ. فريدة بضحك: متعوّدتِش على الطيبة دي ها. داغر بضحك: بلاش جو مسيطرة، همشيك مسطرة. ده... بحبك. فريدة بحب: مش أكتر مني واللهِ. بعد أسبوعين. داغر كان قاعد وحاضن فريدة من ضهرها وبيتفرجوا على التليفزيون. وجاه خبر عاجل بيقول: اختفاء رجل الأعمال مجدي الحلواني.

ضحك داغر وقال: دي آخرة كل ظالم! داغر بدأ يقبل رقبة فريدة بحب وقال: أنا مبسوط إنك في حياتي يا فريدة. فريدة بحب: وأنا كمان يا حبيبي، ربنا يخليك ليا. باستها فريدة من شفايفها بسرعة، ولسه هترجع. داغر حط إيده عند رأسها وباسها بتعمق، لغاية ما حسوا بحاجتهم للهواء، وسندوا على راس بعض وأنفاسهم مختلطة. شالها داغر وطلع بيها على أوضتهم وهي متعلقة في رقبته. في يوم آخر بليل. فريدة واقفة في البلكونة بتتفرج على النجوم.

جاه داغر من وراها وقال: بتعملي إيه؟ فريدة بخضة وقالت: حد يخض حد كده يا داغر. داغر بحب وباسها من شفايفها وقال: سلامتك يا قلب داغر من الخضة. فريدة بحب: شايف القمر مكتمل وجميل إزاي؟ بص كده. داغر بص عليها وقال: جميل بس... ده أجمل مخلوقات ربنا والله. فريدة بلوية بوز: بصيت للقمر مش ليا. داغر بحب: كل واحد يبص للقمر اللي يحبه بقا. حضنته فريدة وقالت: كنت لي خير عوض. داغر قال بحب: وأصبحت لي الهواء الذي أتنفسه.