رواية ممرضة قلبي الفصل الرابع 4 - بقلم ندى عمر

اسراء بدموع: حتة الممرضة دي اللي انت بتتكلم عليها كانت هتكون دكتورة احسن منك بس انا مجموعي كان 97% والطب كان من 98% وعشان انا بحب الطب وكان نفسي ادخله دخلت تمريض. اسراء قعدت تعيط. عمر حس بالكلام اللي قاله: ااا أنا آسف مكنش قصدي والله. اسراء سابته ودخلت أوضة لميس. لميس بصت لعمر: انت ليه قولت كدا؟ حرام عليك. ودخلت لاسراء. لارا كانت فرحانة في اسراء: أحسن، هي أصلاً متستهلش غير كدا.

عمر بغضب: انتي ملكيش دعوة، مش تدخلييي خااااالص. لارا: انت بتزعقلي عشانها يا عمر؟ انت بتعاملني كدا ليه؟ هو أنا عملت فيك حاجة؟ عمر: لا والله مش عارفة عملتي إيه. وسابها وراح لاسراء، بس وقفه صوت أحمد. أحمد: انت رايح فين يا عمر؟ عمر بحزن: هاشوف اسراء. أحمد: انت لازم تجيب لها حاجة الأول. عمر: زي إيه مثلاً؟ أحمد: تعالي أقولك. عمر صلح باب أوضة اسراء وجاب لها هدية. وراح عند باب أوضة لميس. دق دق دق. لميس: مين؟

أنا عمر وأنا أحمد. فتحت الباب وعمر دخل، راح عند اسراء. عمر: أنا آسف يا إسراء، مش قصدي والله. أنا لما بتعصب بقول كلام مش بكون في وعيي. اسراء مردتش عليه. لارا دخلت لهم وقالت: انت هتتحايل عليها ولا إيه يا عمر؟ سيبها خليها تتفلق في الأرض، هي هتتدلع ولا إيه؟ اسراء عيطت وعمر خد باله، فزعق لـ لارا. عمر بغضب: انتي إيه اللي دخلك أصلاً؟

انتي مش ليكي كلام معايا نهائي، هو كلام في الشغل بس، غير كدا لا. انتي نسيتي عملتي إيه ولا أفكرك؟ عمر: أحمد طلع لارا برااا. بس لارا كانت طلعت من نفسها. اسراء: انت عايز إيه يا عمر؟ ممكن تطلع بره. عمر: أنا آسف يا سوسو، خدي الهدية دي. اسراء: سوسو؟ اسراء خدت الهدية وفتحتها لقت فيها عروسة لعبة. اسراء بغرور: انت شايفني عيلة قدامك ولا إيه؟ عمر بضحك: أحلى عيلة. اسراء: ولااااا انت بتقول عليا عيلة؟ لا أنا مش هاسكتلك.

عمر: اطلبي أي حاجة يا اسراء. اسراء: مش عايزة حاجة منك. عمر: أنا صلحتلك الباب يا اسراء. اسراء: تمام. عمر: يلا ناموا عشان في عملية بكرة الساعة 9. عمر مشي هو وأحمد. وبيناموا الحلوين. اسراء صحيت الساعة 2 بليل عشان تشرب، لقت عمر باصص من الشباك وبيعيط. اسراء اتصدمت: ااانت عمر؟ ص صح؟ عمر مسح دموعه بسرعة وقال: آه أنا عمر. إيه اللي صحاكي؟ اسراء: أنا كنت بشرب، انت اللي صاحي ليه وبتعيط كمان!! عمر: مين أناا!!!

لا أنا أنا معرفتش أنام بس. اسراء: لا انت كنت بتعيط، قول ليه. اسراء تاني: عمر انت قولتلي امبارح اطلبي أي حاجة صح؟ عمر: آه، انت عايزة إيه؟ اسراء: أنا عايزة أعرف انت كنت بتعيط ليه. عمر انفجر من البكاء واسراء راحت قعدت جمبه وبتطبطب عليه. عمر بدموع: السنة اللي فاتت في نفس اليوم ده ونفس الساعة أمي.. وعيط. اسراء بخوف: مامتك مالها؟ عمر: أمي ماتت السنة اللي فاتت ودا كان بسبب واحدة غب" ية و مبت" فهمش. اسراء باستغراب: مين دي؟

عمر: ............. اسراء: اييييييي مستحييييييل!!