رواية ممرضة قلبي الفصل الثاني 2 - بقلم ندى عمر

عمر بغضب جحيمي: انتي اتجننتي والله لأوريكي يا اسر..... عمر مش كمل الكلمة ولاقى اسراء طارت على أوضتها. عمر كان عايز يضحك عليها بس عايز يكون جد. عمر: والله يا إسراء لأوريكي. دق دق دق. عمر بيخبط على الباب وهي مش بتفتح. عمر: افتحي الباب عشان مش أكسره. اسراء بعند: لا مش هفتح الباب، انت أهبل عشان أفتحه. عمر: والله هكسرها. اسراء: مش هتقدر. عمر كسر الباب برجله، لقى اسراء بتحط مناكير. اسراء كانت متفاجأة ومش قادرة تتكلم.

عمر: بتكعبليني قدام التيم كله وكنتي بتقولي عليا أهبل صح؟ عمر بيتكلم وهو بيقرب من إسراء. اسراء: ااااإسكت، مطلعتش أنا اللي كنت بتكلم. دا كان أحمد. عمر: والله، وأحمد صوته بقى رفيع صح؟ اسراء: ماهو ماااهو اا هو اللي كان بيقلد صوتي. واسراء بتموت من الخوف. عمر: امم، ومين اللي كعبلني دلوقتي؟ أحمد بردوا مش كدا؟ اسراء مش قادرة ترد وخايفة منه. عمر راح مسكها من إيدها مرة واحدة وشدها وطلعها بره الأوضة.

اسراء بوجع: اااااه سيييب إيدييي يلااااااا!!! وراحت ضرباه عشان يسبها. عمر ساب إيديها وبيقول بغضب: انتي بتقولي يلاا تاني؟ علفكرة أنا رئيس التيم دا وممكن، وعادي خالص أطلعك منه. اسراء في نفسها: دا أهبل وممكن يطلعني بجد. اسراء: علفكرة انت السبب، انت اللي كسرت الباب، واااا وكمان مسكت إيدي جامد. عمر: ومين اللي لسه مكعبلني دلوقتي!!؟ عمر: انتي لازم تعتذري حاااالاً. اسراء برفعة حاجب: أنا اعتذرت مرة ومش هعتذر تاني.

أحمد: خلاص بقا يا عمر، أنا آسف بالنيابة عنها. أحمد مسك عمر وقعده على الكنبة. واسراء طلعتله لسانه ومشيت. لارا: أجيبلك تشرب حاجة ياعمر؟ عمر بضيق: مش عايز. ودخل أوضته. لارا زعلت وقالت لأحمد: هو مش بيكلمني لي؟ أحمد: مش عارف، هو ممكن يكون مضايق بس من اسراء. عمر بيكون في أوضته وبيفتكر اسراء والي عملته ومنظرها وهي خايفة وبيبتسم. بيقطع تفكيره أحمد بيقوله: تعالي معايا نعمل فشار. عمر بابتسامة: ماشي، جاي وراك يسطا.

عمر: ياحمد اعمل انت الفشار وأنا هعمل شاي. اسراء بتقول للميس: روحي شوفي عمر فين؟ لميس: عمر في المطبخ بيعمل شاي. اسراء: استني شوفي أنا هعمل إيه. بتتسحب اسراء وبتروح المطبخ وبتحط في الشاي ملح كتيييير. وتمشي. لميس واسراء بيدخلوا المطبخ. اسراء: واحنا مش لنا شاي إن شاء الله ولا إيه؟ عمر ببرود: اعملي لنفسك. اسراء: علفكرة مش كلمتك، أنا بكلم أحمد، ملكش دعوه. وطلعت من المطبخ هي ولميس. أحمد

بيشرب من الشاي وبيقول: إيه القرف اللي انت عاملة ده؟ عمر: ماله يعني؟ السكر خفيف ولا إيه؟ أحمد: طب اشربه بس كدا. عمر أول مبيشربوا بيتف... على اسراء وبيقول: يعععععععع. لارا بقت بتضحك على اسراء. لارا: عمر خد يا حبيبي مايه أهي. اسراء بتتعصب وبتاخد من لارا كوباية المايه وبترميها في وش عمر. عمر تقريبا استحمي. وبيقوم يجري ورا اسراء و....