رواية منقذي الفصل الأول 1 - بقلم رنوشة

أنا زهقت منك ومن بنتك، دا إيه القرف دا؟ مبقتش عيشة. "إحنا قرف يا أحمد." "أنا مبقتش عارف أستريح، كل شوية بنتك عياط عياط." "ماهو طبيعي في السن دا كده، أعملها إيه طيب؟ "مليش فيه، اتصرفي. مش كفاية مش عارفة تجبلي واد، جايبة لي بت أعمل بيها إيه؟ جتك الهم إنتي وهما." ويسيب الأوضة ويمشي. رغد بتقعد تعيط: "يارب اهديه، أنا تعبانة." تاني يوم بيصحى أحمد من النوم: "إنتي ياهانم فين الفطار؟ "خمس دقايق ويكون جاهز."

"يوووه، هو أنا لسه هستنى؟ وبيزقها على الأرض ويمشي يروح الشغل. رغد: "حسبي الله ونعم الوكيل فيك." بنتها تعيط، بتاخدها في حضنها وتكلمها: "شوفي يا حبيبتي بابا بيعاملنا وحش إزاي، من أول ما عرفت إنك بنت مش ولد وهو متغير 180 درجة، كل يوم ضرب وذل وإهانة، بس عشان خاطرك هستحمل أي حاجة." "يقلب مامار." "ههه." رغد وهي بتمسح دموعها: "بتضحكي على إيه يا بت؟ إنتي عاجبك دا؟ وبتقعد تلعب مع بنتها شوية وبتقوم تحضر الغدا.

بييجي أحمد من الشغل. "حبيبي وحشتني." أحمد بيبصلها بقرف ويدخل ويسيبها. "أحضرلك الغدا؟ "مش عاوز." "ليه بس؟ أكيد ما أكلتش من الصبح." "قولتلك مش عاوز، هو بالعافية." "براحتك." وتبدأ رغد تدخل عند بنتها تاكلها وتلعب معاها شوية. "هو ده اللي فالحة فيه، طول اليوم قعدالي معاها. أنا فين في يومك؟ أنا جوزك لو ناسية." "نعم؟ مين اللي بيتكلم؟ هو إنت حضرتك فاضيلي؟ ما إنت طول الوقت برة مع صحابك أو شغلك، يا بتخنقني."

"مليش فيه، تسيبها وتيجي تقعدي معايا." "هنيمها وأجي." "بقولك دلوقتي." "مش هينفع." "طيب براحتك." ويسبها ويمشي. تاني يوم بيدخل وهو بيغني. رغد بتروح عشان تشوفه تلاقي معاه واحدة ماسكة في دراعه. "مين دي يا أحمد؟ "أقدم لك سارة مراتي."