رواية مرادي الفصل الخامس والعشرون 25 - بقلم شهد

وصل الجامعه ودخل الكافتريا لقى سليم قاعد مع حور وعمال يبتسم. مراد في سره واستغراب: سليم قاعد مع حور بيعمل إيه؟ راح بسرعه عند طربيزة حور. *** بعد ما قفلت مع ملك، راحت تقعد في الكافتريا تستنى ملك. وفجأة لقت دكتور سليم. سليم بابتسامة: إزيك يا حور عاملة إيه؟ حور بابتسامة: الحمد لله يا دكتور سليم. سليم بابتسامة: ينفع أقعد؟ حور بكسوف: آه أكيد اتفضلي.

سليم بعد ما قعد: بصي يا حور أنا مش هلف وادور عليكي، أنا سألت عليكي في شؤون الطلبة وخدت رقم أخوكي معتز. فأنا جاي أتقدم وأدخل الباب من بابه، بس حبيت أعرف منك ردك الأول، يمكن تكوني رافضاني خالص. حور بكسوف والموقف المحرج اللي وقعت فيه: دكتور سليم أنا معرفش حضرتك، عشان كده سواء أقبل أو أرفض دلوقتي فالكلام مش معايا. عن إذنك. ولسا هتقوم لقت مراد طب على الطربيزة. مراد وباصص لحور: في حاجة يا حور ولا إيه؟

حور واطمنت بوجود مراد: لا مفيش. مراد ويوجه كلامه لسليم بسخرية: إيه يا دكتور سليم خير؟ سليم وعدم مبالاة لمراد ويوجه كلامه لحور: تمام يا حور وأنا لسا عند كلامي. ومشي من قدام مراد وحور. مراد ويبص لحور ويرفع حاجبيه: إيه؟ حور باستغراب: إيه؟ مراد بعصبية: إيه هو اللي لسا عند كلامه؟ حور ببرود: ملكش دعوة. وسبته ومشيت. مراد بعصبية: ويمسك إيديها بسرعة قبل ما تمشي ويشدها. حور: أنا صبري بدأ ينفذ، قاله إيه الزفت ده؟

حور بتسرع: اخص عليك يا مراد بتشتمه. مراد برفع حاجب: وحياة أمك يا أختي انجزي وانطقي. حور بخبث وتلعب في شعرها: أصل سالومي قالي إنه جي يتقدم. مراد بيشد على دراعها وفكه هيتكسر: ماتتعدلي وإنتي بتتكلمي معايا، ومين سالومي ده؟ حور بتلاعب ووجع مستحملاه بالعافية: دكتور سليم. مراد وعيونه بقت كالدم وصوت عالي: نعممم! سليم قاله كده؟ حور بنفس الخبث والتلاعب: أها. مراد ورخى إيديه عليها ويبص في عيونها: وإنتي هتوافقي يا حور؟

حور وسرحت في عينيه وافتكرت كل اللي عمله فيها: مراد: بكلمك على فكرة. حور بتنهيدة ومبعدتش عيونها: اه يا مراد، هوافق. مراد ورجع لعصبيته تاني: اعمليها يا حور، عاوزك بس تعمليها. وسابها ومشي. حور وهيا باصة لأثره وتدعك إيديها من مسكته ليها: أما أوريك يا مراد، الألفي مبقاش أنا. حور بس مش حور اللي اتعودت عليها، تؤ تؤ تؤ، حور تانية خالص. *** نزلت من المواصلات ولسا هتدخل الجامعة لقت حد بيسحبها بسرعة.

لقت الولد الغتت بتاع المرة اللي فاتت. سيف بابتسامة ويتفحص وشها: إزيك يا قطة، وحشتيني. ملك بعصبية وتفلت إيديها: وحشك قطر يبني، إنت عندك إعاقة ذهنية، إنت عاوز مني إيه؟ اعتقني لوجه الله. سيف بعصبية: توء توء، كده لسانك طول أوي وأنا مبحبش اللسان الطويل. ملك بعصبية: عنك ما حبيته، أنا مالي بيك أصلاً. سيف بجدية: طب ممكن كفاية شغل عيال، عاوز أتكلم معاكي بجد. ملك بصدمة في سرها: إيه ده، دا عنده انفصام شخصية. سيف: سكتي لي؟

ملك: هو إنت بتتحول؟ سيف بابتسامة: وإنتي حلوة كدا لي؟ ملك بكسوف ووشها أحمر: احمم، عاوزة أمشي. سيف بضحك عليها: طب هنتكلم بجد. ملك بتوتر: ماشي، بس هيا نص ساعة مش أكتر عشان أخلص منك ومن زنك ده. سيف بابتسامة حلوة: أشكرا، وأنا موافق، بس موعدكيش إنك تخلصي مني ومن زنّي. ملك سابته ومشيت وسرحان: الله، ضحكته حلوة أوي. ملك بتسوعب للي بتقوله وتضرب وشها: إيه الهبل اللي بقوله ده؟ وراحت تدور على حور. ***

بعد ما نزل مراد، جرت ناهد تصحى منه. ناهد بزعيق: منهههه، اصحي بسرعة يبت. منه بنعاس: في إيه يا ماما؟ البيت بيوقع ولا إيه؟ ناهد بزعيق وتفتح الستاير: لا يا أختي مش بيقع، قومي في عريس جايلكم. منه وقامت مرة واحدة من على السرير: عريس؟ عريس إيه يا ماما، أنا مش موافقة. ورجعت تكمل نوم. ناهد بزعيق: يبت قومي اتنيللي، إنتي عارفة مين العريس أصلاً. منه ومجاش في بالها أدهم: يعني مين يعني؟ ناهد: أدهم. منه

بزعيق وتنط من على السرير: إيييي؟ أدهم؟ أدهم هو العريس؟ قولي والله؟ ناهد بنظرة خبيثة (بتاعت كل الأمهات عرفينها دي) : بت أنا قلبي مش مطمنلكم. منه بتستوعب لهبلها اللي هيفضحها: ها، أنا مستغربة بس مش أكتر. ناهد بابتسامة خبيثة: لا مش داخل عليا الدور ده، بس يلا قومي فزي، عاوزة الشقة بتلمع. منه في سرها بسعادة: دانا هخليها بتبرق، متخافيش. ناهد: سرحتي في إيه يا بلوة؟ منه: ولا أي حاجة، أنا قايمة أهو. ***

أدهم بتفكير: أنا غلطت لما طردت مراد، مكنش ينفع أعمل كده، وكمان رايح أتقدم لأخته بالليل، هقابله بأي وش؟ بس يربي، خلاص أنا هروح أصالحه، هو أكيد في الكلية. راح أدهم الكلية وخبط على مكتب مراد. مراد من جوا: ادخللل. أدهم بعد ما دخل وتقليد صوت ست: مرادي وحشتني أوي، أنا موحشتكش؟ مراد بعصبية ويقومله: إنت يزفت، اتظبط بدل ما أظبطك، ووطي صوتك ده، وإيه اللي جابك أصلاً؟ أدهم ويقرب منه ويحضنه وعلى نفس الصوت: أصلك وحشتني أوي.

مراد بعصبية: ويزيحه عنه: زفتتت، طب مفيش جواز يالا بقا. أدهم اتعدل وتسرع: لا وحياة حور عندك بلااش. مراد بسرحان في تحليف أدهم ليه بحور: اه يا حور، بتضيعي مني ومش عارف أعمل حاجة. أدهم: إيه يا عم روحت فين؟ مراد: معاكك. أدهم بجدية: أنا آسف يا صاحبي على اللي حصل امبارح، كان غصب عني والله، إنت عارف غلاوة حور عندي إزاي، دي زي أختي. يمراد ومينفعش أسيبك تعمل كده، إنت مش واعي يا صاحبي.

مراد ويبادله الحضن: مسامحك، هو أنا ليا غيرك ياض؟ ولا أنا بقيت فاهم إيه اللي بيحصل؟ أنا حور بتضيع مني يا أدهم. سليم هيتقدم لها. أدهم بصدمة: إيييي؟ سليم؟ كب؟ وهتعمل إيه يا مراد؟ مراد ويضغط على دماغه: مش عارف يا أدهم، مش عارف. أدهم: ويطبطب عليه: هتتحل إن شاء الله. مراد: يارب يا أدهم. أدهم بتغيير جو: طب إيه مش يلا عشان ننقي البدل يا معلم. مراد: يلا يا باشا. *** واخيرا لقت ملك. حور: لا ونبي، كنتي آخرتي شوية، لسا بدري.

ملك: خلاص بقا يا حور، خلي قلبك أبيض. وكمان تعالي في حضني يا كلبة، اديني كتير مشوفتكيش. حور وتحضنها: وحشتيني أوي يملك، في كلام كتير عاوزة أحكيهولك. ملك: وتبادلها الحضن: وإنتي أكتر يا حوري، وأنا كمان في كلام كتير. حور: خلاص بعد ما نطلع من المحاضرة نبقى نحكي، يالا. راحت حور ومنه المحاضرة. بعدها بساعة ونص خلصت المحاضرة. ملك: أنا هروح الحمام، استنيني. حور: تمام، متتأخريش. ملك: تمم.

حور وهيا مستنية ملك بره، لقت مراد وأدهم خارجين من مكتب مراد. جريت عليهم. حور بصوت عالي: ادهم. أدهم بابتسامة كبيرة: حوري، إزيك؟ وحشتيني أوي. حور بابتسامة: الحمد لله، وإنت واحشني أكتر. أدهم: هستناكي بليل. حور باستغراب: فين؟ أدهم: رايح أتقدم لمنه. حور بزعيق: بجد؟ عااااا، مش مصدقة. حور بزعل بعدها: إنتو إزاي متقولوش حاجة زي دي؟ مبقتوش تحكولي على أي حاجة ولا منه؟

أدهم بغمزة لحور: منه متعرفش أصلاً، وكمان والله الدنيا مشت بسرعة، عشان كده بقولك أهو، لازم ألاقيكي. حور بتذكر: أوف، دانا كنت نازلة مشوار مهم ومينفعش ألغيه. مراد بفضول وتدخل: مشوار إيه ده؟ حور وبصاله برفعة حاجب: وإنت بتسأل لي؟ مراد: خلاص عنك متقوليش. أدهم بضحك: كسفاه يا حازم. مراد: وبص لأدهم بصة. أدهم بضحك: ساكت أهو. وحور بضحك وخبث: خلاص صعبت عليا، نازلة مع واحد صاحبي. أدهم: أوعى يا حور، وده مين؟ حور: مش هقولك 😝.

مراد بعصبية: نعممم؟ واحد إيه؟ حور باستفزاز: صااحبي. مراد بعصبية ويسحب أدهم: يلا يا أدهم عشان أنا لحد دلوقتي ماسك نفسي. أدهم: حوور، أنا لازم ألاقيكي بليل، شوفي بقا إنتي هتقابليه امتى، وخلي بالك عشان مراد مش هيسكت. حور: حاضر، باي. وكانت ملك جت لحور. ملك: اده، مش ده أدهم؟ أمال فين مراد؟ حور: اه، هو ومراد سابقيه على العربية. ملك وبتشد إيد حور: طب يلا تعالي ناكل حاجة ونحكي. حور: يلااا. ***

بعد ما جابوا البدل وكله، راح بيته يجهز. *** ملك وحكت كل اللي حصل معاها الفترة اللي فاتت. حور بتفكير: طب مش ممكن يكون سيف هو اللي كان بيبعتلك على الواتس؟ ملك بتفكير: تصدقي ممكن، لما أقعد معاه هبقى أسأله. حور ولسا هتتكلم لقت التليفون بيرن وكانت منه. حور: نعم يا منه يا واطية؟ منه: ــــــــــــــــــــــــــــــــــــــ. حور: طب أنا جيالك على طول أهو. منه: ــــــــــــــــــــــــــــــــــــــ. حور: تمام.

بايحور لملك: يلا يا ملك قومي نمشي، ولما أشوفك تاني هبقى أحكيلك إيه اللي حصل. ملك بتفهم: تمام، يلا بينا. وفعلاً مشيوا وكل واحدة وصلت بيتها. حور: باي يا ملك. ملك وتمشي: باااي. *** حور بتطلع السلم لقت مراد وراه. مراد: حوور. حور ومش بتبص له: إيه؟ مراد وقرب منها ومسك إيديها جامد: إنتي إزاي تفكري إنك تنزلي مع أحمد؟ حور بتحدي وتبصله: إنت مالك أصلاً؟ مراد وعيونه كالدم: حور، يعني إيه أنا مالي؟

حور: إنت فاكر لما كنا على الروف وقولتلي إنت مالك، اعتبرني برضه. مراد بعصبية ويشد أكتر على إيديها: حوور، بلاش الشغل ده معايا، إنتي زودتيها أوي انهارده. حور وتبعد إيده عن إيديها وتتكلم بتحدي: طب أوعى بقا كدا عشان ألحق ألبس عشان أنزل مع أحمد. وتفلت منه وتطلع تجري لبيتها. *** مراد: بعصبية: ماشي يا حور، عشان شغل العيال ده. ولقى صوت معتز: إيه يا مراد، بتكلم نفسك ولا إيه؟ مراد: شوفت، جننوني يا عم. معتز بغمزة: مين يا باشا؟

مراد بتوتر: ها، محدش يا عم. معتز: عملت إيه في موضوع؟ مراد بزعل: مفيش يا عم، قراية الفاتحة، الخميس الخطوبة. معتز: وإنت زعلان لي؟ مراد: بعدين يا معتز، هتعرف. معتز: وقت ما تحب تحكي أنا موجود. مراد: تسلم يا صاحبي. وكل واحد دخل شقته. *** ناهد: يبت امسحي عند الباب كويس. منه: حاضر يا ماما. وخلصت وراحت تمسح في الصالة. لقت الباب اتفتح ودخل مراد، ولسا هيكمل راح واقع. مراد بزعيق: يمنهههه.

منه بخوف: والله ماكنت أعرف إنك جيت، لو كنت عرفت كنت ممسحتش دلوقتي. مراد بزعيق وعصبية: تعالي قوميني منك لله يا شيخة، ضهري. منه بضحك عليه وتروح تساعده: قوم يا خوي، وإنت اتكبيت زي الجردل كدا. مراد وباصلها بصه نارية. منه: خلاص، متأسفين يا مراد بيه. ناهد بخضة: عملتي إيه في الواد يا منه؟ منه بزعل اصطناعي: حرام عليكوا، أنا مظلومة. *** معتز بعد ما دخل البيت: السلام عليكم. إيمان: وعليكم السلام. معتز: أومال حور فين يا ماما؟

إيمان: لسا جايه من شوية وبتغير هدومها. معتز: طب في موضوع كدا. إيمان: إيه هو؟ معتز: ؟؟؟؟؟؟؟؟؟؟؟؟؟؟؟؟؟؟؟؟