رواية مرامي الفصل السادس 6 - بقلم اية هاني

مرام اتنرفزت. -امشي بلاش كلام فاضي. ده إنسان مستفز وبارد. -فعلاً يلا بينا. ودخلوا الفندق وبلغوا الأمن إنهم جايين يقدموا على الوظيفة. -اتفضلوا ارتاحوا هنا. وأول ما دوركم يجي آنسة سيلين هتناديكم. -تمام. بعد شوية. -الآنسة مرام عز الدين. مرام قامت ودخلت للمدير. -أنت بتعمل إيه هنا؟ -دي أوضة مين؟ -المدير. -يبقى مش محتاجة سؤال. مرام بعدم تصديق: يعني أنت المدير؟ -بالظبط كده. اتفضلي اقعدي. -مستحيل اشتغل مع واحد زيك.

وجت تخرج، قام بسرعة مسكها من إيدها. -اقعدي أحسن لك. هاتي الفايل اللي في إيدك ده واترزعي. -وكمان قليل الأدب. -يا بت أنتِ، أنا عملت لك حاجة؟ -بتقعدني غصب عني. -أنتِ مش جاية تشتغل؟ -آه. -يبقى تقعدي. أشوف الفايل بتاعك ده وبعدين أقرر هتشتغلي ولا لأ. مرام بغيظ: تبقى مين أنت يعني. مروان باستفزاز: المدير. وبعدين بص في الفايل وبص لها شوية. -للأسف مش عاجباني. مرام بغضب: هو أنت هتتجوزني؟ أنت مالك ومال شكلي؟

قال مش عاجباك. ثم ماله شكلي؟ يعني مش زي الصفرا اللي كنت متصور معاها دي. -أنتِ تعرفيني بقى؟ -لأ. يعني هو أنا هعرفك منين؟ -اومال عرفتي البنت دي منين؟ -ملكش فيه. وهات الفايل ده بقى. مروان بضحك: بهزر معاكي. أنتِ هتشتغلي من النهارده. -قول وحياة أمي. مروان ضحك أوي: إيه وحياة أمي دي؟ مرام ندمت على اللي قالته: أنا.. أنا آسفة. بس متوقعتش إنك هتوظفني. -طيب ولا يهمك. اخرجي لسيلين برا هتفهمك الباقي. -تمام. شكراً ليك.

-العفو يا مرام. -روز، أنا اتقبلت في الشغل. -وأنا كمان. أنا مش مصدقة. -أنتِ مين عمل معاكي الإنترفيو؟ -عارفة الولد اللي شفناه من شوية؟ مش اللي اتخانق معاكي ده، لأ اللي كان جنبه. -آها. هو ده. -أيوه. يلا دلوقتي كل واحد على شغله. -اشطا. بس إيه الهبل ده؟ مش هنطلع الشنطة ونشوف أوضتنا فين؟ -ما السكرتيرة هتقول لنا بقى. -اشطا. يلا سلام. -كريم، ما تيجي نروح البيسين. -معنديش مانع. يلا، أنا خارج من المكتب أهو. -وأنا كمان.

ونزلوا تحت عند البيسين ونزلوا الماية. وبعدين لقى مرام قدامه. -لو سمحتي. مرام بصت وراها: أفندم. -عصير ليمونادا لو سمحتي. -تمام. وراحت جابت العصير وجت. -اتفضل. -فين التلج؟ -تلج إيه؟ -أنا بحب العصير وفيه تلج. مرام بعصبية: وأنا أعرف منين يعني؟ مقولتيش ليه؟ -حصل خير. حطي لي فيه تلج. -حااضر. وحطت التلج فيه وجت. -اتفضل. خده منها وبعدين رجعه. -لا لا ماليش نفس له. هاتي لي كانز. مرام حاولت متبينش غضبها وراحت جابت كانز. -اتفضل.

-إيه ده؟ مش ساقع أوي. هاتيه ساقع. -أنت إنسان بارد. ومش معنى إنك مدير يبقى تذل الموظفين. لو هتفضل تعمل كده محدش هيشتغل هنا تاني. جت سكرتيرة مروان وسمعت كلام مرام: آنسة مرام، الزمي حدودك. أنتِ مستوعبة اللي أنتِ قولتي؟ اتفضلي، مفيش لكِ شغل هنا. مرام عيونها دمعت لأن الكل كان بيبص لها. ومروان طلع من البيسين بسرعة. -سيلين، أنا هنا اللي أقرر مين يشتغل ومين لأ. ومرام مش هتمشي. اتفضلي ارجعي شغلك.

مرام مردتش عليه ودخلت الفندق ودخلت الأسانسير. ومروان جري وراها لحد ما دخل معاها الأسانسير. -أنت إيه اللي جابك هنا؟ مش كفاية التهزيق اللي خدته بسببك. -حصل خير. تعيشي وتاخدي غيرها. أول ما الأسانسير اشتغل، مرام دخت ومبقتش قادرة تتنفس. ومسكت في مروان. -مرااام. مرااام. مرام اتكلمت بصعوبة: أنا.. ب.. بخاف. -أنتِ عندك فوبيا؟ مرام فقدت وعيها. ومروان قلق عليها وفضل ساندها لحد ما وصل الدور بتاعه. واتفاجئ لما لقى...