رواية مرت أعوام الفصل الرابع والثلاثون 34 - بقلم نهلة جمال

بعد مرور عشر شهور وفي يوم زفاف جيمي وغنوه كانت القاعه مكتظه بالحضور والموسيقى تنبعث في ارجاء القاعه. كانت فريده وشفق وفؤاد وهشام يجلسون على طاوله واحده. كانت شفق بطنها منتفخه اثر الحمل وفريده تحمل طفلها الاول "ياسين". فريده: إيه يا قلب ماما بردان؟ التكييفات مبرداك؟ هشام: امسكيه عدل عشان راسه مش لعبه هو. مد هشام يده يداعب ياسين وهو يقول: بس بخدود شبهي.

فريده وهي تنظر لياسين: فشرت عينك دا شبه مامته، انت معندكش خدود أساسًا. هشام: وايه يعني لو شبه مامته، حد يطول يبقى عنده ابن زي القمر كدا. فريده وهي تقول بخجل: بس عيب شفق وفؤاد قاعدين. نظر هشام لفؤاد الذي يضع رأسه على بطن شفق وهو يقول: دول أسوأ مننا صدقيني، هاتي ياسين كدا ثواني. فريده: لا صورنا سيلفي الأول. امسك هشام بهاتفه والتقط صوره. *** شفق: بس بقى بطني بتوجعني، البيبي أصلاً بيفرك مش هيبقى هو وأبوه.

فؤاد: أنا سامعه بيتحرك والله. شفق: هههههههه، أيوا طبعًا بس ابعد بقى. هشام وهو يقول: إيه دا غنوه وجيمي أهم. دخلوا القاعه سوياً وهم ممسكين بيد بعضهم البعض. جيمي: إيه يا حبيبي عجبتك القاعه؟ غنوه: أووووي، ربنا يخليك ليا بس في حاجة. جيمي وهو يجلس ويجلسها على كرسي العروس: إيه هي؟ غنوه وهي تقرب وتهمس: مش عامل بوفيه حلويات خالص؟ جيمي: احم، بعدين يا غنوه بعدين يا حبيبتي، هييجي تورته أربع أدوار دلوقتي.

غنوه: واشمعنا هشام عمل لفريده خمسة وأنا لا، شايف الترابيزات بتاعت فرحنا؟ جيمي: متغطية بمفارش بيضا، ف أنا ليه مش بغطيكي بمفرش أبيض. غنوه: المفارش مش متزينة بورد زي مفارش فرح فريده. جيمي: هاتي إيدك أبوسها، أبوس إيدك بطلي نقص بقى. الدي جي: عريسنا ياخد عروسته لأول رقصه سلو، يلااا. جيمي: يلا يا بيبي. غنوه: مش أرمي عضمي بحتتين جاتوه ولا حاجة عشان أعرف أتعفرت. جيمي: أتعفرت! أنا لسه مدخلتش عليكي، متخلنيش أطلقك.

قامت غنوه معه ورقصوا ثم حملها ودار بها سريعًا. غنوه: يالهوووي الحقوني يا ناس، هتكفي على وشي. أنزلها جيمي وأكملوا الرقص وهو يقول: أنا ليه حاسس إني اتجوزت خالتي فرنسا، يارب صبرني. نظرت له غنوه برومانسية وهي تقول: عارف أكتر حاجة نفسي فيها إيه يا حبيبي. جيمي بحب: إيه يا روح حبيبك. غنوه: نفسي يجيبوا التورته دلوقتي عشان جعانه. جيمي: يسراااااج بيييه. غنوه بضحك: هههههه بهزر والله، بحبك أووووي. جيمي وهو يحتضنها ويحملها

ويدور بها مرة أخرى: وأنا بعشق أمك. لوحت غنوه لشفق وفريده فلوحوا لها. *** بينما شفق تلوح لغنوه شعرت بألم في معدتها: اااااااااه. فؤاد: في إيه!! شفق: اسعااف، هات اسعااف بسرررعااه، هموت. فؤاد: انتي في أول التاسع، هتولدي دلوقتي! شفق: اتحررك بسرعة. *** إنتهى الفرح وذهب فؤاد بشفق إلى المشفى. فخرجت فريده كطبيبه وهي تقول: مبروك يا فؤش، جالك بنوته صغننه كدا عسل. فؤاد: بتتكلمي جد!! هي فين! فريده: في الحضانه، بيغيرولها ويرضعوها.

فؤاد: شفق عاملة إيه!! فريده: مجهدة بس من الولادة، ادخل قولها كلمتين حلوين بقى. دخل فؤاد. فاقترب هشام من فريده وهو يحمل ياسين ويقول: أنا فاكر اليوم دا كان في ناس عضت الدكتور اللي بيولدها. فريده: يا سيدي كل حاجة فدا ياسين حبيب مامي، روح هات العربية عشان عايزة أروح أرتاح شوية. ذهب هشام. *** داخل غرفة شفق بالمشفى. اقترب فؤاد من فراشها وهو يقول: حمد الله ع السلامة يا حبيبي.

شفق بإرهاق وابتسامة: الله يسلمك يا قلبي. البيبي صحته كويسة؟ فؤاد: قصدك البنوته. شفق بانبهار: أنا جبت بنوته! كان نفسي ولد عشان اسميه باسم أخويا. فؤاد: نجيب تاني مرة واتنين وتلاته. شفق: بحبك أوي، ربنا يديمك. فؤاد: جبتلك هدية أهو، مدخلها المستشفى بالعافية والله، حاجة زي التهريب. شفق: إيه هي؟ فؤاد أخرج علبة مغلقة فتحها أمام شفق وما إن رأتها حتى ضحكت: هههههههه، تاني زيتون مش كفاية كنت بتوحم عليه.

فؤاد: ع فكرة يا هانم دا مستورد مش أي كلام. أمسكت شفق يده وقبلتها فاقترب منها وقبل رأسها وهو يقول: ربنا يخليكي ليا انتي ونور. شفق: نور! فؤاد: هسميها نور لأن شفق معناة جمال السما لما الشمس تبتدي تغيب، ونور هي نور الشمس اللي بتنور يومنا وهي نورت حياتنا فعلاً. ظل ممسك بيدها وينظر إليها بحب إلى أن جائت فريده وهي تقول: مرضتش أروح قبل ما تشوفوا البنوته. حملتها شفق وهي تضع يدها على فمها وتبكي.

ونظر فؤاد إليها وقال: بتتشال إزاي دي، أنا خايف تتكسر في إيدي. ضحك ثلاثتهم في سعادة.