رواية مريض بحب نور الفصل السابع 7 - بقلم دهب مبروك

تميم.... بحبك، كل حاجة فيكي بقت إدمانها، ضحكتك، هزارك، لمضتك، تتجوزيني يا نور؟ نور.... فاقت من تخيلاتها وأحلامها على صوت الجرسون. الجرسون.... اتفضلي، أهي القهوة يا آنسة نور. نور.... شكراً. وفي نفسها: بتحلمي يا نور، يعني انتي مفكرة إنه هيحبك؟ انتي بتحلمي يا نور، بتحلمي. انسيه، حاولي تنسي من دلوقتي عشان ما تتوجعيش لما تعرفي إنه هيكون لغيرك. وفاقت من سرحانها على رنة فونها باسم نورين وردت. نور.... نورين، أخبارك؟

نورين.... أنا تمام الحمد لله، انتي كويسة؟ نور.... آه تمام الحمد لله، متقلقيش عليا. نورين.... صوتك ماله؟ صوتك حزين. نور.... لا ما فيش يا نورين، أنا في كافيه هشرب حاجة وأتمشى وأرجع البيت. نورين.... ماشي يا حبيبتي، سلام. نور.... سلام. نور.... يا نور، بجد انتي مصبراني على حاجات كتير أوي يا نورين، ومهوّنة عليا كتير أوي. وشربت قهوتها ومشيت. "بيييييب بيييب" صوت عربية بيزمر. نور.... أوف بقى. تميم....

وهو نازل من العربية: إيه مش شايفة إني؟ نور.... تميم! أقصد تميم باشا، إيه الصدفة دي؟ تميم.... لا، تميم وبس. إيه رايحة فين كدا؟ وفي نفسه: ده أنا مخطط لها، أمال لو عرفتي إني براقبك عشان واحشاني هتعملي إيه يا نور. وفاق على صوت نور. نور.... لا، ماشية شوية زهقانة ومخنوقة مش أكتر. تميم.... طب تيجي نشرب حاجة وندردش سوا؟ نور.... إيه استحلتها ولا إيه يا تميم؟ أقعد معاك بصفتك مين؟ تميم.... خلاص يا ستي، تقبلي نبقى أصحاب؟ نور....

بسرعة وبابتسامة: أقبل طبعاً. وفي نفسها: يا خربيتك بقى، ده اللي هتنسيه؟ ده انتي مش شايفة نفسك فرحانة إزاي لما شفتيه، ولا ضحكتك اللي طالعة من قلبك. تميم.... رحتي فين؟ نور.... موجودة. بس إيه رأيك تسيب العربية على جنب ونتمشى سوا؟ تميم.... إنتي تأمري يا جميل، وأنا أنفذ. نور.... طب يلا بينا. تميم ركن العربية على جنب وابتدأ يتمشوا هما الاتنين سوا. نور.... إيه رأيك نركب عجل؟ تميم.... إيه؟ أنا أركب عجل؟

ده أنا مركبتوش وأنا صغير، عايزني أركبه وأنا عندي 27 سنة يا نور؟ نور.... عشان خاطري، أنا والله نفسي أركب عجلة مع الشخص اللي بح... واستوعبت بتقول إيه، وصلحت كلمتها. نور.... مع الشخص اللي بحبه زي أخويا كده. تميم.... أخوكي؟ آه طبعاً. وبابتسامة: طب يلا بينا، أنا موافق.

وراحوا مكانهم وأجروا عجلتين كبار مع استغراب الراجل اللي أجروا منه، وراحوا مكان فاضي وبدأوا يلعبوا بالعجل، يتمشوا في شوارع فاضية ويتكلموا شوية، شوية يفضلوا ساكتين خالص. تميم.... كان مركز في نور وضحكتها، وكل شوية يخطف نظرة كده من تحت لتحت. نور.... بتضحك من قلبها وبتتمنى تكمل حياتها الجاية مع تميم. "بس للأسف، القدر ليه رأي تاني خالص." وقفوا يستريحوا خمس دقايق. تميم.... نور. نور.... نعم. تميم.... مبسوطة؟ نور....

بإبتسامة كلها حب: جداً والله، أول مرة أكون مبسوطة وأضحك من قلبي كده. تميم.... اكتفى بابتسامة وبصلها ودندن: "وجودك جنبي خلاني أشوف الدنيا لون تاني وضحتلي الحياة في عينيك نسيت الناس معاك إنت حبيبي الدنيا وأنا جنبك عليا تهون" نور.... بصتله: صوتك مش بطال برضه. تميم.... ده أنا بغني عظمه. وغمز. نور.... لا بصراحة واضح. وكملوا اليوم وكان محفور جواه نور، تميم حرفياً، يوم جميل بالنسبالهم. وصل نور بعربيته لحد بيتها. مؤمن....

نورين، بقولك السفقة معادها قرب وهنعرف مين اللي شغال معهم، الزعيم بتاعهم هيسلم الصفقة دي بنفسه، ومنصور هيكون موجود، فبلغي تميم وشوفوا إيه الخطه. نورين.... تمام، بس انت ليه كده؟ ليه مختلف؟ مش شبههم يعني؟ فين مامتك؟ باباك فين؟ ليه مثلاً ما اشتغلتش في شغل منصور وعارف هو شغال إيه وساكت وعايش معاه كمان؟ مؤمن....

بابا وماما بعديها ماما اتجوزت منصور لمدة سنة وماتت. ماتت وبقيت وحيد. من بعدها عمري ما حبيت منصور، بكرهه. ماما متعرفش حاجة عن شغله، هو جالي في يوم وعرض عليا أشتغل معاه. اتصدمت لما عرفت إنه بيشتغل في المخدرات، واسمه مسمع في الشغلانة دي. رفضت وقلت له ميفتحش معايا الموضوع. جت أسيب البيت وأمشي، لقيت تميم جايلي في مرة وأنا في العيادة بتاعتي وقالي إنه عارف إني أنا مليش في شغله (منصور يعني)

. اكتشفنا إننا كنا أصحاب في ثانوية واتفرقنا، وربنا أراد يجمعنا. وافقت لأني عارف قد إيه المخدرات خطيرة وبتموت كم هائل من الشباب وبتضيع حياة ناس كتير وبتقتلهم بالحياة. منصور مكنش بيكلمني، قعدت أمشي مش مهم أنا عنده. اتجوز بعد ماما، بس هي مسافرة هي وبنتها وهترجع بكرة على فكرة، خلي بالك بقى. المهم، وافقت وتميم حكالي عنك وإنه عايز يدخلك ويمشي البنت اللي كانت شغالة هنا. حاولت أبين إني مش كويس وبتاع بنات، فطلبت منها نتحوز

عرفي. رفضت، وأنا متأكدة إنها هترفض. فقلت لها يتوافقوا ويكملوا شغل، يتمشوا من هنا. مشيت، وتميم قبلها صدفة، أو إحنا خططنا للصدفة دي. وبعدين شغلناها في شركة، وإنتي دخلتي الفيلا. آه، وحكاية العصير أنا وتميم مخططين لها، ولما جيتي هنا كنت جاي عشان أدخلك وأمنع أي أسئلة من منصور جوز أمي.

نورين.... يالهووووي! ده أنا انصدمت. وبصوا لبعض وضحكوا. مؤمن.... وهو مركز في عينيها جامد أوي وتلقائي: إنتي إزاي عينك حلوة أوي كده؟ نورين.... اتوترت واتكسفت. مؤمن.... ضحك على كسوفها وتوترها ده، وفي نفسه: يا ترى آخر الحكاية هتكون إيه يا نورين. "النهاردة كان أجمل أيام حياتي، قضيت يوم جميل، كل حاجة فيه خطفت قلبي، وبطلي كان قمر...

قمر تميم يعني، بتمنى أكون جنبه طول حياتي، وأنا جنبه بحس بأمان عمري ما حسيتوه. نظرة عيونه بتدفيني، أنا بجد بقيت متيمة بتميم، روحي متعلقة بروحه، حبي لتميم بيزيد يوم عن اللي قبل. بحبك يا تميم." نور.... ابتسمت من قلبها وصوت مسدج قطع الابتسامة دي. واتساب.... تميم.... بتعملي إيه؟ نور.... حاجة سر، هبقى أقولك عليها بس في الوقت المناسب. تميم.... ماشي يا عم الغامض إنت. نور.... طب إنت بتعمل إيه؟ تميم....

بفكر في اليوم وقد إيه هو جميل عشان إنتي فيه. نور.... هو مش أنت كنت خاطب؟ ليه سبت خطيبتك؟ تميم.... مركزة أوي إنتي؟ وجمبها غمزة. نور.... لا عادي، حبيت أسأل. تميم.... لأني مش بحبها، اكتشفت إني بحب واحدة تانية خالص، جت شقلبت كياني، خلتني أعرف يعني إيه حب ويعني إيه عشق، خلتني أعرف أفكر فيها 24 ساعة، متغيبش عن بالي، توحشني وأنا قاعد معاها. عرفت معاها الحب وحاجات كتير. نور.... آه بقى يا عشاق يا ولهان إنت. تميم....

هههه، طب مش عايز تعرفي مين؟ نور.... لا عادي. تميم.... نور، بصي من الشباك كده. نور.... جريت على الشباك. تميم.... غمزلها ورن عليها. نور.... بتعمل إيه يا محنون هنا؟ تميم.... أنا ممشيتش يا نور، مش همشي قبل ما أعرفك مين اللي بتكلم عنها. نور.... سكتت وبصت له. تميم.... نور، أنا بحبك. اللي بتكلم عنها هو إنتي، إنتي يا نور. نور....

محسيتش بنفسها غير ودموعها نازلة مع ابتسامة جميلة اترسمت على وشها، وعينها اتسبتت على تميم، وقفت الفون في وشه. تميم.... فهم غلط وفهم إن كده هي رفضت حبه. ركب عربيته وبقى ماشي مش شايف قدامه، ودموعه نازلة بتغسل كسرة قلبه. "عندما يبكي الرجل لأجل امرأة، فاعلمي أنها العشق يا فتاة ❤🔥" نور.... استوعبت عملت إيه ورنت على تميم. مردش، وفضلت ترن وهو ميردش، لحد ما رنت للمرة 40 ورد. تميم.... في إيه يا نور؟ عايزة إيه تاني؟

مش كفاية دمرتيلي حياتي؟ خلتيني أتمنى الموت وقت ما رفضتي حبي. تخيل إن راجل يعيط عشان بنت رفضت حبه. إنتي كسرتيني يا نور، بس الغلط على قلبي اللي حبك. أنا سمحت لقلبي يعشق ويدمنك ويكون متيم بيكي. كان بيتكلم ودموعه نازلة. نور.... بدموع لأنها لاحظت إنه بيعيط: تميم، إنت فهمت غلط، أنا فرحت لما قلت لي كده، وده كان رد فعلي. تميم، أنا بحبك! تميم.... إيه؟ قولتي إيه؟ نور....

بقول تميم ملك لنور، ونور ملك لتميم. يعني نور بتحب تميم، وقلبها طاير من الفرحة لما عرفت إنك بتحبها. نور مكانتش متخيلة إنك تحبها، مفكرة نفسها بتحلم، بس حلم نور اتحقق، وأمنيتها اتحققت لما تميم طلع بيحب نور. تميم.... بححححححححببببببببببك. نور.... اقفل بقى يا مجنون وروح عشان تنام. نور.... ضحكت بصوت عالي جداً، ونامت وهي في قمة سعادتها. فيديو شغال لتميم ونور من أول ما اتقابلوا بالعربية لحد ما ركبوا عجل،

وانتهى بجملة: بحبك، يعني كل حاجة حصلت مع نور وتميم النهاردة. "اسر بشر.... والله وعدك اللي باديء بدأ يتيم باشا. نور اللي بتحبها دي هي اللي هتكسرك، لأني أنا اللي هتجوزها مش إنت، وفي خلال يومين كل حاجة هتم، نور هتكون ليا عشان أكسرك وأخليك تهمد شوية، يتموت من الوجع وأخلص منك."