رواية مريض بحب نور الفصل التاسع 9 - بقلم دهب مبروك

نور بدموع ... موافقه اتجوزك يا اسر!! اسر بضحك ... والله شطوره وبتسمعي الكلام، يلا هتروحي دلوقتي وجهزي نفسك يعروسه، الفرح بعد أسبوع بالظبط. نور ... ماشي، خليهم يروحوني بقا. اسر ... ده انتي تأمري. (وفي نفسه) ده أنا هخليكي تتمني الموت وهتشوفي يا نور. أمر السواق يوصل نور لحد البيت. ووصلت نور وطلعت، وأول ما دخلت دخلت على أوضتها. نور ...

أنا آسفة يا تميم، بس حياتي عندي أهم، وأنا وافقت على عرض أسر لأني خايفة عليك، بتمنى تسامحني بجد. اليوم عدى من غير أي حاجة جديدة. *** يوم جديد. نور ... صحيت من نومها وافتكرت اللي حصل امبارح مع أسر وعيطت، وقامت اتوضت وصلت. مسكت فونها لقت مكالمات كتير من تميم ورسائل وتعليقاتهم. بعد شوية رن فونها بإسم نورين. نور ... ردت. نور بدموع ... نورين. نورين بخصة ... في إيه يا نور مالك بتعيطي ليه؟ نور ...

نورين أنا تعبانة أوي وقلبي واجعني، أنا ظلمت تميم وهسيبه. نورين ... ليه في إيه؟ مش قولتي إنوا اعترفلك بحبه وإنك بتحبيه و.... نور ... واكتشفت إني كنت معجبة بيه ومش بحبه، نور أنا هتجوز بعد أسبوع، أسر شخص كويس وحبيته وهو بيحبني من زمان وكان بيتابعني، فأنا وافقت. نورين ... وهو طلب إيدك من مين؟ نور ... هيجي يتقدملك. نورين ... مش مصدقاكي يا نور. نور ... لا صدقي، هكلمه ويجي يتقدملك وكل حاجة هتم في خلال أسبوع. نورين ...

ماشي يا نور. (وفي نفسها) مش قادرة أصدق يا نور. واتكلموا شوية وقفلوا. *** عدى أربع أيام. نور اتصلت بأسر وأصرت إنه يقابل نورين. ونورين قبلت أسر رغم إنها مش مستريحة له، إنها وافقت لما لقت نور موافقة. نورين شاكة فيه والموضوع ده سرعة. تميم بيكلم نور وهي مش بترد عليه. نور عملت لتميم بلوك. مؤمن ...

معجب بـ نورين جداً كشخصية وكل حاجة، ونورين برضوا. وتمارا مدلوقة وملزقة في مؤمن، ودي حاجة مضايقة نورين جداً، ومؤمن قرف منها بسبب حركاتها دي. *** عند تميم. تميم ... ما أنا هتجنن، أنا عملتلها إيه؟ أنا مزعلتهاش، هي كويسة، إلا تكون تعبانة، أنا لازم أروح لها البيت حالا. بعد شوية وصل تميم لبيت نور وخبط. نور ... فتحت. نور بصدمة وتوتر ... تميم!! تميم ... ليه مش بتردي على مكالماتي؟ هو أنا زعلتك في حاجة ضايقتك؟ طب انتي كويسة؟

نور ... دموعها نزلت. تميم ... مسك إيديها، مالك؟ نور ... سحبت إيديها ودموعها زادت أكتر. تميم ... دخل وساب الباب مفتوح. نور هديت خالص واتكلمت بصوت عالي. نور ... تميم أنا مش بحبك، كان مجرد إعجاب مش أكتر، فرحي وكتب كتابي بعد بكرا. اتقدملي واحد وشوفته كويس ومناسب وبحبه، ومع الوقت هحبه لأنه هيبقى جوزي، بتمنى تيجي لأنك صديق وأخ، آسفة بس دي الحقيقة. تميم ... هههه، لا برافو، المقلب تحفة بجد، حبيبتي ممثلة شاطرة. (وابتسم بحب)

نور ... بصتله بحزن كبير، تميم أنا مش بهزر، أرجوك امشي، لأني وجودك غلط، أنا أسر... (جاي في الوقت ده ودخل) نور ... أسررررر!! تميم ... قرب منه، مين الأخ؟ أسر ... مد إيده، وبابتسامة خبث، خطيب نور وهيبقى جوزها بعد بكرا، بس إنت اللي مين؟ تميم ... مش مهم تعرف. (وبص لنور) مبروك. (ومشي تميم) أسر ... قرب منها ومسكها من شعرها، بقيتي تدخلي رجالة غريبة البيت؟ نور ... بقولك إيه، إيدك متتمدش عليا، سيبني يا حيوان. أسر ...

لينا بيت يلمنا، بس قسمًا عظيمًا لو مبعدتي عن تميم، وبزعيق، هكون قاتله. نور ... حاضر. أسر ... نزل وهو فرحان لأنه شاف الكسرة في عين تميم. (فلاش باك) الشخص اللي أسر بعته يراقب بيت نور. الشخص ... باشا، فيه واحد طالع عند نور هانم. أسر ... أكيد تميم، اقفل أنا جاي حالا. (وقفلوا وأسر اتحرك على بيت نور) (باك) تميم ... مكنش مشي، طلع على فوق يراقب أسر لحد ما ينزل. سوا، وخبط على الباب ودخل، وقفلوه. نور ... تميم، إنت اتجننت؟

إيه اللي جابك هنا؟ ابعد بعيد عن حياتي، إنت في خط... إنت كدا هتسببلي مشاكل. تميم ... قرب منها ومسكها جامد من إيديها وزقها على الحيطة، وبص في عينها واتكلم بزعيق، إنتي كدابة، أنا مش مصدقاك، إنتي لما كنتي بتقولي بحبك كنت بحس فيها بصدق، مستحيل ده يبقى إعجاب، ده حب، لا مش حب، ده عشق. عينك بتلمع لما أكون قدامك، ضحكتك لما بتكوني معايا بتكون طالعة من قلبك. (وبصوت جهوري) إنتي كدابة يا نور. نور ...

كانت دموعها نازلة زي الشلال، وقربت من تميم وحضنته جامد، وتميم بدلها الحضن وحضنها جامد، كأنه بيقول للعالم كله إنها ليه هو وبس، نور لتميم وبس. نور ... بعدت عنه بسرعة، أنا آسفة، بس دي الحقيقة يا تميم، امشي. تميم ... مشي وهو حزين جداً، وحزن العالم كله فيه. نور ... بصتله وابتسمت بحزن، وسرحت في اللي أسر قالهولها وهددها بيه. (فلاش باك) نور بدأت تفوق وفتحت عينها. أسر ... أهلاً بمراتي المستقبلية. نور ... مين الأخ؟ أسر ...

مقولناش مراتي المستقبلية، يعني جوزك المستقبلي، اسمي أسر. نور ... إنت اتجننت ولا إيه؟ أنا بحب تميم وهتجوزه كمان، الكلام اللي بتقوله ده عند أمك. أسر ... ما إنتي هتتجوزيني، علشان لو متجوزتنيش هقتل تميم اللي بتحبيه ده. إن اتجوزتيني مش هقتله. نور ... هو عملك إيه؟ إنت شيطان؟ اللي اللي بتقولوه ده. أسر ... فتح فيديو لتميم وهو حد بيضرب عليه نار بيهوشوا، يعني، واتكلم...

ده بس أوريكي إني أقدر أقتله وإنه قريب مني جداً. حياته قصاد جوازك مني. نور بدموع ... ليه عايز تعمل كدا؟ أسر ... ضيع مني صفقات كتير، قبض على إبراهيم اللي راح ياخد صفقة أحلامي وصفقة العمر، عمال يضيع عليا فلوسي، ولو مكسرتوش واتهد مش هعرف أرجع زي زمان. لما أتجوزك هيتعذب في بعدك، لأني تميم بيحبك بجد، ودي حاجة هتكسره. لو متجوزتنيش يبقى أموته. نور بزعيق ... حرام عليك، حرام عليك كل ده عشان الفلوس؟ تقتل عشان الفلوس؟

ما إنت بتشتغل في المخدرات وبتدمر مجتمع بحاله وبيموت بسببه ناس كتير، يبقى القتل سهل بالنسبالك. أسر ... بالضبط كدا يا حلوة، موافقة تتجوزيني ولا أقتله؟ نور بدموع ... موافقة أتجوزك يا أسر!! (باك) نور ... حسبي الله ونعم الوكيل فيك، بجد آسفة يا تميم، خيرني بين أتجوزك وبين حياتك، حياتك عندي أهم، بكرا تنساني وتحب غيري، زي ما حبتني، وأنا هروح أعيش في جحيم مع تاجر مخدرات، هروح أعيش في سجن عذابي يا تميم. *** في فيلا منصور.

تمارا ... مؤمن ممكن نتكلم شوية؟ مؤمن بضيق ... مليش معاكي كلام يا تمارا، وقرب منها ومسكها جامد، شغل التلزيق ده والكلام الفاضي بتاع البنات ده تعمليه مع حد غيري، ابعدي بعيد عني أحسنلك عشان موركش الوش التاني، تمارا غوري بلا قرف. تمارا ... خافت منه جداً وبعدت عنه بسرعة. مؤمن ... والله لتشوف يا تمارا يا كلب. نورين ... جايه بكوباية الشاي. نورين بابتسامة وصوت براحة ... لا جامد بجد، إيه العظمة دي؟

دي البنت هتموت من الرعب وانت بتكلمها. مؤمن ... واخد بالك إنت مني أوي مش كدا؟ (وغمز) نورين بكسوف ... لا محصلش. قاطع كلامهم دخول منصور من الباب. منصور ... إنتي يازفتة، اعملي فنجان قهوة وهاتيه على المكتب. نورين ... تمام حضرتك. منصور ... بص لها بضيق لأنه مش مستريح لها وطلع على المكتب. نورين ... بصتله لحد ما اختفى، مش نازل من زور الراجل ده. مؤمن ... ضحك عليها. تمارا ...

كانت نازله من فوق، لا ما إنت بتضحك، ما الخدم وبتعملهم حلو أهو، إشمعنى أنا؟ مؤمن ... لأنهم أنضف منك ومش شبهك خالص، وإنتي فاهمني كويس. نورين بصت لها باستهزاء. وراحت تعمل القهوة لمنصور، وفي نفسها، والله يا منصور يا غبي كل حركاتك متسجلة، إمتى بقى نقبض عليك، البيت بقى خنيق من ساعة تمارا ما جت، بت ملزقة صحيح. نورين ... طلعت بالفنجان القهوة على مكتب منصور، وأول ما دخلت اتصدمت وصرخت باسم مؤمااااااان. مؤمن والكل جي على صوتها.

مؤمن ... لا مستحيللللل!!