رواية مذكرات فاشل الفصل الرابع 4 - بقلم يوستينا سامي

منار: إيه اللي عمل فيكي كده يا قمر؟ قمر بعصبية: ابن الـ... هو اللي عمل كده. عيل غبي وغشيم. منار: اهدي بس وفهميني. مين ده يا قمر اللي غبي؟ قمر: هو في غيره. الكلب اللي شفته في المخزن. أنا مش عارفة هو أنا كنت ناقصاه أصلًا. منار: طب فهميني. عمل إيه؟ فلاش باك قمر شغالة مع مرآة أبوها وأخواتها في السمك. هما يصطادوا، وحد يجيب السمك وينضفوه ويطبخوا. قمر مسئولة عن السمك لأنها طباخة محترفة جدًا.

وفي نفس الوقت حسن بقاله في إسكندرية أسبوعين، عمره ما راح السوق. فقرر يروح يجيب أكل وفاكهة لأنه حس إن ياسر نفسيته وحشة. والصدفة هنا. حسن لقها بتطبخ السمك في محل معروف جدًا في السوق. قمر واقفة مركزة وبتقطع السمك لأن في جزء هيتسوى وحاجات تانية طالعة أوردر. حسن دخل عشان يطلب أكل. حسن: احم احم، لو سمحت. قمر بعدم تركيز: أؤمر يا فندم. قمر: أنت؟ إيه جابك هنا وعايز إيه؟ حسن بضحك: قمر. طب والله ليكي وحشة. إيه بتعملي إيه هنا؟

قمر: نعم. أنت هتستهبل؟ يعني أنت مش عارف إني شغالة هنا؟ حسن: أنا ليه أصلًا أشغل دماغي بيكي. ما طز فيكي يا بنتي. قمر: نهارك أسود. أنت جايلي في محل عيشي ترخم عليا؟ حسن: إيه ده! أنت شغالة هنا بجد ولا هزار؟ قمر: آه يا أخويا شغالة هنا. ويا ريت تتفضل تتكل على الله. ويا ريت متخربش بيتي. ربنا يعمر بيتك. امشي بقى. حسن بضحك: بصراحة أنا مش معايا فلوس. فـ آكلني بدل ما أفضحك وأقول إنك كنت بايتة عندي امبارح.

قمر حطت إيديها على بوقه: بايتة عند مين يا طووور أنت. أنت جاي تلبسني تهمة ولا إيه؟ حسن شال إيديها: آه. قلة أدب تاني. ها، مش بتتعلمي؟ أنت ليه مش بتخافي مني ليه؟ برغم إني صعب أوي وعصبي أوي وممكن أتغابي عليك. قمر: مبخافش غير من اللي خلقني. وكل الكلام ده ولا يفرقلي ببصلة. سامع يا عم الحج. ويلا بقى اتكل على الله. حسن ببرود: قمر بقولك. قمر: اففف. اللهم طولك يا روح. نعم.

حسن: أنت عارفة إن القمر ده عاتمة وضالمة وفي صخور وشكله يقرف الكلب. قمر اتغاظت أوي: الهي يدخل صرصار جوه دماغك يجننك كده. جاتك القرف يا... يالهوووي السمك هيتحرق. راحت تنقل السمك اللي استوى في طبق عشان يتغلف، والسمك الني في الكيس. وفجأة. مرآة أبوها بدأت تنادي عليها. فوزية: قممر تعالي بسرعة. قمر: حاااضر جاية. أنت واقف ليه كده؟ ما تغووور يا عم أنت بقى. وفعلًا حسن خرج من المحل ومشي.

قمر في نفسها: غريبة. مشي عادي كده من غير ما يتكلم. ربنا يستر والله. ورجعت بعد شوية. أخدت كيس السمك المستوي، ادته للراجل في المحل اللي قدامها عشان ياكل. وأخدت السمك الني وادته للست. بعد مرور 10 دقايق. حبة إثارة. الراجل صاحب المحل خرج يزعق: سمك المستوي! إيه القرف ده؟ دي قلة أدب. ده السمك المستوي ده قرف. ده محل يقرف! إيه ده؟ فوزية: خير بس يا أستاذ. إيه بس اللي حصل؟

الراجل: خير هييجي منين الخير يا أستاذة. دوقي السمك. عليه إيه؟ انتوا بتستظرفوا معانا؟ وفعلًا فوزية دَاقَت السمك. لقت فيه شطة مميتة. قمر: إيه يا مرآة أبويا في إيه؟ طعمه إيه؟ فوزية بعصبية: مش عارفة في إيه. دوقي أنت. تعرفي يا أختي. روحي الله يكسفك يا بعيدة. قمر: اححح! إيه ده؟ ده ده حرااااق أوي أوي. أنا محطتش شطة أصلا والله يا مرآة أبويا. فوزية: نعم يا أختي. أمي هي اللي حطت مش كده؟ هاااه ردي. وفجأة جت الست اللي أخدت

السمك الني وهي عمالة تزعق: فين صاحب المحل ده؟ أنا عايزة فلوسي حالا. لـ أروح فيكم في داهية. فوزية: اهدي يا ستي مالك بس؟ إيه حصل انت كمان؟ الست: بصي. فتحت الكيس لقت السمكة أو أجزاء السمكة. السمكة مقطوع منها الرأس ومفتوحة من البطن والديل. السمك باظ. فوزية: حقك عليا يا اختي. كل السمك ده هيجيلك غيره. أصل ده للطاجن صح يا قمر؟ وجالك بالغلط. قمر: اهاااا صح.

فوزية: تعالي معايا. وشَدتها جوه المحل. إنما انت بقى يا ست قمر. كل الحاجات دي هتدفعي تمنهاااا من جيبك. ومن هنا ورايح ملكيش شغل معايا في المحل. سامعة. أنت هتروحي تجيبي السمك وتتبهدي عشان تتعلمي الأدب. وهتروحي دلوقتي تجيبي السمك من سامح. يلا انجري. بنات آخر زمن. قمر: اففف. فعلاً قمر وهي رايحة من المحل عشان تروح عند سامح سمعت حد بينادي عليها. حسن: قمري يا قمري. أنت يا بت. قمر: بقي أنت يا بن... أنت اللي عملت كده صح؟

حسن: ما تلمي بقى أم لسانك ده. بدل ما أضربك بجد. وبعدين هو أنا عملت إيه أصلًا؟ أنا أخدت حقي يا قمري. ولا إيه؟ منك ولا نسيتي؟ قمر بحزن ودموع: حرااااام عليك. عشان تاخد حقك تقوم تعمل كده برضو؟ حسن حس إنه استغبي بجد. قرب منها. حسن بحنية: قمر. أنا... قمر ضربته بالقلم: يا قليل الأدب يا متحرش. طب والله ما هسيبك. الحقوووووني يا نااااااااس. الحقوووووني يا هووووو. يا لهووووووي. حسن.