رواية مذكرات فاشل الفصل السادس 6 - بقلم يوستينا سامي

حسن شاف سامح عمال يرخم على قمر في مكان بعيد عن صيد البحر شوية. قمر: بقولك إيه يا سامح، أنا مش فايقة ليك، سامع ولا لأ؟ متكرهنيش في الشغل معاك، سامع ولا لأ؟ سامح بتريقة: لله ما أنت يا قمر اللي رافضة إننا ندخل بالمعروف. ما قلتلك يا قمر، أنا عايزك في الحلال.

قمر: استغفر الله. لأ بقى، أنت زودتها أوي. أوعى تكون فاكر إني اشتغلت هنا عشان سواد عيونك، لأ يا بابا، أنا اشتغلت هنا عشان محتاجة فلوس. وموضوع الجواز ده يا ريت تشيله من دماغك خالص، وإلا همشي من هنا. سامح: تمشي فين يا قمر؟ ده أنا ما صدقت إنك تيجي برجليكي هنا وتبقي معايا. ولسه هيحط إيده على كتفها بس زقّت إيده واتكلمت بعصبية. قمر: أنت بتعمل إيه؟ أوعى! هو أنت فاكر إنك ممكن تعمل القذارة اللي بتفكر فيها؟

لأ، حاسب بقى. ده أنا قمر. هااا. سامح بتريقة: لأ والنبي. طيب. وفجأة زق قمر ووقعت على الأرض جامد. وهنا دخل حسن. وبس، كان رافض يمد إيده على حد. حسن بحدة مسك إيدها: قومي يا قمر. قمر بصدمة: أنت تاني؟ سامح: مين ده يا قمر؟ أنت مين يااض ومالك بيها أصلاً؟ حسن بص له بقرف ومردش عليه. حسن: يلا يا قمر نمشي من هنا. سامح مسكه من هدومه: تعالي هنا! أنت جاي تاخد خطيبتي وتمشي؟ قمر بعصبية: كداب في أصل وشه! ولا خطيبي ولا أعرفه.

حسن: سمعت قالت إيه؟ أوعى بقى إيديك دي بدل ما أحزنك عليها. سامح بغل: بقي كده؟ طب خد. وضربه بالبوكس. قمر بخوف: حرام عليك يا سامح، ده قدك يا أخي. حسن اتصدم من كلمة قمر: قد مين؟ لله يخربيتك يا شيخة. اتفرجي بقى عليا. حسن قام وضرب سامح بالبوكس. حسن بتريقة: يابني، والله كنت تبت عن الضرب، بس أنت بقى هتبقى ماتش اعتزالي. قمر كانت واقفة مزهولة من قوة حسن. حسن خلص ضرب: يلا يا قمر قدامي.

وفعلاً قمر مشيت معاه كأنها مش فاهمة حاجة أصلاً. قمر بحرج: شكراً يا حسن. حسن بضحك: حسن اسمي حسن يا قمري. قمر بعصبية: ما تلم نفسك يا عم أنت، وإلا فكرني إني نسيت أصلاً أنا جيت هنا بسببك أنت. حسن بضحك: أهاااا، عشان بهدلتلك السمك. طب أنا ممكن ألاقيلك حل حلو. قمر: بجد؟ إيه هو؟ قول بسرعة. حسن: عشان تترمي من الشغل، وافقي واتجوزي سامح ده. قمر: نعععم؟ ليه بقي؟ اتجوزه؟

نجوم السما أقربله مني. ده فاكر إنه بيشتريني. وبعدين أنا حرة، محبش اللي يتحكم فيا. حسن: اهااا، أنت رافضة سامح ولا المبدأ ذات نفسه؟ قمر: وأنت مالك أصلاً؟ وبعدين عادي، هي تفرق أصلاً. حسن: طبعاً، يعني مثلاً لو أنا اتجوزتك، هيبقى رأيك إيه؟ قمر. تفتكروا هتعمل إيه؟ هتوافق؟ *** في المدرسة منار بخوف: طبعاً لأ، أنت اتجننت ولا إيه؟ ياسر: خلاص براحتك. هي فين البنت اللي كانت واقفة هنا؟ منار: يووووه، أنت بتستغل الموقف.

ياسر: أكييييد. منار: يوووووه. طب موافقة، بس بشرط. ياسر: إيه بقى الشرط ده يا أختي. منار: أعرف أنت سقطت ليه الأول، وتقولي بصراحة. ياسر بتفكير: اممممم. طيب، موافق. يلا بينا. وفعلاً ياسر ساعد منار تنط من على السور وخرجوا للشارع. منار بخوف: ياسر، تفتكر هيعرفوا إننا هربنا؟ ياسر: هههههه، لأ ما أعتقدشي يا نونو. منار: بتضحك ليه يا بارد أنت؟ وبعدين، وهربتنا ليه أصلاً؟ ياسر بضحك: بضحك على عبطك. هربتك عشان أرخم عليكي يا قمر.

ومسك خدها. منار: ولااااا، أظبط كدة، أظبط، وإلا والله ما أصوت وأفضحك. ياسر: عادي، هقول أختي وهربانة من المدرسة، هااااه. منار: طيب، هتودينا فين يا مرفود؟ ياسر: مش أنت عايزة تعرفي أنا بسقط ليه وليه فاشل؟ منار: اهااا. ياسر. فلاش باك. والد ياسر: برافوووو يا ياسر، طالع الأول على الإدارة يا حبيبي. حسن بتريقة: أومال لو كان شهادة ثانوية عامة كنت عملت إيه يا بابا؟ دي إعدادية. ياسر: يالهووي على الحقد! وأنت مالك بيا؟

والده بيضحك: أنا ابني ممتاز في كل السنين، ومش بس هو، لا إنما الكبار كمان. أنت جايب امتياز، وكريم برضه امتياز. كريم: من دعواتك يا بابا. ولا إيه يا حسن؟ حسن بضحك: اممم، حاضر، حاضر. هنافِق. باك.

ياسر: أنا كنت شاطر أوي يا منار لحد ما مات وسابنا. اتفزعنا بجد، وكان فاضل على امتحاناتي ٤ شهور. مقدرتش أدخل امتحن. لا أنا ولا كريم ولا حسن كمان إخواتي. أنا ضاعت مني ثانوية، وهما سقطوا، وراح منهم حلم إنهم يبقوا معديين. اتدمرنا نفسياًاااا كلنا. منار: الباقية في حياتك يا ياسر. طب وتأتي سنة ليه برضو سقطتها؟ ياسر افتكر السبب اللي خلاه يسقط بس مقدرش يقوله.

ياسر: احم. مافيش. أنا تعبت فعلشان كده. بس السنة دي هنجح وهدخل صيدلة أو طب. منار: ربنا يوفقك. والله أنا آسفة يا ياسر. ياسر: على إيه؟ على الرفد يا بنتي؟ أنت طيبة أوي والله. ده أنا كنت شخص زبالة أووووي، وياما اترفضت عادي يعني. منار: طب إيه؟ هنروح فين بقي يا عم الزبالة؟ ياسر: ماشي يا أم نص لسان. هعزمك في أي حتة تختاريها نأكل. شكلك جعانة أصلاً. منار: أوي بصراحة. ولله إنك كاااافو. ياسر: هههههه، طيب يلا يا أختي. ***

في الورشة بقى بليل. كريم شغال وحسن رجع. كريم: أخيراً جيت. كنت فين يااض من أول الصبح؟ حسن: هههههه، أنا برضه؟ إيه الحوار صحيح مع بسنت؟ كريم: حوار عسسسسل ولله يا حسن. متفكرنيش. حسن: ما هو باين يا خويا من غير ما تقول. راجل: مساء الخير يا رجالة. كريم: مساء النور يا عم الحج. أؤمر. راجل: كنت عايز أدفع تمن تصليح العربية لعم إبراهيم. كريم: اهااا، حضرتك والد آنسة بسنت. راجل: اها يا بني. اسمي محسن.

كريم: أهلاً وسهلاً يا عمو. أنا اللي صلحت العربية. محسن: بجد يا بني تشكر. تعبتك معايا. كريم: على إيه يا عمي؟ ده شغلي. بس أنا كنت عايز أتكلم مع حضرتك في حاجة.