رواية مطلوب حبيب الفصل الأول 1 - بقلم منه محرم

أيان: ماما أنا نازل، عايزة حاجة؟ استوب، نتعرف بقى ببطل قصتنا. أيان، ابن هنا ومالك. شاب عنده 24 سنة في كلية طب، شبه باباه وواخد عين مامته خضرا. عنده كافيه كان بتاع باباه واسمه "مليكة". أيان: يا ماما، أنا نازل! هنا: طيب يا حبيبي، خلي بالك من نفسك. أيان: يوووه بقى يا ماما، طب هتفضلي زعلانة لحد امتى؟ طيب. هنا: مش زعلانة يا أيان، يلا انزل عشان متتأخرش على الكلية بتاعتك. أيان، أنا عايزك دكتور شبه باباك، الله يرحمه.

أيان بحزن: طيب يا ست الكل، حاضر. هنا: تعرف مليكة كان نفسها تبقى دكتورة هي كمان. وحشتني قوي يا أيان. أيان وهو بيمسح دموعها: ماما، ممكن ما تعيطيش؟ هنا: خلاص، يلا بقى انزل على كليتك. أيان: طيب، أنا هنزل بس هتأخر عشان الكافيه، هروح أشوف الشغل ماشي هناك إزاي. هنا: طيب يا حبيبي. هنا: أيان! أيان: أيوه يا ماما. هنا: لسه ما لقيتش مليكة؟ أيان: بدور يا ماما، بقالي تسع سنين بدور عليها. متقلقيش يا حبيبتي. فلاش باك. من تسع سنين.

هنا: أيان حبيبي، مشوفتش مليكة؟ أيان: لأ يا ماما، هي ما جتش هنا. هنا بقلق: لأ، ما جتش. أيان: إزاي؟ هي قالتلي جاية مع صحابي. هنا: إزاي دي ما جتش؟ واتصلت كلمت صحابها، ما يعرفوش حاجة عنها. هنا: مالك يا مالك؟ مالك: إيه يا حبي أنا؟ هنا: مالك، مليكة! مليكة مش موجودة. مالك: مش موجودة إزاي يعني؟ هنا: معرفش، معرفش. وأيان ما يعرفش حاجة عنها. باك. هنا: حاضر يا أيان، يلا يا حبيبي روح الكلية بتاعتك. أيان: بشرط. هنا: اممم.

أيان: ما تعيطيش. هنا: حاضر، والله مش هعيط. يلا انزل بقى، وأنا هقوم أحضر الأكل عقبال ما تيجي. أيان وهو بيبوس إيديها: ماشي يا ست الكل، سلام. هنا: سلام. بعدين. هنا: الو يا أيان، اتأخرت ليه؟ الأكل برد. أيان: أنا في الكافيه يا ماما، حصلت مشكلة بس هحلها وأجيلك. نامي انتي، وأنا مش هتأخر. هنا: مشكلة؟ مشكلة إيه؟ أيان: لأ يا ماما، ده واحد كان شغال هنا في الكافيه وكان حرامي، بس الحمد لله قفشته. هنا: ههههه، قفشته؟

أيان: أيوه، ابنك بطل. يلا سلام. هنا: سلام يا حبيبي. أيان: نامي انتي بقى، وأنا هرجع على المغرب كده. هنا: طيب يا حبيبي. في مكان تاني. ماما: أنا نازلة. مني بتكبر: ما تتأخريش يا مليكة. مليكة: أوك، باي. فلاش باك.