رواية متوحدة في قلب الصعيدي الفصل الخامس عشر 15 - بقلم بسملة مصطفي

تاني يوم صحي صقر على طرقات مزعجة. صقر قام من جمبه وراح يشوف مين. صقر: مين؟ زين: أنا يا صقر. صقر: عايز إيه يا ضنا؟ زين: عايز أفطر. صقر: عندك المطبخ والخدامة كمان شوية وهتيجي، استناني خمس دقايق كده وهيا هتحضر لنا الفطار كلنا. زين: طب ما تيجي. عايز أقولك خف من السهر شوية ههههه. ومشي وسابه. صقر في سره: آه يا ابن ****** صقر قفل باب الأوضة وراح ناحية حور. صقر: حور، حور. بنوتي قومي يلا علشان ننزل. حور بنوم: صباح الخير.

صقر بحب: صباح النور على أحلى عيون. قومي يلا خدي شاور والبسي علشان ننزل. حور قامت. صقر قبلها في خدها وقالها: قومي يلا يا عيوني. وبعد ما تخلصي حضري ليا هدومي. على ما أعمل مكالمة وأجي. حور دخلت أخدت شاور وخلصت. وجهزت الهدوم لصقر وقعدت تستناه. بعد فترة لقت صقر دخل عليها الأوضة. حور: اتأخرت كده ليه؟ صقر: كانت مكالمة مهمة وكنت بخلص كام حاجة. حضرتي ليا هدومي؟ حور: آه جوه. صقر دخل واخد شاور وخلص وخرج لها. صقر أخدها ونزلوا.

لقوا الخدامة جات وجهزت الفطار. زين كان قاعد على السفرة بياكل لوحده. صقر ضربه على قفاه. صقر: مش عارف تستنى لحد ما أجي؟ زين: بقالي ساعة مستنيك تيجي مبتجيش. صقر قعد وحور جنبه وفطروا وخلصوا. وبعد ما خلصوا وقعدوا. جات لصقر مكالمة. خرج يرد ودخل. بعد فترة كان حد من الأمن بيقوله إن في حد بره عايزه. صقر قاله دخله. ودخل كذا واحد وشايلين بوكس كبير. حور استغربت من كبر البوكس. صقر قالهم: طلعوه الأوضة دي.

الشباب طلعوه وأخدوا حسابهم ومشوا. حور: إيه البوكس ده يا صقر؟ قالت حور الجملة باستغراب. صقر: تعالي معايا وهتعرفي إيه ده. حور مسكت إيده ولسه هيطلعوا. سمعوا صوت زين. زين بضحك: أيوة بقى يا عم الله يسهله. صقر بص له بطرف عينه وسابه وطلع. حور وصقر دخلوا الأوضة. وصقر قال لحور تفتح البوكس. حور قعدت فترة تفتحه وبعد كده فتحته. حور أول ما بصت للي جواه. بصت لصقر بصدمة. حور بصدمة: إيه ده؟