رواية متوحدة في قلب الصعيدي الفصل السابع عشر 17 - بقلم بسملة مصطفي

وبعد فترة من الكلام، قطع هذا الحديث الذي دام لوقت كبير كلام حور. حور: صقر، ممكن ناجل الفرح؟ صقر: ليه كده يا حور؟ حور: حاسة إني مش جاهزة لأي حاجة وخايفة. صقر: متخافيش، طول ما إنتي معايا وجمبي، وأنا مش هغصبك على حاجة وهسيبك على راحتك، بس نتجوز. إنتي مش متخيلة أنا لحد دلوقتي مستني اليوم ده بفارغ الصبر إزاي. حور: وأنا واثقة فيك يا صقر. صقر بحنية: ماشي يا قلب صقر.

وأخذها في حضنه. حور أول ما حضنها كأنها لقت أمانها وملجأها الوحيد وراحت في نوم عميق. صقر شالها وطلع بيها أوضتها وحطاها على سريرها وغطاها. وجه يمشي، لقاها مسكت إيده ومتبتة فيها. حاول يفلت منها. حور بنوم: خليك جنبي. صقر فرد نفسه جنبها وأخذها في حضنه ونام. تاني يوم. صقر صحي لقاها نايمة لسه. حط إيده على وشها وبقي يملس عليه. صقر: معقول الملاك دي هتكون ليا بكرة؟

خلاص هتكون ملكي وليا لوحديه. هتكون مراتي. بحبك يا حوريه. بصقر بعشقك. حور كانت صحت من أثر لمساته على وجهها. حور: وأنا بردو مش مصدقة إني هبقى مع حبيبي. أنا حاسة إني في حلم. خايفة أصحى في يوم وأكون بحلم بجد وأرجع لشخصيتي المتوحدة تاني. حقيقي كان شعور الوحدة ده صعب قوي. أنا خايفة يحصل حاجة في حياتنا وتفرقنا.

صقر: إنتي من يوم ما بقيتي على اسمي وأنا مواعد نفسي مخليكيش تنزلي دمعة واحدة من عيونك. ومواعد نفسي أخلي كل أيامك الجاية كلها فرحة وبسمة. مهما حصل يا قلب الصقر مفيش حاجة هتفرقنا. ومشاكلنا هنحلها مع بعض. وأي حد زعلان من حد يواجهه. عايزين نكون أسرة حلوة وبيت مليان حب وحنان ودفء وكل حاجة حلوة. حور فرحت من كلامه: حقيقي إنت أعظم راجل شوفته في حياتي. إنت كل يوم بتثبت لي إني اخترت صح. بحبك يا كل ما ليا. صقر قبلها على خدها.

صقر قبلها على شفايفها برقة وحنان وحب. وحور بادلته نفس المشاعر وبعد عنها علشان تاخد نفسها. صقر: أنا هقوم آخد شاور وألبس. حور: حاضر. صقر دخل ياخد شاور وخلص وطلع لبس هدومه. وكذلك حور لبست وخلصت برده. ونزلوا مع بعض وهما ماسكين إيد بعض. ولكن صقر رأى حاجة عصبته. صقر: إيه اللي بيحصل ده؟ يا ترى إيه هي الحاجة دي؟