رواية متوحدة في قلب الصعيدي الفصل الثالث عشر 13 - بقلم بسملة مصطفي

وقف صقر العربية وشالها وحطها في حضنه ونيمها. شغل صقر العربية ومشي باتجاه الفيلا. بعد فترة وصلوا البيت، لقوا حد في انتظارهم. اللي كان مستني صقر هوا زين أخوه. زين جري عليه حضنه وقاله: "وحشتني قوووي قووي يا اخويا." صقر بادله الحضن. "والله انت اكتر يا حبيب اخوك." زين شده وكان هيدخل، ولكن أوقفه صقر. "استني بس اجيب مراتي من العربية لأنها كانت نايمة فيها." صقر راح ناحية العربية وشال حور في حضنه.

وطلع فوق على جناحه وحطها على السرير وعدل وضعية نومها وغطاها. ونزل قعد مع أخوه. صقر قعد مع أخوه لفترة كبيرة، وبعد كده صقر قاله: "اي رأيك نخطبلك." زين بضحك: "لا يا عم أنا مش عايز أخطب، عايز أفضل سنجل بائس هههه، وبعدين عايز تتدبسني في الجواز زيك كده."

"صدقني أحلى تدبيسة، حور دي غيرت فيا كتير، حور دي هدية ربنا ليا، بجد أما بقيت متعود على وجودها في حياتي، لو غابت عني لحظة ممكن يحصل حاجة، هي النور اللي موجود في حياتي ومنورها، هي اللي مصدر القوة ليا." "والله وشفنا الصقر واقع في الحب وواقع قووي كمان ههههه." "بس يا سنجل يا بائس." "هوا فين أوضتي علشان عايز أرتاح." صقر وراه أوضته، واتجه صقر نحو أوضته. لقي حور بتفرك في عيونها وهي على استعداد للاستيقاظ.

صقر قعد جمبها وأخذها في حضنه. "مالك يا عيوني." "كان نفسي بابا وماما يبقوا معايا، مليش حد خالص، مليش ضهر أتسند عليه، وخايفة من اليوم اللي ييجي وممكن تتخلي عني فيه." صقر قالها: "أنا مقدرش أتخلي عنك، أنا يومي بقي مبيكملش من غيرك، كنتي بقيتي شيء أساسي في يومي، انتي اللي بتنوري ليا حياتي، انتي مصدر القوة بالنسبة ليا، يبقي كيف لي أن أتخلي عنك؟ حور حضنته أكتر ومسكت فيه. "يعني عمرك ما هتسيبني ولا هتبعد عني." "عمري ما هابعد."

صقر قالها على حاجة. ردت عليه بصدمة: "انت بتتكلم جديا تري صقر قالها اي؟؟؟