رواية متيم بقدر الفصل الخامس 5 - بقلم نورة عبد الرحمن

ضحك نصر ساخراً: انت جاي بعد الوقت ده كله تديلنا أوامر؟ لكنه صدم عندما تكلم ناصر: ناصر بهدوء: اللي انت عايزه هيكون، لكن ترجع من مكان ما جيت ومن غير مشاكل. فهد بابتسامة: كنت عارف انك العاقل اللي فيهم. هيروح معاكم حد من رجالتى يجيب منى. نصر: على جتتي مراتي تسيب بيتي. فهد ابتسم ساخراً وأدار وجهه: مش عايز تأخير يا ناصر، الوقت مش لصالحكم. ليهجم عليه نصر لكن أوقفه أحد رجال فهد. نصر: مراتي مش هسيبها. فهد:

بما إنكم شرفتونا، تحبوا تشربوا حاجة؟ قدر شوفي الجماعة حابين يشربوا إيه. كانت قدر تنظر إلى الأحداث بصدمة. كيف لناصر أن يرضخ لفهد هكذا؟ غير مستوعبة هذا الرضوخ الذي فيه ناصر. ناصر بهدوء: مرة تاني يا ولاد عمي، يلا يا علي هات أخوك وامشي. قدر: انت عملتلهم إيه؟ وليه ناصر سمع كلامك كده؟ فهد: انتي لسه عيلة على الحاجات دي. امشي اعمليلنا كوبايتين شاي وهاتيهم عند أبوكي. قدر بغيظ: تكونش فاكرني الخدامة بتاعتك؟

لأ اصحى على روحك يا فهد، إني قدر قدر الهواري بت سلطان الهواري. فهد: يباييي، كل كلمة بقولها تعمليلي موشح؟ مش عايز شاي خلاص. نجيني بسكاتك بس. قدر: انت يا أخينا طالع فين؟ فهد: هاخش أشوف سلطان. *** عند ناصر. نصر: ملعون أبو الفلوس اللي تجبرني أخسر مراتي. ناصر: مراتك انت اللي خسرتها بطيش. كان حصل إيه لو جتها بالعجل بدل الغصب؟ أقول إيه بس؟ هتبقى عيل. نصر بانفعال: أيوه عيل ومش ههمل منى لو حصل أي، ومش هطلقها انت سامعني؟

مش هطلقها ومنى مش هترجع بيت أبوها على جتتي. علي بسخرية: مراتك رجعت بيت أبوها من بدري يا نصر، وانت ولا انت هنا. نصر بانفعال: انت بتجول إيه؟ عاملتها يناصر؟ بعت أخوك؟ ناصر: كل ده عشانكم. إحنا ما نعينش فهد يحطنا بدماغه، مش ناقصين. نصر: ماشي يا ناصر، ماشي. بتعملوا فيا كده. وغادر وهو يتوعد لفهد. نظر ناصر لعلي: وانت التاني مش هتجول حاجة؟ علي: وأقول إيه يا خوي؟ إحنا لازم نخلص من فهد ده ونريح دماغتنا. *** سلطان:

هو فهد فين يا بتي؟ قدر: معرفاش يبوي، تلاقيه هنا ولا هناك. هو مش عيل عشان تخاف عليه. سلطان: لسانك كيف السم مع الراجل كده ليه يا بت سلطان؟ عملك إيه ده؟ جزاته سايب شغله ورجع عشان يرجع لنا حقنا. قدر: مش مرتحاله يابوي، معرفش ليه مش مرتحاله. حاساه مخبي حاجة، معرفش هي إيه. سلطان: فهد كتاب مفتوح، مش كيف ما انتي فكراه. متظلميش الراجل يا قدر. قدر: يمكن، لكن متقوليش آمنله عشان إني مش مرتحاله. سلطان:

ماشي يا بت سلطان. اطلعي شوفي أختك بتعمل إيه. من ساعة ما رجعت ما خرجتش من أوضتها. قدر: حاضر يبوي. طلعت قدر على أوضة منى، ولقيتها حزينة وسرحانة. قدر: مالك يا منى؟ انتي زعلانة على نصر؟ نصر بصراخ: منى انزلي يامنى، انزلي. منى: قدر. *** فهد: كيفك يا جلب فهد؟ اتأخرت عليكي جوي، عارف. متزعليش مني، لكن مش بإيدي. انتي عارفة يا جلبي.