رواية متيم بقدر الفصل الثالث 3 - بقلم نورة عبد الرحمن

مساءً في منزل سلطان. "قدر مين الراجل ده يابوي؟ "سلطان: ده فهد ابن عمي." "قدر: مش مرتحاله يابوي، بصاته بتجلجني واني متووشه منه." "سلطان بهمس: يمكن عشان بتفكريه بحد." "قدر: حاجة يابوي؟ "سلطان: لا، بس متتخفيش من فهد، وده اللي خايف منه، هيجيب لنا حقنا." "قدر: كيف يابوي؟ "سلطان: هتعرفي بعدين." "قدر: يابوي انتوا حبستوا روحكم بالاوضة ومخرجتوش يجي ساعتين، كنتوا بتتفرجوا على إيه؟

"سلطان: شايف إن كلامك كتر يابت، قومي حضري أكل وفرشة نظيفة لفهد، ووضبي له الأوضة اللي بالجنينة عشان رافض يبات ببيتنا." "قدر: حاضر يابوي، حاضر." نهضت قدر لتجده يمشي داخل الحديقة يبتسم تارة ويعبس تارة أخرى. لتهمس لنفسها: "ده مجنون ولا إيه؟ إيه البلاوي اللي بتتحدف علينا دي؟ يارب." لاحظ نظراتها له. نظر إليها بتمعن. نفس الملامح الجميلة، نظرات حادة، عيون قاتلة، نفس وضعية الوقوف وهي تتخصر عندما ترى شيئاً لا يعجبها.

"فهد: بتبصيلي كده ليه يابت سلطان؟ "قدر: انت مين وجايلنا ليه؟ "فهد: هو سلطان ماقالكيش إني مين؟ "قدر بعدم تصديق: قالي إنك ابن عمه، بس كيف ده وانت باينك صغير وأبويا راجل كبير؟ "فهد: بتمدحيني على كده؟ "قدر ساخرة: امدحك؟ امدحك؟ ده أنا شايفاك عيل." "فهد: يابت سلطان، أنا لو متجوز بنتي هتبقى قدك، عيل إيه؟ "قدر: وانت عندك كام سنة؟ "فهد: 35، أعجب ولا معجبش."

"قدر: وأنا مالي، تعجب متعجبش. المهم الأكل بالاوضة بتاعتك، لما تخلص ابقى اندهلي. ومتنساش إني هراقبك، متحاولش تلعب بديلك." "فهد بضحك: ألعب بديلك؟ امشي يابتي العبي بعيد عني، بلاش تطلعيني عن طوري." "قدر: بت ده إيه، ده أنا بمية راجل. متقولش لنفسك عيل وراجل عجوز وأعمى، هضحك عليهم؟ لا، خليك فاكر إني عيني عليك دايما، فاهمني؟ لتكمل ساخرة: "يابن عمنا." "فهد بضحك: فاهمك يابت سلطان، لسانك طويل كيف ما كانت هي." "قدر: هي مين؟

تنهد فهد طويلاً: "مش مهم، روحي شوفي أبوكي." ليأتيهم صوت علي: "والله عيب يابت سلطان قاعدة تتسامري مع راجل غريب بنص الليل وعاملة روحك الطاهرة الشريفة علينا." "قدر: إني أشرف منك ومن اللي خلفوك. انت إيه اللي جابك هنا كيف الحرامية كده؟ أمسك ذراعها بعنف. "لكن أمسكه فهد: امشي العب بعيد يابني." "علي بانفعال: فهد...