رواية نبض الاسد الفصل الرابع 4 - بقلم سيرلا وابي

دخل أسد الغرفة وانصدم، كانت نبض واقعة على الأرض. أسد بفزع: جري على نبض وحاول يفوقها، بس ما بتفوق. شالها ونزل بيها بسرعة تحت أنظار متفاجئة للجميع، وجري على عربيته على المستشفى وهو قلبه بيدعي وبيقول: يارب يارب، دي البنت رسمت ضحكتي، يارب قومها لي بالسلامة، حبيتها والنبي يااارب ياارب. ووصل للمستشفى وقال بصوت عالي: دكتوووورة بسررررعة يا حيو**ات. جت دكتورة ودخلوا نبض للغرفة، وأسد برا على أعصابه. مرت ساعة وطلعت الدكتورة

وقالت بإخفاء بعض الحزن: أسد بيه، هنعمل شوية تحاليل لنتأكد من حاجة. أسد: اعملي أي حاجة بس تقوم بالسلامة. الدكتورة: تمام. ودخلت عملت التحاليل وطلعت النتيجة. طلعت الدكتورة وقالت لأسد: أسد بيه، اتفضل نتكلم بمكتبي، عاوزاك بموضوع. أسد دخل معاها وقال: إيه اللي حصل مع نبض؟ الدكتورة بأسف: للأسف، المدام نبض عندها كانسر بالدم، بس ما تقلقش، هو في بدايته ومنقدر نعالجه بالجرعات ونعمل عملية صغيرة. أسد بصدمة: كانسر إيه؟

طب اعملي كل حاجة عشان تعيش. الدكتورة: تمام يا أسد بيه، ودا رقمي عشان نكمل علاج الآنسة نبض. آآه، والمدام نبض عشر دقائق وهتفوق، وبس تخلص المحاليل تقدر تخرج. وبكرة الساعة 10 الصبح أول جرعة، هما أول 10 جرعات والعملية وخلاص، يارب بتكون اتخلصت من الكانسر. أسد برجاء: يارب. أنا هروح أشوفها. ومشى. دخل لغرفة نبض، واتقطع قلبه وهو شايفها على السرير بالمستشفى. وبيفكر هيقول للطفلة البريئة دي إزاي إن عندها كانسر؟

وقرر إن هيدي لقلبه فرصة تانية ويكون سندها بدل عدوها. وقاطع شروده صوت تعب من نبض: أنا فين.. إيه اللي حصل؟ أسد من غير سابق إنذار جري وحضنها جامد وكأن كانت هتروح منه وقال: مافيش، أنتي تعبتي شوية وهقولك بالبيت. هنادي الدكتورة تيجي تفك المحاليل. وجا يمشي لقى نبض بتمسك إيده، حس بكهربا في جسمه وقالت ببرائة: ما تسيبنيش يا أسد 🥺🖤. قال بحنية: عمري مش هسيبك. هنادي الدكتورة تفكلك المحاليل عشان نمشي. نبض بدموع: ماشي.

أسد: مش هروح. ادتني رقمها؟ هتصل بيها. واتصل على الرقم. الدكتورة: الو. أسد: أنا أسد، ممكن تتفضلي على غرفة نبض. الدكتورة: تمام، جاية أهو. وصلت عندهم الدكتورة وقالت: الحمد لله على سلامتك مدام نبض.