رواية نبض الصقر الفصل الأول 1 - بقلم دينا عبد الله

رهف: لا ياما، لا مستحيل اتجوزه. فاطمه: يا رهف، أنا مش عيشالك، وعاوزة أأمن لك حياتك قبل ما أموت. رهف بعياط: بعيد الشر ياما، بس دا دا متهور، أنا بسمع عنه كتير، مش بيطيق نفسه. فاطمه بحزن: صقر ابن عمك الوحيد اللي هيحميكي يا رهف. رهف: عمري ما شفته ولا أعرفه. فاطمه أدتها الفستان وسابتها ومشيت. عند صقر: -أنت بتقول إيه يا بابا؟ -اللي سمعته يا صقر. -أتجوّز واحدة عمري ما شفتها ولا حتى أعرفها. -اللي عندي قولته يا صقر.

صقر سابهم وخرج. في المساء: عاصم: يلا يا صقر. صقر بضيق: حاضر يا بابا، حاضر. وبعد نص ساعة وصلوا. رهف كانت باصة في الأرض بدموع، فاقت على كلمة المأذون المشهورة: -بارك الله لكم وجمع بينكم في كل خير. رهف ودعت فاطمه وأختها ومشيت. صقر: يلا بينا. ومشوا تحت دموع رهف. عند صقر: عاصم: خد مراتك واطلع يا صقر. صقر كل ده مشافهاش، لأنها باصة في الأرض. صقر طلع الأوضة وكان شكله متعصب، ورهف وراه. صقر: أهلاً بيكي في جحيم الصقر. رهف بخوف،

باصة في الأرض وبتعيط: عاوزة ماما. صقر ضحك على جملتها: هو إحنا هنا في حضانة؟ رهف: ما أنت بتضحك أهو، أمال مركب لي الرعب ليه؟ صقر بخبث: انتي لسه شوفتي رعب. وفجأة كان الرعب سيطر على قلب رهف. صقر سابها ودخل ياخد شاور. بعد نص ساعة: -انتي لسه قاعدة؟ رهف بصت له: عاوزني أعمل إيه يا صقر؟ صقر سرح في عيونها وفي جمالها وجمال اسمه منها، وفاق على خبط الباب. زين: كده تتجوز من ورايا؟ فين مرات أخويا؟ رهف كانت واقفة ورا صقر.

زين: يخربيت جمال أهلك. صقر وفاه الغيرة امتلكت قلبه، نظر له نظرة أرعبته. زين: خاف وجري. صقر دخل ورزع الباب وراه، وبيقرّب من رهف. رهف: اهدى والنبي. صقر بزعيق: ابعدي عن وشي دلوقتي. رهف خافت وبعدت عنه. صقر خرج في البلكونة وبيشرب سجاير. عادة عنده وهو متعصب يشرب سجاير. رهف: يارب استرها والنبي، باين عليه مجنون. صقر دخل: رهف. رهف بخوف: إيه؟ صقر مسك إيديها: اسمها. رهف: نعم. صقر: لسه منمتيش؟ رهف: حاضر هنام.

صقر قفل كل الأنوار وراح نام على الجانب الآخر. بعد نص ساعة صقر سامع عياط، فتح النور. صقر قرب على رهف اللي هتموت من العياط: اهدى. في إيه؟ -أنا أنا بخاف من الضلمة. صقر: نام. وخدها في حضنه، وبدأت تهدى. صقر: هديتي؟ رهف كانت نامت. صقر دفن راسه حول عنقها ونام. رهف صحيت وجدت نفسها في حضن صقر. رهف: بقا أنا جوزي قمر كده، ههه، إيه اللي بقوله ده. صقر مقدرش يمسك نفسه من الضحك. رهف بصدمة: أنت أنت صاحي؟