رواية نبض الصقر الفصل التاسع 9 - بقلم دينا عبد الله

ملاك: أي خدمة؟ الولد بغمز: عاوزك يجميل. وبيُشدها وفجأة كانت في إيد ماسكاها. ملاك بترجع ورا: زين! حاسب. واحد ورا زين خلص عليهم. زين: الأمن! تعالوا شيلوا الزبالة دي برا. ملاك: أنت بتعمل إيه هنا؟ زين مسكها من إيديها وركبها عربيته تحت انتباه الكل. ملاك: زين موديني فين؟ نزلني! زين: بس! مسمعش صوتك. هروحك، مش كل يوم مشكلة شكل. مفيش غيرك، لو حد فيهم إذاكي. ملاك كانت ساكتة لأنها غلطانة. بعد نص ساعة وصلوا بيت ملاك.

فاطمة: زين بيه، أهلاً وسهلاً. اتفضل. زين: شكراً لحضرتك. أنا بس جاي أوصل ملاك لأنها تعبت النهارده وحبيت أوصلها. فاطمة: شكراً يا بني. زين بص لملاك بعتاب ومشي. عند صقر، كان وصل وخلص الورق ومروح. رهف كانت واقفة ورا الباب عايزة تخضه. رهف سمعت صوت العربية وجريت ورا الباب. صقر دخل. رهف: عوووو! صقر: كده هخاف يعني. رهف: إيه ده بقى؟ ماليش دعوة. صقر: ولا تزعلي نفسك. وخرج برا وهي بتخضه وعمل نفسه اتخض. ورهف ضحكت بصوت عالي.

صقر: آخرت اللي يتجوز طفلة. رهف: نعم نعم؟ طفلة؟ أنا لو اتجوزت كنت خلفت قدك. صقر بيقرب منها: اتجوزتي؟ تتجوزي مين؟ ها؟ رهف: ها؟ ولا حاجة. وجريت على فوق. صقر طلع وراها. رهف: أععع الحقونييي! هياكلنييي! صقر بعصبية: رهففف! صوتك عالي. رهف: براحتي. صقر قرب منها: والله يعني مش خايفة دلوقتي؟ رهف: يماما. صقر بضحك: ماما إيه بس؟ افتحي كدا الدولاب وفي نص ساعة تكوني لابسة ونازلة. صقر سابها ونزل.

رهف فتحت الدولاب وكان فيه فستان نبيتي ضيق من الخصر ومنفوش. رهف أعجبت بذوق صقر جداً، كل مرة بيسحرها بطريقته الجذابة. صقر راح الغرفة التانية ولبس بدلة سوداء وساعة وحط البرفيوم المميز ونزل. رهف لبست الفستان ولبست طقم الألماظ وكان فيه خصل من شعرها على عينيها. كانت ملكة جمال بمعنى الكلمة ونزلت. صقر فاتح بوقه: أنا همشي بيكي كده أزاير؟ رهف: شكلي حلو. صقر: أحلى من القمر. رهف بخجل: يلا نمشي.

صقر مسك إيد رهف وركبها العربية وركب جنبها. صقر مكانش سايق. صقر حط راسه على كتف رهف ورهف حست بالأمان جداً وبدأت تلعب له في شعره. صقر: لو نمتي، أنتي المسؤولة. رهف: لا مفيش نوم. بعد ربع ساعة كانوا وصلوا مكان فخم جداً. كان عبارة عن يخت كبير في البحر وكان متزين بطريقة خيالية والشاطئ كله متزين. رهف: وااااو. صقر نزل على ركبته: رهف، تقبلي تكوني ملكة على عرش قلبي وتكوني أول بنت توقع الصقر في الحب؟ رهف بدموع وفرحة: آه.

صقر قام وشالها ولف بيها وفجأة ظهر ألوان كتير جداً في السما وكان مكتوب اسم رهف في السما بطريقة مميزة. رهف بدموع: شكراً شكراً على كل حاجة. ربنا يخليك ليا يا رب. صقر بيمسح دموعها: بسس مفيش زعل تاني. أنا هعيش أفرحك وبس طول ما أنا عايش. مش عاوز دمعة واحدة تنزل منك. وفجأة اشتغلت أغنية وبدأوا في الرقص. "غير من عيني وأنا شايفك، وده اللي وصلت ليه. لو اسمع اسمي بشفايفك، هقولك كرريه. وعمري مهقدر أوصفلك بحبك قد إيه.

ارسمني في ليلك نجمة ضيها يلمع في العين." بعد ما رقصوا سلو عليها. صقر شال رهف وطلع بيها على اليخت. وكانت هناك المفاجأة.