رواية نبض السيف الفصل السابع 7 - بقلم دنيا خلف

وقفنا البارت اللي فات لما فيه شخص كلم نبض وقال: مجهول: لازم تهربي لأنك عايشة مع أسوأ إنسان. نبض: ده! مجهول: متضايقيش أوي كده، هو بس بيرعاكي عشان انتي بالنسبة له كارت هيرجع بيه حقوقه. ولعلمك هو عارف انتِ تبقي مين، واسمك نبض، وتبقى خطيبة أمجد الحديدي. قوليله بس الاسم ده وهتشوفيه هيتوتر قد إيه، لأنه مش زي ما انتِ فاكرة. باي باي يا حلوة. وتركها في صدمتها.

أيهم بقلق: ورد ي ورد، لو سمحت كان فيه بنت هنا بتشتري منك حاجات، متعرفش راحت فين؟ ورد ي ووووورد. فليأتيه صوتها من خلفه: أنا هنا يا أيهم. أيهم: كنتي فين؟ قلقت عليكي أوي، انتِ كويسة؟ نبض: عايزة أروح. فتفاجأ من برودها، ويسألها: إيه اللي حصل؟ فهميني مالك. فتجيبه باقتضاب: لو سمحت عايزة أروح. ... بعد ساعة ... أيهم: وبقينا في البيت، إيه اللي حصل؟ ممكن أفهم يا ورد. نبض: نبض. اسمي نبض. فتفاجأ،

وتواصل كلامها: مخطوبة لأمجد الحديدي. فتصدم مما نطقته، ويتوتر بشدة. فتلاحظ هي ذلك. أيهم: عرفتي إزاي؟ افتكرتي حاجة؟ فتنظ ر له ولم تجب. أيهم بتوتر: اسمعيني. فتقاطعه بصراخ: مش عايزة أسمع حاجة! انت خبيت عني حقيقتي ليه؟ وليه غريب وملكش أهل ولا حد بيسأل عليك؟ فيشعر بألم قلبه مما تقوله. فتكمل: انت ساعدتني عشان تستغلني، عايز تفهمني إنك كويس، بس انت مش كده. ودلوقتي قول، كنت ناوي تعمل فيا إيه هااا؟ رد! فيرد بعصبية وغضب: بس!

وأنا مش مضطر أجاوبك عن أي حاجة. انتِ مين أصلاً عشان تحكمي عليا بالطريقة دي. ويخرج بغضب. فتجلس هي وتبكي بانهيار. في فيلا الحديدي.. أيهم: عايزة إيه؟ وجوزك عايز مني إيه؟ مش أخدتوا الفلوس وكل حاجة؟ عايزين إيه كمان؟ ماجدة: قصدك إيه؟ أنا مش فاهمة حاجة. أيهم: لأمتى بقا تعملي نفسك مش فاهمة حاجة. ولعلمك، قولي لجوزك إن قرب مني تاني هقتله، فاهمة؟ ويخرج. تجلس نبض وكلها قلق عليه. فتأخر الوقت. فتسمع صوت الباب، فتخرج من غرفتها.

فينظر لها بتعب ولوم، ويدخل غرفته. فتشعر بضيق من تجاهله لها، فهو من كان يهتم بأدق تفاصيلها. نعم، ما مر سوى شهر، ولكن تشعر ناحيته بمحبة غريبة، وتشعر بوجوده بأمان. كانت مترددة تدخل له أم لا. أيهم: اتفضلي. فتدخل بتوتر، وتنظر لأسفل: أنا آسفة. أيهم: تعالي ي ورد، ولا يا نبض... فتنظ ر له بارتباك. تعالى أحكيلك.. فتجلس بجانبه.

فينظر لها أيهم بضيق: اسمي أيهم. بابا اتقتل نتيجة غدر صاحبه.. صاحبه اللي قتله، وبعدين مثل الاهتمام على مراته واتجوزها، واستولى على كل أملاكي.