رواية نبض السيف الفصل الثالث 3 - بقلم سارة محمد

سيف : مش هتخرجى... غير في حالة واحدة... نبض بقله حيلة وعصبية : هي إيه الحالة دي؟ سيف : على جثتي... نبض قعدت على الأرض وفضلت تعيط وتصوت بكل قلة حيلة. بالليل... سيف فتح أوضة نبض ودخل. نبض : مخبطتش على الباب ليه؟ سيف : علشان انتي مراتي... نبض : سيف انت لو مفكر إنك جوزي بجد... هنط من البلكونة دي... وبدأت ترجع لورا بظهرها ناحية البلكونة. سيف : انتي مجنونة يا نبض، هو أنا جيت جنبك؟ نبض بلعت ريقها وقالتله : عايز إيه؟

سيف دخل الأوضة واترمى على جنب السرير وقالها : هنام ومش عايز أسمع صوت... نبض حطت إيديها في جنبها وقالتله : وأنا أنام جنبك إن شاء الله إزاي؟ سيف عطاها ضهره وقالها : لو انتي مستحرميها بما إنك بقيتي مراتي على سنة الله ورسوله انزلي نامي تحت... وقلت مش عايز أسمع صوت... أنا تعبان وعايز أنام... نبض قعدت على حرف السرير وهو عطيّلها ضهره وقالتله: الجوازة دي عمرها ما هتنجح... سيف : عنها ما نجحت... نبض : انت اتجوزتني ليه؟

سيف : علشان بحبيني... نبض في اللحظة دي قلبها اتخطف ومعرفتش ترد. أوقات بتشوفه أعقل واحد على الأرض وأوقات بتشوفه أكتر واحد مجنون، بس الحاجة الوحيدة اللي هي متأكده منها هي إن قلبها معاه، مهما قالت له بكرهك هيفضل قلبها يحبه. نامت نبض على الحرف التاني من السرير. وصحيت الصبح على تليفون سيف بيرن. سيف بكل إرهاق : الو... هشام : أختك دخلت في غيبوبة... سيف قام بسرعة ولبس بسرعة وجاي يخرج. نبض وقفت قصاده : خدني معاك...

سيف : انتي بتقولي إيه؟ نبض بعياط : بالله عليك عايزة أشوفها... سيف : أوعي يا نبض من قدامي... نبض بصريخ وعياط : بالله عليك يا سيف... بالله عليك... نده على الحراس ياخدوها من قدامه يطلعوها ومشى. دخل من باب المستشفى لقى الحزن مخيم على وشوش الكل. دخل بص عليها وخرج على طول. وأول ما خرج... هشام : أنا ماشي يا عمي... بابا أميرة : رايح فين؟ انت مش شايف حالتك؟ هشام : مش هتأخر... وخرج ركب تاكس. وقاله ورا العربية دي.

فضل التاكس ماشي ورا عربية سيف لحد سيف ما وصل للبيت. سيف وقف اتكلم مع الحرس كلمتين وبعدين دخل جوا مخرجش. هشام قال لنفسه ليه سيف حاطط حرس وكلاب؟ أكيد في حاجة جوا علشان كدا حاطط الحرس والكلاب. رجع تاني المستشفى. قعد جنب أميرة وهي نايمة.

هشام : كان كلامنا واقف على إني شاكك إن أخوكي مداري حاجة. وشاكك كمان إنه له علاقة بإختفاء نبض صاحبتك. أنا مش هسيب الموضوع ده.. علشانك انتي بس. وهلاقي صاحبتك بس انتي اصحي بس وفتحي عينيكي. انتي عارفة إني مقدرش أعيش من غيرك. وكمان عارف إنك قدها. في البيت... نبض : هي عاملة إيه دلوقتي؟ سيف : زي ماهيا الدكتور قال الله أعلم هتصحى امتى... نبض : هتفضل حابسني هنا لحد امتى؟

سيف : بصي يا نبض أنا مش عايز وجع دماغ وفيا اللي مكفيني... نبض : آه يعني آخرس أحسن صح... سيف : آه اخرسي... نبض قامت من على السفرة ورميت الشوكة اللي كانت في إيديها على الأرض. وطلعت أوضتها. نبض : أنا لازم أحاول أهرب تاني. أنا مش عارفة إزاي المرة دي ولا إيه اللي هيحصل. بس أنا مش هقدر أعيش كدا. بالليل... سيف دخل نام على السرير. ونبض نامت. سمعت وهي نايمة صوت...

قامت بسرعة بصت جنبها لقيت سيف بيتكلم بصوت واطي كلام أكثره مش مفهوم. نبض بهدوء : سيف.. اصحى يا سيف... مبيصحاش. بصت على وشه لقيته أحمر. قربت إيديها براحة من وشه وهي خايفة لقيت درجة حرارته عالية جدا. قامت بسرعة جابت مياه وتلج وفضلت تعمله كمادات. وهي باصة على وشه قالت... ليه ربيت دقنك انت عارف إنك بيها أحلى! فضلت صاحية جنبه لحد الصبح. فتح عينيه لقاها نايمة على الكرسي قصاده. وجه يقوم مكنش قادر. نبض فتحت عينيها بسرعة.

نبض : حاسس بإيه دلوقتي؟ سيف حاول يقوم من على السرير وقالها... أنا مش عارف إيه اللي حصلي... نبض : انت درجة حرارتك كانت عالية خالص امبارح ونزلت حاجة بسيطة. فلازم يشوفك دكتور. سيف : لا أنا هبقى كويس... نبض : أنا مش بهزر يا سيف انت لازم يشوفك دكتور بجد. سيف : ملكيش دعوة. نبض : طيب خليك هنا وأنا هجبلك تفطر. نزلت جابتله الأكل وطلعت. نبض : كل... سيف : مش عايز أكل. مليش نفس... نبض : انت زعلان علشان أميرة صح؟

حاسس إنك كنت السبب صح؟ سيف : اسكتي يا نبض... نبض قامت وقفت وبعصبية : اسكتي يا نبض. اخرسي يا نبض. ملكيش فيه. ادخلي يا نبض. اطلعي يا نبض. اتجوزيني يا نبض. فيه إيه يا سيف أنا تعبت. تعبت... سيف بتعب : خدي الأكل ده واطلعي بره واقفلي الباب وراكي يالا علشان أنا مش قادر أتكلم... نبض بعصبية : حاضر هغور في داهية تاخدني... وأخدت الصينية وخرجت وقفت الباب ونزلت قعدت تحت.

قررت إنها تصلي اليوم ده وتبدأ تنتظم في الصلاة. اتوضت وصليت. وبعدين نامت في الصالون لأنها كانت منامتش. وبعدين صحيت قلقانة. طلعت جري فوق عند سيف لقيت حالته بتسوء أكتر. جات تفتح باب البيت لقيته مقفول بالمفتاح. طلعت تجري على البلكونة وفضلت تنده على الحرس بس كانوا بره البيت خالص ومش سامعينها. مسكت تليفون سيف وجات تفتحه معرفتش الباسورد. فضلت تفوق فيه بس هو كان في مكان تاني خالص.

مسكت التليفون وفضلت تجرب الباسورد. لحد ما طلع في الأخر نبض. اتصلت بالدكتور حسام. نبض : أيوا يا دكتور عايزك تيجي هنا حالا معلش علشان سيف تعبان جدا. حسام : طيب أنا جاي حالا يا نبض. متقلقيش. جه والحرس دخلوه علشان عارفين. حسام : هو على الحالة دي من امتى؟ نبض : من امبارح. حسام : طيب أنا هديله حقن المفروض إنها هتنزل الحرارة العالية دي وبرضو افضلي معاه بالكمادات. وأول ما يصحى ابقى كلميني علشان لازم أمشي ضروري بجد.

نبض : تمام يا دكتور اتفضل. ونزللت معاه تنزله. حسام : انتي عارفة إني طلبت إيدك من أخوكي؟ نبض بصدمة : إيه؟ أخويا مين؟ انت بتقول إيه؟ حسام : أخوكي سيف. يعني هيكون أخوكي مين! نبض بعد ما بلعت ريقها : آه سيف. حسام : هو أخد رأيك؟ نبض : لا والله، أصلاً إحنا كان عندنا شوية مشاكل في البيت أكيد مسمحتش فرصة. حسام : أتمنى من كل قلبي إنك توافقي بجد. نبض بصت في الأرض ومكانتش عارفة تقوله إيه.

حسام : طيب أنا همشي دلوقتي وأول ما يتحسن كلميني. وخرج حسام من البيت بس كانت المفاجأة إنه أول ما خرج...