رواية نبض قلبي الفصل التاسع 9 - بقلم شروق خالد

مروان وهو يدق الباب على فارس بشدة وغضب ويصرخ: "افتحوا يا حرامية نصابين، انتو فاكرين نفسكم إيه؟ هتضحكوا على ده؟ أنا مروان اللي ما في أحد في الدنيا يقدر يضحك على مروان. يا شوية حثالة زيكم على آخر الزمن، عاملين نفسكم بني آدمين وبتضحكوا علي؟ افتحوا يا جزم انت وهي، والله لأكون فاضحكم في المنطقة هنا." فارس وهو يتحرك من الكرسي: "إيه؟ إيه؟ يا حسن، إيه الصوت ده؟ ومين اللي بيخبط علينا في نص الليل كده؟

أسماء.. وهي تقوم من النوم وتفرك في عينيها وتستخبى في حسن: "إيه يا حسن؟ مين اللي بيصرخ وبيخبط علينا بالطريقة الوحشة دي؟ وإحنا عملنا حاجة؟ حسن وهو يفتح الباب. مروان وهو يرميه بيده بعيد ويدخل بسرعة إلى فارس وينظر إليه وهو على الكرسي: "انت فاكر نفسك هتضحك علي؟ عامل نفسك فيها بني آدم ورجل؟ لما راجل صح وعايز ترجع الفلوس وعامل نفسك راجل وعايز ترجع اختك؟ وترجعش فلوس كلها؟ أخدت مليون جنيه ورجعت له نص مليون؟ فارس:

"إنت عرفت إنت بتقول إيه؟ إنت أكيد مجنون. أنا الفلوس دي كلها اللي لقيتها في الشنطة رجعتها لك. أنا ما فتحتش الشنطة أصلاً. شوف نفسك بتقول إيه. فلوسك هي دي اللي كانت معايا في البيت. وإذا كانت فيه فلوس ناقصة، روح خدها من الست اللي اديتها لها في الأول. هي دي الفلوس الموجودة عندي في البيت. عجبك عجبك، مش عاجبك روح اضرب دماغك في أتخن حيطة." مروان.. ينظر إلى أسماء:

"أنا مش هضرب دماغي في أتخن حيطة يا حبيبي، إنت اللي هتضرب دماغك مش أنا. مش مروان اللي أحد يضربه ولا يستغفله ولا يلوي دراعه. ماشي؟ إنت اللي هتندم." ويدفش فارس بكرسي يقع. حسن: "بابا! يجري عليه. أسماء: "بابا! تجري عليهم. مروان: "أنا ما أخدتش أختك في الأول ودفعت فيها مليون ونص وهربت مني؟ يا تجيب لي المليون جنيه يا إما على كده خالصين." حسن.. يترك فارس ويهجم على مروان:

"إبعد عنها وسيب اختي في حالها. اختي ما عملتلكش حاجة. سيبها في حالها. إنت عايز منها إيه يا بني آدم يا متخلف؟ تصرخ أسماء على أبوها: "حسن الحقني يا بابا، الحقني يا حسن، ما تسبنيش. حرام عليكم، أنا عملت إيه؟ حرام عليك. سيبني." وتعض في يده بشدة. "إبعد عني." ويدخل بسرعة إلى الشقة ويقفلوا الباب عليهم. فارس بصوت عالٍ:

"عارف لو ما مشتش من هنا يا بني آدم إنت، أنا هاتصل بالشرطة وهحكي لها على كل حاجة. وهقول إنك إنت كنت جاي تشتري اختي. وهبلغ عليك إنت والزفت اللي اسمها نهى دي. غور من هنا أحسن لكم." مروان: "أنا حقي مش هاسيبه، وهاخذه يا فارس برضك غصباً عنك. هاخذه. وهارجع تاني. ويا ريت الكلام ده تحطه حلقة في ودنك إنت وعيالك." *** أميرة: "اتفضل يا قلب أميرة من جوه." وتقدم العصير. الباشا: "يا لاهوب، معقول القمر نزل من السما وجه لحد عندي؟

ويضحك بعلو صوته. أميرة: "اشرب يلا، خلينا نفرفش مع بعض." وترفع العصير على بقه.