رواية نبضات قلب الاسد الفصل الثامن عشر 18 - بقلم حليمة عدادي

نيار: أنا آسفة ياماما. الشغل أخذني منكم. جميلة: اتفضلي يابنتي. مش هنتكلم من على الباب. نيار: معايا ضيف ياماما. اتفضل ياصهيب. جميلة: تعالي يابني أهلاً بيك. دخل صهيب وهو مبهور من جمال القصر وإن إزاي نيار يكون ليها قصر زي دا وهي بتشتغل مع المافيا. جميلة: اقعد يابني. نيار: ماما دا صهيب صديقي. هيقعد معاكم هنا لفتره. جميلة بابتسامة جميلة: أي حد من طرفك ينورنا. من النهاردة اعتبر البيت بيتك.

صهيب: تسلمي ياهانم. لكن يانيار أنا هقعد هنا ليه؟ نيار: صهيب إنت هتبقى هنا وهتابع علاجك. المكان هنا أمان ليك. جميلة: يابني اسمع كلام نيار. الظاهر إنك غالي عليها علشان كدا هي خايفة عليك. وهما بيتكلموا دخل راجل ليه هيبة مع إن سنه كبير لكن محافظ على صحته و معاه شاب بنيته قوية. سالم بفرحة: إيه المفاجأة الحلوة دي. نيار عندنا هنا. نيار جريت ناحيته وحضنته بقوة. نيار: وحشتني أوي ياعم سالم.

سالم: وإنتي كمان وحشتيني يامجنونه. ههه كدا تغيبي عننا المدة دي كلها. ياسر: مافيش حضن ليا أنا كمان يانيار المجنونه. نيار: ياقلب نيار. أجمل حضن. حضنته ومخذتش بالها من اللي قاعد متغاظ وهينفجر زي البركان. صهيب مستحملش ووصل لقمة غضبه. وقف مسك نيار من ذراعها بقوة وبعدها عنه. صهيب بغضب: لو حضنتها مرة تانيه أنا هنسفك من على وش الأرض. وإنتي ياهانم والله لو كررتيها لكون كاسر دماغك.

ياسر بعصبية: مين الهمجي دا يانيار. وإزاي يتجرأ ويهددك وأنا موجود. نيار: اهدى يا ياسر. دا صهيب صديقي. هو ميعرفكش. صهيب: دا ياسر أخويا. سالم: خلاص يابني حصل خير. تعالوا اقعدوا. نيار أخبارك إيه. ليه مختفيه طول الفترة دي. نيار: ياعمي الشغل كتير أوي. معنديش وقت. حتى النهاردة مكنتش هاجي. جيت بس علشان صهيب. سالم: خير يابنتي. ماله صهيب.

نيار: صهيب كان بياخد حقن تخلي ذاكرته تتمسح. مبقاش فاكر أي حاجة عن ماضيه أو هو مين. وكأنه اتولد من جديد. سالم: إنت يابني مش فاكر حتى اسمك. طب حتى مافيش معاك صور ليك. صهيب: من يوم ما فتحت عينيا لقيت نفسي مع نيار. من وقتها مش فاكر غير إن اسمي صهيب. نيار: عمي لو ممكن إنه يبقى معاكم هنا. أنا هبعتله دكتور علشان يتابع حالته لحد ما يفتكر. سالم: مافيش مشكلة يابنتي. يعتبر البيت بيته. إن شاءالله هيخف ويفتكر كل حاجة.

نيار: أنا همشي دلوقتي لأن معنديش وقت. ياسر بلاش تتخانق مع صهيب. ياسر بابتسامة: حاضر يا قمر. جميلة: يابنتي خليكي معانا شوية. طب حتى كلي حاجة. نيار: معلش ياماما. هعوضهالك مرة ثانية إن شاءالله. ودعتهم وخرجت وهي حاسة إنها سابت قلبها وراها. صهيب: نيار إستني. قرب منها حضنها حس بدموعها. صهيب: نيار فيكي إيه. إنتي بتعيطي. إنتي عايزاني أجي معاكي.

نيار: لالا. أنا مش بعيط. في حاجة دخلت عيني. خلي بالك على نفسك. ياسر قلبه طيب. متزعلش منه. صهيب: متكذبيش عليا يا نيار. خليني أروح معاكي. نيار: صهيب اتعالج علشان تقدر تخرجني من هناك. إنت مش عايزني أطلع من هناك. صهيب: خلي بالك على نفسك. نيار جريت لعربيتها ودموعها نزلت. مكانتش متخيلة إن بعده عنها هيكون صعب كدا. *** ميرا اتصدمت لما شافت أسد قاعد على الكرسي. شعره منكوش وهدومه متبهدله وماسك في إيده مسدس وإيديه كلها دم.

ميرا بصدمه: أسد إنت كويس. حصل إيه. أسد بغضب: مين سمحلك تدخلي أوضتي. إطلعي برررررا. ميرا: أنا آسفه. أنا جيت أطمن عليك. ليه في دم على ايدك. أسد قرب منها بهدوء مخيف. مسكها من ذراعها بقوة. أسد: أنا قلت إطلعي بره. مش عايز أشوفك هنا. قوليلهم إني نازل. ميرا بخوف: ح حاضر. ونزلت وهي بتجري. زين: مالك يا ميرا. أسد كويس. ميرا: أنا كويسه. هو شوية ونازل. *** دخل الزعيم أوضة قصي. شافه حاطط المسدس على راسه.

الزعيم: اهدى ياقصي. أنا وعدتك إني هنتقملك. قصي: أنا خسرت كل حاجة. خسرت شغلي وشركتي. خسرت رجلي. إزاي هقدر أمشي. الزعيم: أنا هعمل كل جهدي علشان تتعالج وهترجع تمشي على رجليك من ثاني. سيب المسدس. حاول الزعيم اقناعه. في الوقت دا دخلت نيار وخذت منه المسدس. نيار: ليه يا قصي بيه عايز تموت نفسك. إحنا عايزينك توقف على رجليك علشان تنتقم معانا. الزعيم: اسمع كلام نيار. إنت هتخف. خليك واثق فيا.

نيار: يازعيم في أخبار من المعلم. هو طلب منا ننفذ آخر مهمه. الزعيم: لازم نعمل حاجة نخلي أسد ينشغل عنا علشان نقدر ننفذها. *** أسد: زين أنا بقولك في حد حاول يقتلني إمبارح. لكن أنا قدرت اضربه بالنار. زين: ماتقولش إن ميرا شافت حاجة. هي الصبح نزلت متوتره. أسد: هي شافت المسدس والد٠م على إيدي. أنا عرفت إن هو من طرف الزعيم. أسد: هههه قصي بقى مشلول خلاص خلصنا منه. زين: يستاهل. أنا هروح شوف ليلى لو محتاجه حاجة.

أسد بمكر: أي حكايتك مع ليلى. قول. أنا مش مطمنلك. زين: ههه أنا أخوك. أنا بحب ليلى ومستني بس نخلص من المشاكل وهتجوزها. أسد: وهي موافقه ولا هههه جواز غصب. زين: عيب عليك يامعلم. إنت تعرف عني كدا. أسد: ربنا يسعدك. *** قصي فتح عينيه بتعب. قام مفزوع وبيصرخ أول ما شافها قدامه. هدومها كلها دم وشعرها نازل على وشها. قصي: لالا. لا. مين إنتي. عايزه مني إيه. أناااااا. أنا غزال. غزال.