رواية ندم العشاق الفصل العاشر 10 - بقلم شروق السيد

نور بصدمة: يعني إيه إنت كذاب، أيوة كذاب، مش عارف تداري أنانيتك، إنت وأخوك، إزاي صح؟ أيوة صح، أنا مش بنت المجرم ده، أنا متأكدة، أكيد مش بنتة، لا مش بنتة. حازم بهدوء: دي الحقيقة، داغر الجبالي يبقى أبوكي. نور: عندك كدبة تانية يا سيدة المقدم، لسة مقولتهاش؟ ماجد بحزن:

دي الحقيقة اللي كنت بحاول أبعدك عنها، فاكرة لما حكيت لك عنه وإن هو أكبر تجار مخدرات، وكنت بجمع معلومات كتيرة عنه، وعرفت إنه أبوكي، واشتغلت معاه، وقدرت أجمع معلومات كتيرة عن بنتة، ولما شوفت صورك وإنتي صغيرة، بصراحة مكنتش متأكد، علشان كدا عملت DNA وطلع متطابق، كنت خايف أقولك، وبعدها إنتي قولتي لي إنك هتتجوزي حازم وتسبيني، حاولت أمنعك كتير من الخطوة بس إنتي رفضتي وأصريتي، أيوة كنت عارف إن الجواز مش حقيقة، بس كنت مضطر

أمثل إني اتجرحت منك وأدخلك بدور السيئ والأناني، وفضلت أشتغل معاه وعرفته إن إنتي بنتة، علشان كدا محاولش يأذيكي طول السنين دي، ودا أثار شكوكك وخلاكي تشكي إن في حاجة غلط، وقتها اضطريت أظهر لك بالسيئ اللي إنتي شوفتة، وقتها شوفتيني راجل من رجالة داغر، بس كان لازم أتقرب منه علشانك وعلشان أخويا، كلنا كنا ضحايا في اللعبة دي، واللي كان ماسكها هو داغر الجبالي.

نغم: أكتر شخص كسب من اللعبة دي هو حازم. حازم: لا يا نغم، أنا والله العظيم مكنش قدامي حل غير كدا. نغم بصراخ:

مكنش فيه حل إيه، إنت بتحلل لنفسك ليه يعني، لمَ لم تطلقني يوم الصباحية، هو ده الحل، مغكرتش فيا، مفكرتش في شكلي قدام الناس وسمعتي، وهيقولوا عليا إيه، آه سابها يوم الصبحية، يعني طلعت طاهرة إيه، كنت فاكر الأمور بالسهولة دي، إنت دمرتني وكسرت فرحتي، وجاي بسهولة عايزني أسامحك، تبقى بتحلم يا حازم، يلا اطلع برة، اطلع برة، مش عايزة أشوف وشك بكرة، يحازم بكرهك، اطلع برة. حازم بحزن:

اهدي، اهدي، همشي والله همشي، بس هرجع تاني ومش هسيبك، وغير كدا وإنتي مراتي وحبيبتي وأم بنتي. ماجد: نور ردي عليا، متفضليش ساكتة كدا. نور: خلاص بقى، مبقيناش من عيلة واحدة، إنت ابن الديدموني وأنا بنت تاجر مخدرات. ماجد بنفي: لا يا نور، متقوليش كدا، إنتي هتفضلي بنت عمي وحبيبتي مهما حصل. نور بسخرية: مخلاص التمثيلية خلصت، اطلع بقى من الدور ده، تصدق حاسة إن حبك كان ضمن اللعبة، ياااا طلعت مغفلة أوووي. ماجد:

لا يا نور، صدقيني، حبي ليكي أكتر حقيقة، أنا والله بحبك نور، تقبلي تتجوزيني، تقبلي تكوني شريكة حياتي وأم عيالي ونصي التاني، تقبلي تكوني كل دنيتي، تقبليني في حياتك، تقبلي تغيريني، إنتي فعلاً غيرتيني، غيرتي ماجد الأناني اللي مكنش بيهمة غير نفسه وبس، أنا والله بحبك. نور بدموع: هتتجوز بنت عمك ولا بنت تاجر المخدرات؟ ماجد بحب:

هتجوز نور اللي حبيتها واللي غيرتني، هتجوز نور علشان هي نور، ميهمنيش إذا كانت بنت عمي أو لا، كل اللي يهمني هي نور نفسها. نور بحب: موافقة. ماجد بفرح: قولي والله كدا. نور: ب ح ب ك. ماجد بفرحة: حملها وظل يدور بها. نور بضحك: نزلني يا مجنون، احنا في مستشفى. نغم بسخرية: والله لسة فاكرة إنك في مستشفى ياهانم، ده إنتوا ناقصكم شجرة واتنين لمون وتبقوا كملتوا. نور: ركضت لاحتضان نغم، أنا مبسوطة وأخيراً أبو الهول نطق. ماجد:

مقبولة منك يا ستي نغم، حازم بيحبك صدقيني، حطي نفسك مكانه. نغم بهدوء: أنا لو حطيت نفسي مكانه زي ما بتقول، كنت هروح أقوله أول واحد ونفكر نخرج من المشكلة إزاي، حتى لو كنتوا عملتوا نفس الخطة بس مع علمي يا ماجد، حازم صحيح حماني من داغر ده، بس هزمني وقتل الحب اللي بينا، وبعدين أنا عايزة أخرج، يلا. مصطفى: أنا هروح أخلص أوراق الخروج، تعال معايا يا إسلام، يلا. ماجد:

نغم، حازم محتاجك بجد، أنا كنت بشوفه كل يوم بيموت حرفياً، كنت بشوف دموعه على فراقك، حازم بيحبك، يمكن هو فكر في حمايتك بالطريقة الغلط، بس بالآخر كان بيفكر في حمايتك، أي كانت الطريقة، برضو كان هدفه حمايتك. نغم: لو سمحت، أنا مش عايزة أتكلم في الموضوع ده، وأنا وحازم خلاص، حكايتنا انتهت، لازم نمشي، لو سمحت اتفضلي. ماجد: ماشي يا نغم، بس كنت أتمنى إنك تديله فرصة تانية، سلام. نغم: يلا نمشي. نور: ماشي، هساعدك. بعد مرور عامين.

حازم اتغير كتير، وكل ما يحاول يصالح نغم تصده. ماجد ونور اتجوزوا وجابوا توأم، آدم ونور. إسلام اتجوز زميلته في الشغل. عند نغم. نغم مع نفسها: إيه هتحنيله تاني، هيوجعك، قاطعه. قمر: نغومتي، إنتي فين؟ نغم: أنا هنا يا قمري، تعالي. قمر: ماما بصي، بابا جابلي إيه. نغم بلمعة عيون: إنتي شوفتيه فين؟ قمر: تحت بابا حازم، بشوفه كل يوم تحت، وكمان هو اللي بيجيلي المدرسة على طول، وبيجيبني هنا، مبجيش بالباص. قمر:

مامي، إنتي ليه مبتسامحيش بابا، هو بيحبك، أنا كبرت وفاهمة كل حاجة، متحاوليش تخبي عليا، أنا بقى عندي 9 سنين يعني مش صغيرة. نغم بضحك: يااا 9 سنين مرة واحدة، ده إنتي أكبر من علي كدا. قمر بتذمر: ماما متغيريش الموضوع، هتسامحي بابا يعني، هتسامحي بابا؟ نغم: حبيبتي إنتي مش... قاطعها خبط على الباب. نغم فتحت. نغم: نور، عاش من شافك. نور: نغم، تعالي معايا بسرعة، حازم عمل حادث بالعربية، يلا لازم نروحه. نغم بصدمة:

حازم، يلا يلا بسرعة. وركبت سيارتها. نغم بخوف: هيبقى كويس إن شاء الله. وقفت السيارة. نغم باستغراب: إيه ده، احنا فين، فين المستشفى، نور، نور. نور اختفت. فجأة نزل بالون من فوق مكتوب عليه: بحببببببك والله العظيم بحبك وكنت غبي لما فكرت بالطريقة دي. ووجدت أسهم ظلت تمشي معاهم حتى وجدته أمامها. حازم: المرة دي مش هسيبك غير وإنتي مراتي. نغم: عن إذنك. حازم:

والله بحبك، كفاية عقاب بقى، وحشتيني، بقالي سنتين بحاول أصالحك فيهم، خلاص بقى. نغم: تعبت في السنتين، وأنا بقالي 10 سنين. حازم ركع على ركبتيه: آسف، وحياتك عندي آسف، وهعوضك على كل حاجة، بس اقبلي تبقي حبيبتي ومراتي، أوعدك مش هتندمي المرة دي أبداً، خلصي بقى رجلي وجعتني. نغم بحب: أنا لسة بحبك، ومستعدة أديك فرصة، بس مش هقدر أسامحك أو أنسي اللي حصل بسهولة. حازم بفرح:

مش مهم، المهم إنك هتبقي معايا، وأنا هنسيكي كل اللي حصل، وعدي يا ملكتي، بحبك ❤

حازم كان يستحق الفرصة لأنه مقصدش إنه يدمرها، هو كان بيفكر إزاي يحميها بس فكر بطريقة غلط لأنه حكم عاطفته، العاطفة اتحكمت فيه ومقدرش يفكر بعقله، كل اللي فكر فيه إنها متقتلش وبس، مهما كان الثمن، هو فعلاً قدر يحميها من القتل بس قتل ثقتها فيه، وده نتيجة التسرع والتفكير الغلط وفهم معنى غلطة، وحاول يصلحها، وإنتوا كمان متتسرعوش في التفكير واتخاذ القرارات.