باباها يبوسها على رأسها: عيون بابي.. مش عارفه وحشتيني قد إيه ي روحي. أنا كنت من غير روح من لما بعدتي عني.
نغم بتبص على الشعر الأبيض اللي ظهر عليه، مع إنه مش كبير لدرجة دي، بس دا أكيد بسبب بعدها عنه وخوفه عليها. هي عارفه إنه أكتر حد بيحبها.
نغم دموعها بتزيد وبتشد من حضنها لباباها.
باباها يبوسها على رأسها: أنا مش مصدق إنك قدامي ي نغم.
مامتها بمرح: مش كفاية هنبدأ تمييز بدر؟
نغم بتضحك: إيه ي ماما، مش هتبطلي غيرة بقا.. بتدور على عدي بعينيها، بتشوفه وتبعد عن باباها وتقرب من عدي وتقف قدامه.
نغم وهي بتحايل عليه: أنا عارفه إني مش مهمة بالنسبالك، بس مفروض يعني على الأقل تجامل.
عدي بيبتسم ويحضنها وبيقول بمرح: ما هو أنا كنت بتأكد إنك نغومة حبيبتي، لأني مش مصدق.. دا انتي كبرتي وبقيتي حلوة قوي.
نغم بثقة: أنا من يومي حلوة.. بتدفن نفسها في حضنه وتغمض عينيها.. تعرف وحشتني أوي ي عدي.
عدي بيمسكها ويمسح على شعرها: تعرفي أنا كنت بموت كل يوم بدونك ي نغم.. أنا بجد مش مصدق إنك قدامي، مش عارفه أنا مبسوط إزاي.
نغم: أهو أنا قدامك.. بتبص على عيونه الخضرا، شافت حزن فيهم فحبت تغير الموضوع.. على فكرة كدا أنت رخيم، كنت مستنية تعيط علشاني.
عدي بيمسك وشها بإيديه: لا، نحن كبرنا على الحاجات دي بقا.
نغم بتبتسم، بعدها بتبص على باقي العيلة، وبيكون في بنت واقفة مع ولد وبنتين توأم وست جنبهم، وبعدها بتشوف مرات عمها بس مش بتشوف قصي.
البنت الواقفة جنب الولد بابتسامة: نغم.
نغم بتبص على البنت بصدمة: غرام!!
غرام بتضحك: مالك ي بنت؟
نغم: عمو كان بيقولي إنك متجوزة، طب إزاي أنتِ هنا؟
غرام بتبص على الولد اللي كانت واقفة معاه: أنا اتجوزت رحيم، دا ابن عمتي، وعنده أخته رهف، والواقفة دي عمتي فريدة، ودول بنات عمي المتوفي نسمة وبسمة. صراحة معنديش معاهم مشكلة، إنما المشكلة في.. بتبص على مرات عمها.. هي أم قصي واسمها نهاد، وابنها طبعاً معاه.
نغم: ألف مبروك.
رحيم: الله يبارك فيك ي نغم، والحمد لله على السلامة.
نسمة و بسمة: نورتي الفيلا كلها.
نغم بتبتسم بهدوء: الله يسلمك ي رحيم.. بتبص على بسمة ونسمة.. بنوركم.. بتبص على جدها وتقرب منه.. إيه جدو مش هتقول حاجة؟
سير: روحي نامي، أكيد تعبانة.
نغم بغيظ وصوت مسموع لسير: أنا مش قدك ي جدو عشان أتعب، متوقعين إيه مني يعني، ما أنا مش هسكتله وهو بيعاملني كدا، بجد بيعصبني.
غرام بتجري على جاسر الواقف جنب عشق وتحضنه.
غرام بزعل: أنا زعلانة منك أوي.
جاسر بضمها لحضنه: طب ما تيجي تروحي معايا، وهعرف أصلحك إزاي.
غرام بتبص عليه بعيونها الخضرا: نحن هنتحايل على بعض ي بابا؟
جاسر بضحك: مش بتحايل عليكي ولا حاجة، أنا بجد عايز بنتي حبيبتي ترجع معايا، هو أنا عندي مين غيرك.
غرام: ما هو ابنك حبيبك هيرجعلك.
جاسر: يا ريت لو ميرجعش.
غرام: لا، متقوليش كدا، هو وحشني أوي.
جاسر: ماشي ي غرام، سكت أهو.. نغم.
نغم بتبص عليه، بعدها على عشق، بتبص على أسير: جدو ممكن طلب؟
أسير: إنتي إمتى رجعتي عشان تبدأي طلبات؟
نغم بضيق: وربنا هروح أتعامل معايا أحسن من كدا.
الكل بصدمة، إزاي بتعامل أسير الكيلاني كدا! دا الناس بتخاف منه لدرجة مش بيقدروا يتنفسوا براحة وهو جنبه.
أسير: عايزة إيه ي نغم؟
نغم: كدا أحسن.. عايزة عشق تعيش معانا.. بتبص على عشق.. هي أنقذتني ي جدو.
الكل بيتفاجأ من طلبها، وعدي بيركز مع عشق وبيتذكرها.
أسير: ماشي ي نغم، اعملي اللي عايزاه، واعتبريها هدية عيد ميلادك.
نغم بتبتسم: جدع ي جدو.
لسه محدش مستوعب نغم بتكلم أسير كدا إزاي.
أسير بضيق: نغم، أنا جدك مش أخوك، اتكلمي باحترام.
نغم: نحن هنكذب على بعض ي جدو؟ أنت عارف إني مش بحبك ولا أنت بتحبني.
أسير بيبتسم: كويس إنك عارفة.
الكل انصدموا لما شافوا ابتسامته، حتى جاسر، لأنه أسير معروف عنه إنه صعب التعامل وصارم أوي.
نغم بتبص على عشق وبتجري وتحضنها: هتفضلي جنبي.
عشق بتبتسم لأنها عارفة نغم مجنونة إزاي: ماشي ي نغم.
غرام بتبص على عشق.
جاسر: طب أنا هروح.
أسير: تروح فين؟ أنا عايزك في مكتبي.
جاسر بيبص على أسير، بعدها على ساعة إيده: خالي مرة تانية، أنا عايز أبقى باقي الوقت مع بنتي، هي وحشتني، ممكن نتكلم بكرة في حفلة عيد ميلاد نغم.
نغم: حفلة إيه؟ هو إحنا هنعمل حفلة؟
جاسر بيبتسم وبيسأل أسير: أكيد طبعاً، إنتي الحفيدة الأصغر لعيلة الكيلاني، أعظم عيلة في البلد، أكيد خالي مش هيستكتر عليكي حفلة عيد ميلاد، صح ي خالي؟
أسير بيبص على جاسر وبيقول ببرود: آه، هنعمل حفلة، وبكرة ترجع ونتكلم.
جاسر: ماشي ي خالي.. بيمسك إيد غرام.. تعالي نتكلم في الحديقة.
فريدة: وما تتكلم معاها هنا ولا رايحة تشكيلك زي العادة؟
جاسر بيبص على فريدة بعصبية وخلتها تسكت.
غرام بتحاول تهديه: بابا حبيبي، عمتو بتهزر معاك، بلاش تقلبها جد.
جاسر بصوت عالي خلى الكل يترعب، ما عدا أسير اللي بيبص بهدوء.
جاسر بصوت عالي: بنتي لو نزلت دمعة من عيونها بسببك ي فريدة هانم، مش هرحم حد منك، سامعين.. بيكمل بتحذير.. بنت جاسر المالكي عمرها ما اتهانت ولا هتتهان، لأني أبوها لسه حي.. بيبص على رحيم.. يا ريت تفهم أمك الكلام دا ي رحيم، أنا ساكت عشان احترامي لخالي وحفظاً على مشاعرك، بس أنا ممكن في ثانية بنتي تكون جنبي وأنت مطلقها، ودي هتكون راحة بالنسبة ليها وخسارة ليك، لأنك هتخسر حاجة غالية أوي مش بتتعوض.
غرام بتمسك إيده وتقول برجاء: بابا حبيبي، معلش اهدى شوية علشاني، أرجوك.
جاسر بتنفس بضيق وبيقول بحب: ماشي ي قلب بابا، يلا.. بيبص على عشق ونغم.. خدوا بالكم من بعض.
ماشين.
نغم: حاضر ي عمو.. بتطلع وبتقول بهمس جنب عشق.. إيه العلاقة المتوترة دي؟
عشق بهمس: معرفش، شكلنا هنتعب جامد مع عيلتك دي، المهم سيبنا ننام.
نغم: ماشي.. جدو أنا عايزة غرفة.
#بقلمي_يارا_احمد.
أسير: غرفتك لسه في مكانها ي نغم، مفيش حاجة اتغيرت، ولو حبيتي تغيري أي حاجة، يبقى عرفيني، وأنا هكلم لك حد من الشغالين.
نغم: ي سلام ي جدو، دا كدا نحن هنحب بعض جامد المرة دي.
أسير بيبص عليها ومش بيرد، بيروح وهو بيضحك على كلامها بعد ما يبعد عنهم.
مامتها: أنا هقول لحد يجهز لعشق غرفة.
نغم باعتراض: لاااا طبعاً، عشق هتنام معايا، أنا مش بعرف أنام من غيرها.
عدي بيبص على عشق وبقرب منها: شكلها تعبتك جامد.
عشق بتبص عليه بصدمة: أنت؟؟! هي مش كانت مركزة أوي مع عدي لما نغم سلمت عليه؟
نغم باستغراب: بتعرفيه ي عشق؟
عشق بضيق: دا كله بسببك أنتِ ورباط الجزمة.
نغم: أنا؟
عدي بضحك: أنا عدي.. بيمد إيده.
عشق بتبص على إيده بضيق، بس بتمد إيدها عشان نغم ما تحس إنه عدي مضايق عشق، وتتخانق معاه: أنا عشق.
عدي بيبتسم: اسمك حلو على فكرة.
نغم بتبعد إيد عشق عن إيد عدي: هي عارفة، بطل كلام معاها، عشق مش بتحب تكلم الأولاد.
عدي: ماشي ماشي، هدي علينا ي نغم، دا أنتِ لسه داخلة من دقائق، هتبدأي نكد..
عشق بتضحك.
نغم بضيق: أنا ي عدي، ماشي.. بتكمل بطفولية.. بابا شوف ابنك بيقولي نكدية.
أدهم: أقتله وأريح منه، محدش يقرب على أميرتي حبيبتي وأنا موجود.. سيري، امسكي ابنك أحسن ما يوحد.
سيرين بتضحك: إيه قلبوتها على ابني المسكين؟ روح نام ي عدي، أنت أصلاً تعبان من الشغل.
عدي: عايز أقعد مع نغم شوية.. صح، الساعة 12. جات، كل سنة وأنتِ طيبة.
نغم بضيق طفولي: لااا، لا مش عايزة أول حد يعايدني، أنت عايزة عشق.
عشق بتضحك: خلاص، هو قالها وانتهى ي نغم.. بتكمل بحب.. كل سنة وأنتِ طيبة ي قلبي.
نغم: إيه المعايدات البايخة دي؟ شوفوا المعايدة الحلوة هنا.. بتبص على أدهم.
أدهم بحضنها بحب: كل سنة وأنتِ طيبة ي أميرتي الحلوة.. ببوسها على رأسها.
نغم بثقة: شفتوا بابي أحسن منكم بكتير.
عشق وعدي بيضحكوا على جنون نغم.
عشق: هو أنتِ بجد عملتي 18 سنة ي نغم؟
عدي: متأكدة مفيش غلط وإنك عملتي 10؟ ويبدو يضحكوا تاني.
نغم: إيه دا.. دا أنتم بتتفقوا عليا.
عشق: لا طبعاً، نحن بنهزر بس..
سيرين بتحضن نغم وتعيدها، الكل بيعيدوها، ونغم وعشق بيروحوا غرفة نغم.
في الحديقة.
غرام: بابا حبيبي، بطل قلبه وشك دي بقا.
جاسر بضيق: أبطل قلبه وشي إزاي، والخلوقة دي بتعاملك كدا؟ غرام، بجد أنا ساكت ومتحمل كتير، بس وربنا مش هقدر أسكت أكتر من كدا.. أنا مش عارف دماغي كانت فين لما وافقت على موضوع الجواز دا.
غرام: ما هو أنا كنت مش باكل لمدة أسبوع، فصعبت عليك ووافقت.
جاسر: كان أقسى عليك وقتها.
غرام: في ذمتك ي بابي ي حبيبي، أنت بتقدر تعمل كدا مع غرام حبيبتك؟
جاسر: بس اللي بيحصل دا غلط ي غرام.. إنتي عارفة مكانتك عندي، وإنتي عارفة كل الكلام اللي قلته للمخلوقة دي قبل شوية، مش هزار، أنا مستعد أحرق العالم كله، مش عيلة الكيلاني بس، لو دمعة منك نزلت ي غرام.
غرام بتحضنه وتقول بحب: أنا بحبك أوي أوي ي بابا، يا ريت سمعت كلامك وفضلت جنبك على طول، أنت مكفيني عن الكل.
جاسر بيمسح على شعرها بحنان: سيب أخوك يجي ونناقش الموضوع دا.
غرام: هو هيوصل إمتى؟
جاسر: معرفش، بس في اليومين دول.. ربنا يسترها.
غرام: يا رب، ما يتجنن ويفضل عاقل.
الصبح عشق بتفوق على حركة في وشها.
عشق بنوم: امم، مالك ي نغم؟ فيه إيه؟
نغم: مش كفاية كسل بقا، هتتأخري عن الشغل.
عشق: نغم، الليلة جمعة ي بنتي، فانخمدي.
نغم: بس ي عشق، أنا مش عايزة أنام، وكمان الملل قاتلني بدون ما نتخانق.
عشق بنوم: مش هنتخانق، اليوم عيد ميلادك، اليوم إجازة، ماشيين.
نغم: ماشي، بس ممكن تفوقي بقا؟ بجد هجن لو بقيت كدا.
عشق: روحي شوفي أهلك ي بنتي، أنا مش حبسة.
نغم: يوه، ماشي، هروح.. بتروح تحمم وتروح وتلبس وتطلع.
عشق بتفتح عيونها وتبتسم وتقفلهم: إنتي قمر بالفستان دا.
نغم بتضحك: بجد؟
عشق: آه، طالعة شبه الأميرة.
نغم: أنا لو كنت أميرة، هكون مين برايك؟
عشق بتفكير: سنو وايت.
نغم: بسس، مش عايزة أمير يبوسني.
عشق: أنا مش فاهمة عقلك بروح لبعيد دايماً ليه.. سنو وايت بدون أمير؟
نغم: كدا حلوة.. بس هقلك سر، أنا لو كنت عايزة أتجوز حد، هتجوز ابن عمو جاسر دا، عسلللل حرفياً، كل حاجة فيه جنان.
عشق: بجد؟ ليه؟
نغم: دا مثالي أوي.. بس هو وعدي مش بطيقوا بعض، عشان كدا مش هقدر أتزوجه، فاعتبره زي أخويا لحد ما يتصالحوا وأتجوزه.
عشق بتضحك: هااه، خطة حلوة.
غرام بدق الباب: نغم، أنا غرام، ممكن أدخل؟
نغم: آه، اتفضلي..
غرام بتدخل.
غرام بحب: صباح الخير.
نغم وعشق: صباح النور.
غرام: هااه، نمتوا كويس؟ عشق، ارتحتي بالنومة؟