رواية نغم وجاسر الفصل الأول 1 - بقلم يارا أحمد

الطفلة بتعيط. الطفلة بعياط: أنا عايزة مامي وبابي. الراجل اللي ماسكها في رجله ومش راضية تسيبه: نغم، أنا فاهم إن صعب تفهميني، بس إنتي ذكية أوي. بينزل عشان يبقى بنفس طولها، بس هي لسه قزمة قدامه. الراجل: أنا بوعدك هترجعي لمامي وبابي قريب أوي، بس إنتي لازم تتخبي منه. نغم بتمسح دموعها وبتقول ببراءة: مين هما يا عمو جاسر؟ هو إحنا هنلعب غميضة مع حد؟ جاسر بيبتسم بحزن: آه يا نغم، هنلعب، بس الغميضة دي هتطول شوية.

نغم بغضب طفولي: بس أنا مبحبش الألعاب الطويلة. جاسر: إنتي مش عايزة أخت زي سندريلا كده؟ نغم: بس سندريلا معندهاش أخوات يا عمو. لو على قصدك بنات مرات أبوها، لأ مش عايزة. دول أشرار أوي. جاسر بيضحك: ما أنا عارف، بس قصدي هي شبه سندريلا أوي. نغم بتفكير: هممم، طب بشرط تكون أكبر مني، لأني عايزة أدلع. جاسر: آه، هي أكبر منك، ودلعي براحتك. بس أوعديني بحاجة، ولو خلفتي الوعد أنا هموت يا نغم.

نغم بتتملي عينيها دموع: إنت هتموت وتسيبني لوحدي ليه؟ أنا زعلانة منك يا عمو. جاسر: أنا مش هموت إلا لما تعملي عكس الكلام اللي هقوله لك. نغم: هتقول إيه؟ أنا مش عايزة أموت يا عمو، أنا بحبك أوي. جاسر: ماشي يا نغم، مش هموت. بس إنتي هتقولي لأختك إنك مش بتشوفي، يعني... نغم: اسمها عمية، صح؟ جاسر: بالظبط يا نغم، عمية. نغم: وليه هقول كده يا عمو؟ كده أنا هكدب، والكدب مش حلو خالص.

جاسر: أحياناً بنضطر نكدب يا نغم. ولا إنتي عايزاني أموت؟ نغم بخوف: لا، أكيد مش عايزة. طب هقولها إني عمية، وبعدين؟ جاسر: هتعيشي معاها لحد ما تكبري، ويبقى عندك 18 سنة يا نغم. نغم: بس يا عمو، أنا لسه عندي 7 سنين. وكده هفضل مع أختي سندريلا دي. بتعد في أصابعها، بتقول بصدمة: 11 سنة. جاسر: صح يا حبيبتي، برافو عليكي. نغم بضيق: بس يا عمو، إزاي هبقى معاها 11 سنة وأعمل نفسي عمية؟ جاسر: عايزني أموت يعني؟

نغم بخوف: طب، طب ماشي. بس بابي ومامي هيزعلوا مني. جاسر: متخافيش يا حبيبتي، أنا هقولهم كل حاجة. نغم بفرحة: هما بيحبوني أوي وهيفهموا. قولهم إني بحبهم. جاسر بحزن: آه أوي. يلا يا نغم، هتعملي زي ما اتفقنا، ماشي؟ يقوم ويشير بيده: اجري ولفي يمين لما توصلي آخر الشارع وهتلاقي أختك سندريلا هناك. عيطي وقولي إن فيه كلب بيلاحقك، وإنك عمية وأهلك ميتين. ماشي؟

واطلبي منها تبقي معاكِ، لأنه معندكيش حد. افتكري القصة اللي حكيتها لك واحنا جايين عن البنت اللي أبوها وأمها اتوفوا في حادثة وأهل أبوها رموها في الشارع. اتقمصي دور البنت دي بكل تفاصيل القصة، مفهوم؟ نغم، وبعدين هتبقى عندك وتهتم فيك. واتذكري، أنا هموت لو مش قولتي كده. نغم: بس أنا هعرفها إزاي؟ وهي بجد هتهتم فيني؟ طب افرض مش حبتني مثلاً؟ جاسر: هي وحدها في الشارع. وهي هتحبك، أصل عيونك دول بيوقعوا أي حد.

يبص على عيونها الخضرا. جاسر: نغم، أنا هرجع لما يبقى عمرك 18 سنة وأشرح لك كل حاجة. أنا متأكد إنك بنت قوية. وأنا عايزك تهتمي بنفسك كويس، ماشي؟ إحنا هندخل لعبة ولازم تفوزي كالعادة. نغم بتفكير: حاضر يا عمو. بس كله عشان خاطرك، وأنا مش عايزة أموت. على فكرة يا عمو، أنا بحبك أوي وانت طيب أوي. هروح لأختي سندريلا. بتجري وتلوح له. يلوح لها ويكمل جري.

جاسر يتنهد ويقول بحزن: كله عشانك يا نغم، صدقيني. هي هتعرف تاخد بالها منك أكتر مني. لازم أبعدك عنهم عشان أحميك. هي هتنقذك منهم. نغم لنفسها: يلا يا نغم، عيطي. بتعيط بتمثيل وهي بتجري. بتلف يمينها وبتوقع بسبب حجر في الشارع وبتضرب راسها وبتعيط جامد. "إيه ده؟ مين البنت دي؟ أول مرة أشوفها في شارعنا؟ تقرب منها. البنت: إنتي كويسة؟ هاتي أشوف. تنزل لمستواها وتمسك مكان الضربة وتبدأ تدلكه بإيديها عشان يخف الوجع.

البنت: إنتي كنتي بتجري ليه؟ افرضي اتأذيتي مثلاً. وبعدين إيه جابك هنا؟ إنتي شكلك بنت بابي ومامي. إيه اللي جابك الشارع كله مجرمين دا! نغم: افتكري إنك عمية عشان عمو ميموتش. وأكيد أختي سندريلا هي دي. وهي متفقة مع عمو إنهم يلعبوا معايا لعبة الخوف، بس لسه مش بعرفوا. نغم الكيلاني، دا أنا ممثلة أشطر من هنا الزاهد. أوف، مش علينا. بتفوق على صوت أختي سندريلا وهي بتكلمني بضيق، شكلها فاكرة إني تجاهلتها. البنت بضيق: مش هتردي يعني؟

نغم: ا... أصل... أنا اسمي ن... نغم، وأنا... بتحكيلها القصة اللي حكاها لها جاسر في العربية، وبنزول دموع من عينيها. نغم: ه... هما رموني هنا، وأنا معنديش مكان أروح عليه. وكان فيه كلب ورايا، فكنت بجري منه. بتعيط جامد. البنت بأسف: الدنيا دايماً ظالمة الناس الطيبين. بطلي عياط، هاخدك تعيشي معايا، عشان محدش يقرب عليكِ وانتي مع عشق. نغم بطفولية: مين عشق؟ عشق بتضحك

على تصرفات نغم الطفولية: أنا عشق. وإنتي قولتيلي اسمك إيه يا حلوة؟ نغم بضيق: هو إنتي لحقتي تنسي؟ أنا الأميرة العسل السكر نغم. عشق بابتسامة: كده مش هنسى. أصلك يا أميرة، قلتيها بتردد أول مرة. بتضرب بإصبعها على جبهة نغم. نغم بألم: اااه. على فكرة أنا كبيرة أوي ومش هتحايل عليا. عشق بتضحك: لا، دا إحنا شكلنا هنقضيها تعارف في الشارع. تقوم وتروح: يلا، لحقيني. نغم: نغممممم! إنتي عمية! افتكري عمو جاسر. نغم بتحاول تقوم

بس بتوقع نفسها وبتعيط: ب... بس أنا مش بقدر أشوف خالص. همشي وراكِ إزاي؟ عشق وقفت بصدمة والتفتت لنغم: إيه! نغم: دي شكلها هتسيبك هنا. شكلنا اتدبسنا. أنا عايزة أختي سندريلا الحقيقية. أكيد دي مش هي. دا عمو جاسر قال إنها طيبة أوي. نغم بعياط: ا... أنا مش بشوف خالص. عشق بضيق من دموع نغم: أنا لو شفتك بتعيطي تاني، أقسم بالله هرميك لكلاب. نغم بتكش بخوف. عشق: كده أحسن. بتقرب من نغم وتمسك إيدها وتساعدها تقوم. بتشد إيدها.

عشق: يلا نروح البيت. نغم بتمسك إيدها جامد: سندريلا مش هتخديني لكلاب، صح؟ عشق تتنهد: ربنا يصبرني على المصيبة اللي وقعت فيها دي. لا يا نغم، مش هاخدك لكلاب. واسمي عشق، مش سندريلا. نغم: لا، سندريلا. عشق: كويس إني تعبانة ومش قادرة أجادلك. تعالي، اهو وصلنا. البيت قديم أوي دا، شبه مسكون. هي ليه عايشة هنا؟ اومال المطعم فين؟ عشق بضيق: نغم، وربنا هسيبك. بطلي تفصلي كل دقيقتين. نغم: ا... آسفة.

بندخل وهو شكله من جوه مش أحسن من برا، يعني بس واضح إنه شوية وهتقع. يارب سيبني أبقى 18 سنة بسرعة وأرجع على الفيلا، حتى لو مش بحب جدو ومرات عمي، بس هما أحسن من إنه يقع عليا السقف. هاخد سندريلا معايا. عشق: نغم، يابنتي، إنتي بتفكري في إيه؟ نغم: لا، مفيش. أنا عايزة أنام. ممكن؟ عشق: لأ. نغم: هو إيه لأ؟ مش هنام يعني؟ عشق: آه، مش هتنامي يا أميرة. نتعشى أول، وبعدها النوم. ماشيين؟ نغم: هو إنتي قصدك إيه بالعشا؟

مش هتاكليني لكلاب، صح؟ عشق: هو أنا ممكن أرجع الخمس دقايق اللي ورا وأقول لنفسي بلاش تكلمي البنت دي! لا يا نغم، مش هاكلك لكلاب، وأصلاً معنديش كلب، ارتاحي بقى. نغم: هو أنا مش أختك؟ اومال بتعامليني كده ليه؟ عشق: نغم، إنتي أكيد اتجننتي. عمو جاسر قال مش هقول إنها أختها، أصلها مفاجأة. عشق بصدمة: لا، إنتي أكيد مجنونة. وامتى لحقتي تكوني أختي! نغم: ا... أنا آسفة.

عشق: أنا هصبر عليكي، بس وربنا لو فتحتي بقك تاني، هرميك لكلاب الشارع. نغم بخوف: ح... حاضر. عشق بتوديها على غرفة فيها نور، هي تقريباً أول مكان تشوفه نغم فيه نور من لما دخلت البيت. تقعد نغم في السرير: أنا هروح أجهز العشا. تبقي هنا من غير حركة، فاهمة؟ نغم: فاهمة. عشق: أحسن تكوني كده فعلاً. بتروح. نغم بتبص على المكان وبتكلم نفسها: مش بطالة يعني. بتقوم وتقرب من المكتبة: الله، حلو.

بترفع نفسها وتنط لفوق عشان تمسك كتاب عجبها غلافه. بتشده بعد عناء طويل، بس بيوقع فيها الكتب. بتعيط. عشق بتيجي جاريه وهي ماسكة صينية الأكل. بتنصدم من المنظر. بتحط الصينية وبتجري على نغم. عشق بتبعد عن نغم الكتب بسرعة وهي خايفة عليها: نغم، إنتي كويسة؟ نغم بتحضن عشق وصوت عياطها بيزيد: ر... راسي ورجلي بيوجعوني أوي. رجلي اتكسرت، صح؟ أنا عارفة. عشق بتتفاجأ بحضن نغم لها، بس بتبادل نغم الحضن وبتقول بحنان.

عشق بحنان: اهدئي. دا طبيعي، لإن الكتب اللي وقعتيهم كتيرة، عشان كده رجلك اتخدرت، مش انكسرت ولا حاجة. نغم بدموع: كدابة. أنا شكلي هموت قريب، عشان كده بتكلميني بلطافة. عشق بضيق: نعم ياختي؟ نغم: مش إنتي بتزعقي ليا من أول ما شفتيني؟ عشق: وابقى الشريرة في قصتك عشان دا؟ بتبعد عن نغم. نغم: هو إنتي زعلتي مني! أنا مقصدش. أنا بحبك أوي على فكرة. عشق: تحبيني إيه؟ هو إنتي إمتى عرفتيني أصلاً؟

نغم، بصي، العالم مش في البراءة بتاعتك دي. لازم تتخلي عنها وتواجهي العالم. أكيد كلامي صعب بالنسبالك، بس لازم تكوني قوية و... نغم بحب: إنتي معايا، ودا بيكفيني.