رواية نغم وجاسر الفصل السابع عشر 17 - بقلم يارا أحمد

نغم بتنهد بيأس: أنا مقصدتش. غرام بهمس: متخفيش، رهف هتتفهم. نهاد: يظهر إنك اتعذبتي قوي يا نغم. نغم بتبص عليها: طبعًا يا خالتو. أوه، نهاد: ب... قصي بدخل، بتقوم وتروح جنبه بسرعة. قصي، كنت فين وتليفونك مقفول ليه؟ انت كويس يا حبيبي؟ قصي بتعب: أنا كويس، بس تعبان شوية يا ماما. نهاد: ماشي، ادخل ارتاح. قصي بيكون رايح، بس بيشوف عشق وبتجمد في مكانه. عشق بتشوفه وبتنصدم. عشق بصدمة: ا... انت؟

قصي بقرب منها بعصبية، بيمسك إيدها وبيجرها عليه. قصي بعصبية: انتي بتعملي إيه هنا؟ وازاي دخلتي واتجرأتي تقعدي مع أسيادك على نفس الطاولة؟ نغم بتقوم بعصبية وتضربه قلم. متتكلمش اختي كدا، وسيب إيدها يا حيوان. قصي بيبص على نغم بعصبية، بيبعد عن عشق، وكان هيرد لنغم القلم، بس بيوقفه صوت جدها. سير بعصبية خلت الكل يرتجف: قصي، إيدك لو لمست نغم هقتلك هنا. إيه التصرف ده؟ اعتذر من عشق حالاً. قصي بعدم فهم: لمست نغم؟ نغم؟

ببص على أسير، بعدها ببص لنغم بصدمة. إزاي دي نغم؟ بنت عمو أدهم؟ ببص على جدي، بس مين دي؟ وازاي دخلت هنا؟ أنا مش فاهم حاجة يا جدي. أسير: وبعد ما انت مش فاهم حاجة، مالك بتصرف كدا؟ قصي بجز على أسنانه: جدو، انت مش عارف البنت دي عملت إيه. أسير: طب قلنا، عملت إيه؟ قصي بيتذكر عشق والعملته في المطعم، وبي ببص عليها بعصبية. نغم بضيق: عشق، الحمار ده عملك إيه؟ عشق بهمس وصدمة لسه: ده نفس الواد بتاع المطعم يا نغم. نغم بتعصب أوي:

انت إزاي اتصرفت مع عشق كدا؟ بتلتفت وراها وتلقى كاس ميه وترميه على راسه. الكاس بتكسر في راس قصي ويبدأ ينزف. كلهم بنصدموا. قصي بألم: آآآ... ببص على نغم بعصبية. أسير بعصبية: نغم، انتي اتجننتي؟ نغم بعصبية: هو يستاهل أكتر يا جدو. اعرف إنو اختي خط أحمر، البهينها يستاهل الموت، فاهم يا قصي؟ نهاد بخوف: ح... حبيبي، هات أشوف... بتبص على نغم. انتي أكيد اتجننتي يا بنت أدهم. نغم بتمسك إيد عشق وتبص عليها.

آه اتجننت، كل واحد منكم يغلط مع عشق دي جزاته. بتروح غرفتها وهي ماسكة إيد عشق وتقفل الباب. نغم بعصبية: أنا هقتلهم واحد واحد، كل واحد سيء في العيلة دي هنهي حياته. عشق بتبص على نغم بعدم تصديق. عشق: نغم، انتي إزاي عملتي كدا؟ نغم بعصبية: أنا مستعدة أعمل أكتر. عشق: اهدئي يا نغم، اهدئي. نغم بتحاول تهدي نفسها وتقول بضيق: أنا آسفة، مقصدش أكلمك كدا. عشق: نحن مش في طريقة كلامك، نحن في الهببتيه تحت ده. نغم بتنفخ بضيق:

هو يستاهل أكتر، عارفة حقك عليا، المرة الجاية بتكون السكين في نص دماغه. عشق بصدمة: إيه... نغم، إيه اللي بتقوليه ده؟ اللي عملتيه ده غلط كبير. نغم: لا مش غلط، كوني بدافع عنك مش غلط، وبعدين مشفتش مسك إيدك إزاي؟ لو حد عمل فيهم كدا اقتلهم كلهم. عشق بضيق: نغم، دول أهلك، بلاش تعملي كدا معاهم. نغم بضيق: عشق، انتي كل أهلي. عشق: لا، انتي الظاهر إنك اتجننتي على آخر. نغم، اللي عملتيه ده غلط، وأنا علمتك إنو مينفعش نعمل كدا. نغم:

أومال اسكت وأنا شايفة هو بيعمل إيه؟ عشق: أومال ده مبرر تعملي كدا؟ نغم: آه مبرر. بتبص على إيدها بتشوف دم. بتخاف. عشق، ده دم؟ عشق بتبص بصدمة: إزاي جرحتي إيدك؟ بتمسك إيدها بخوف. نغم بتعيط: آآآ، إيدي هتشل صح؟ أنا عارفة. عشق بتضحك: لا، اهدئي، ده جرح بسيط أوي. أنا مستعدة أعمل كل حاجة عشان عشق تضحك قدامي. نغم بوجع مصطنع: بسسس، هي بتوجع أوي. عشق: ماشي، اهدئي كدا وأنا هسيب الوجع يختفي. نغم بحماس زي الأطفال:

عشق، عشق، هي سندريلا قلبت جنيه. أنا كرهت سندريلا من وراك يا نغم، صدقيني! عشق بتضحك وتقرب راسها من راس نغم: على فكرة، كدا انتي الوحيدة اللي بتقلبي مزاجي في ثانية وتغيريه لأحسن. بتبص على عيون نغم. أنا معرفش عملت إيه في حياتي عشان تظهريلي يا نغم، بس أنا مبسوطة أوي إني اتعرفت عليكي. انتي عملتي لحياتي معنى، انتي أهم حد في حياتي وكل عيلتي يا نغم، وهتفضلي كدا. نغم عيونها بتلمع بتبتسم: بجد؟ بجد؟ عشق: عندك شك فيني؟ نغم:

لا طبعًا. الباب بدق. بتكمل بحدة. مين؟ غرام: أنا. نغم: اتفضلي يا غرام. غرام بتدخل وتقعد جنبهم في السرير وتبص على عشق وتمسك إيدها اللي كان ماسكها قصي. غرام بزعل: هي بتوجعك؟ عشق بابتسامة: لا، متخافيش. غرام: أنا آسفة إني مقدرتش أعمل حاجة. عشق: انتي بتعتذري ليه؟ غرام: لأني واجبي أحميكي يا عشق. مش أنا اختك الكبيرة؟ عشق بابتسم: لا، كفاية إنك بتهتمي. نغم بضيق: إيه ده؟ إزاي يعني اختها الكبيرة؟ بتحضن عشق.

مش قولتلك عشق ملكي أنا وبس، عشق معندهاش إخوات غيري أنااااا، فاهمة يا غرام؟ غرام وعشق بيضحكو. غرام بتضحك: ماشي، بس سيبها تتنفس دي شويا وهتموت. نغم بضيق: وانتي مالك. بتبعد عن عشق بس بتفضل ماسكة إيدها. عشق اختي، السندريلا، وسندريلا معندهاش إخوات غيري. غرام برفعة حاجب: مش على أساس إنها معندهاش إخوات أبدًا؟ نغم: كان... قبل ما أدخل على حياتها. غرام بتبص على إيد نغم بتشوف الدم. بتمسكها بخوف: نغم، إيه ده؟ إزاي جرحتي إيدك؟

نغم: اهدئي، هي مش بتوجع أوي. غرام: لسه، مش عقمتيها؟ بتنزل من السرير وبتروح الدولاب وتجيب علبة الإسعافات الأولية وبتعقمها وتضمدها. هي صغيرة، بس الجرح عميق. نغم بألم: آآآ، عشق، هي بتوجع. مكنش ينفع تسيبها بدون تعقيم، مش كنت هموت. غرام بضيق: إزاي يعني؟ انتي عايزها تلتهب وتوجعك أكتر؟ عشق بتضحك: دي شوية وهتقولك إيدي انشلت. نغم بضيق: آآآ، مش عايزة أكلمك. بتلتفت. عشق: نغم... مش بترد. نغومه حبيبتي. نغم بضيق:

مش حبيبتك ولا حاجة. عشق: والله؟ طب ماشي، أنا أصلاً بحب غرام أكتر. نغم بتبص عليها و تقول بضيق: لا، لا، بتحبيني أنا وبس، انتي مش بتحبي غرام. عشق بتضحك وتقرب من نغم: لا، أنا بحب غرام، بس مش أكتر منك. نغم بفرحة: بجد؟ بتبص على غرام وبتطلع لسانها. عشقي بتحبني أكتر منك. بيضحكو عليها. غرام بتضحك: هتحبني أكتر منك، سيبها تتعود عليا شوية. نغم بضيق: عشق، تعالي نروح من البيت ده. عشق بتضحك: غيورتي الحلوة. نامي يا نغمي، نامي.

بتقرب من نغم وتخدها في حضنها، وعشق بتنام لأنها كانت تعبانة من الشغل. نغم: غرام. غرام: هاه؟ نغم: أنا لو حصلي حاجة، اهتمي بعشق كويس، ماشي؟ أنا عارفة إني ممكن أروح فيها بالشجاعة اللي عندي دي، بس أنا هفضل أحمي عشق. وانتي اوعديني إنك هتفضلي جنبها. غرام: نغم، انتي بتقولي إيه؟ انتبهي لكلامك. وبعدين عشق أختي زي ما قولت، مش محتاجة وصية عليها. وانتي شفتي بابا بيحبها إزاي؟ وغسان، بتوقعي حد يلمس عشق بالسوء؟

حتى لو جدو أسير، كان هيفكر مرتين قبل ما يعمل كدا ويعادي بابا وغسان. نغم: هو انتو بتحبو عشق أوي ليه؟ غرام: معرفش. بتقوم. تصبحي على خير. بتروح. أكيد في سبب وهعرفه لوحدي. بتنام. الصباح. نغم: عشق، يلا فوقي، هنتاخر كدا. عشق بتفوق وتقول بنوم: هي الساعة كام؟ بتبص على الساعة وتقوم بسرعة. انتي ليه مش فوقتيني؟ نغم: قولت أكيد تعبانة. عشق: أومال ليه ما روحتيش المدرسة؟ نغم: عادي، الدروس لسه عليها نص ساعة. عشق:

هبلة. لو حصل حاجة واتأخرنا في الطريق، ومسافة أجهز... آآآ، غبية. بتروح الحمام بسرعة وتجهز وينزلوا بسرعه. سيرين: عشق، نغم، الفطار. نغم: ماما، هنتاخر. هي رهف فين؟ رهف: أنا جيت. انتي كنتي بتعملي إيه كل ده؟ نغم: مش مفروض تيجي تفوقيني؟ رهف: وانا أعرف إزاي إنكم نايمين؟ عشق: هتفضلو ترغوا كدا؟ رهف ونغم: يالا. سيرين: بس الفطار. نغم: ي ماما، فطار إيه ده؟ غسان هيعمل فطار من عشق لو اتاخرت، عارفة إنه مبحبش التأخير.

بتمسك عشق وتجرها بسرعة وبتخرج. الحقي قبل ما غسان يدبحك. عشق: ماشي، روحو. بتروح. عشق بتبص مش بتشوف عربية غير عربيتين، ولا واحدة منهم هي العربية اللي وصلتها امبارح. فجأة بتحس بإيد سحبتها وبتشوف قصي ماسكها، وفي ضماد على راسه. قصي بضيق: اسمك إيه؟ عشق بضيق: بعد عني. قصي: أنا ممكن أخرج منك كل حاجة بالطريقة اللي مش هتعجبك. بمسك دراعها جامد. عشق بتصرخ من الألم. هاه، يلا. عشق بألم: عايز باسمي إيه؟ قصي بضيق:

قوليله، وبلاش تلفي وتدوري. عشق: اسمي عشق. ممكن تسيبني بقا؟ أنا مش فاضية ألعب معاك. قصي ببعد عنها و ببتسم: ماشي يا عشق. عدي بقرب منهم. عدي: عشق، في حاجة؟ ببص على قصي بحدة. هو بيضايقك؟ عشق: لا، أنا هروح. عدي: جدو قالي إنو السواق أخد إجازة، وأنا هوصلك الأيام دي لأني عندي شغل مع شركات المالك. عشق: بس أنا... عدي: يلا. بمسك إيدها وبركبها العربية ويقفل الباب. ببص على قصي بضيق وبركب وبسوق. هو كان بيضايقك صح؟

ماما قالتلي على اللي حصل امبارح وقالت تاخد بالي منك. لو ضايقك تاني قوليلي. عشق: أنا مش محتاجة مساعدة حد. ويا ريت دي تكون آخر مرة تمسك إيدي فيها. عدي ببص عليها وبعدها ببص قدامه. بوصلو. عدي: وصلنا. بتنزل. بينزل و بيدخلوا. بيشوفوا غسان وكيان ورعد وشريف. غسان بروح لعشق: صباح الخير. عشق بتجاهله وتروح لمكتبها. رعد: ادخلوا الاجتماع. بلحق عشق. عدي: هو إيه اللي بيحصل هنا ده؟ كيان بضيق: علمنا علمك. شريف بضحك: شكله الوحش وقع.

عدي وكيان بحدة: شريف، انتبه لكلامك. شريف ورعد ببصوا عليهم باستغراب. رعد: مالكم؟ صراحة، شكل كلام شريف صح. كيان بضيق: نحن بنتكلم عن غسان، بالله دا شبه واحد يحب؟ عدي بضيق: نحن هنعديها كلام. نحن جايين هنا نشتغل. بروحوا غرفة الاجتماعات. غسان بقرب من عشق: انتي أكلتي؟ بتبص عليه. هي النظرة دي إيه بالظبط يعني؟ لا؟ طب ي ستي هناكل أنا وانتي، إيه رأيك؟ عشق بتخد ملفات وتروح غرفة الإجتماعات. غسان بيلحقها. بتدخل و بيدخل وراها.

بشوف عدي والباقي. رعد بسخرية: مش على أساس مش جاي؟ غسان بنفس النبرة: غيرت رأيي، عندك مانع؟ رعد: لا ي سيدي، اتفضل. غسان بقعد وهو باصص على عشق وهي بتحاول تجاهله، بس هو بيشرد فيها. غسان. غسان بيفوق من شروده: هاه؟ رعد: ممكن تلتزم حدودك بقا؟ سيب البنت في حالها، عمي وصاني عليها وهي أمانة عندي. غسان بضيق: وانت شايفني باذيها؟ بكمل ببرود. يبقى قول لعمك غسان بس اللي بيهتم بعشق، وهو مش هيبعدها عنه سواء كنت مسافر أو كنت موجود.

الكل بتفاجا منه، وعشق بتبص عليه بصدمة. عدي بعصب. عدي بقوم بعصبية: غسان، احترم نفسك. غسان بحده: عدي، عشق خط أحمر، بلاش تحاول تقرب منها سواء دافع عنها أو صداقة أو أي حاجة. بكمل بتحذير. عشق مش من اللعابك ولا اللعاب عيلة الكيلاني، عشق بتخص عيلة المالك. كلهم بنصدموا. وعدي بضايق ويقرب من غسان وبيمسكه من لياقة القميص. عدي بعصبية: غسان، بلاش تعصبني.