رواية نجمة الاسد الفصل الثالث 3 - بقلم نورا فريد

حا، انتي شمس. شمس: اه، أنا. مالك وشك مخطوف كده ليه؟ انتي كويسة؟ نجمة: اه، اه كويسة. اومال انتي جيتي ليه؟ شمس: جيت أشوف الواطي اللي ما بقتش بتسأل ولا تتصل. حتى، ماشي يا نجمة. نجمة: أوووف، ها نبدأ بقا. خير يا شمس، عايزة مني إيه؟ شمس بعصبية: هو انتي بتتكلمي كده ليه؟ هو أنا جيت جنبك؟ وبعدين شكلك بيقول إن فيه حاجة. حاجة، شكلك بيقول إن فيه كارثة كبيرة كمان. ما تتكلمي يا بنتي، هو أنا ها شحت منك الكلام؟

نجمة: يووو يا شمس، روحي أوضتك و حلي عني. شمس: طب والله ما ها أخرج من هنا غير لما أعرف. نجمة قفلت باب الغرفة بالمفتاح ور بعتت على السرير. شمس: اه يا رجلي. وأدي قعدة. قولي بقا. نجمة: لا رد.

شمس بذكاء: من فترة كده كنتي ها تموتي من الفرحة لما عرفتي إن أسد بيحبك و ها يتجوزك. في نفس اليوم بليل قولتي ليه كلام زي السم وحاولتي تقللي منه. اتكلم معاكي مرة واتنين علشان نفهم سبب الرفض اللي غير منطقي، بس ظهرت لينا واحدة تانية خالص غير اللي نعرفها. عنطزة وأدب وكلام وتصرفات ما تطلعش منك يا نجمة. اللي بتعمليه دلوقتي لا شكلك ولا أخلاقك. (شمس مسكت إيد نجمة بحب) شمس: هو أنا مش أختك؟

نجمة على وشك البكاء: طبعاً يا شمس، انتي أختي قبل ما تكوني بنت عمي وصاحبتي وبير أسراري ومصايب. شمس: اومال إيه بقا يا ستي؟ ليه رفضتي أسد اللي في الأصل أمير أحلامك زي ما بتقولي؟ زمن فاكرة؟ وبعدين هو انتي حبيتي سليم امتى؟ ده لو حبيتييه يعني. نجمة: وأخيراً ظهرت نجمة القديمة اللي جواكي. أنا في مصيبة يا شمس. شمس بصدمة: مصيبة؟ ما تتكلمي يا نجمة. نجمة: ها أقولك، بس وحياة أغلى حاجة عندك ما تقولي لحد. ولا بينك وبين نفسك.

شمس: يا بنتي، أنا كده قلقت أكتر. نجمة: ها أقولك على كل حاجة. نجمة حكت كل حاجة لشمس. شمس بتسمع ليها بصدمة. نجمة بدموع: عرفتي مالي؟ أنا اتدمرت يا شمس. اتدمرت ومش عارفة أعمل إيه. شمس بعصبية: تقومي تعملي كل ده؟ انتي مش شايفة نفسك بقيت عاملة إزاي؟ نجمة بدموع: غصب عني والله. شمس بعصبية: تقومي تثبتي التهمة عليا يا غبية؟ تديله فلوس ليه؟ وانتي متعرفيش اللي بيهددك أصلاً. نجمة حطت إيديها على وشها وقعدت تبكي.

شمس بعصبية أكتر: ما تعيطيش و خلينا نشوف ها نعمل إيه ونعرف مين اللي بيهدد. نجمة شالت إيديها من على وشها: سبت أسد علشان فعلاً يستاهل واحدة أحسن مني. ظابط قد الدنيا، ليه يتجوز واحدة قاتلة؟ شمس: ما كانش قصدك؟ وبعدين الأعمار بيد الله. انتي حاولت تنقذيه. نجمة: ونعم بالله، بس مقدرش أهد حياة أسد. اللي بيحب بيكون كل همه إن يشوف حب عمره سعيد.

شمس: ممم، بس الاخت عملت العكس على فكرة. انتي لو كنتي قلتي لي أسد، كان حل الموضوع. فين أهل اللي حصل فيه كده إزاي ساكتين؟ وازاي عمي معرفش؟ وازاي؟ نجمة: إزاي إيه؟ شمس: ما تاخديش في بالك. اهدي وكل حاجة ها تتحل. بس إزاي كل الممرضات اللي كانوا معاكي في غرفة العمليات ساكتين برضه؟ ده شكل الموضوع لغز كبير. نجمة: والله ما عارفة. أنا في كل اللي فاكرة إني كنت تعبانة فطلبت قهوة. شمس: وبعدين؟

نجمة بدموع: بعدين الرؤية مبقتش واضحة أوي. وبعدين مش فاكرة غير صوتهم وهم بيقولوا: قاتلتيه يا نجمة. مكنش فيه حد تاني غير إن أسد يكرهني هو وانتوا حتى بابي. أما في مكان تاني. المجهول: كله تمام يا هانم. والدكتورة شكلها ها تطلق زي ما انتي عايزة. بابتسامة: عرفت عليكم يا رجالة. يسرا: كده تمام أوي. زينب: المهم أسد يكون ليا في الآخر. يسرا: أكيد. بس لو نجمة مسمعتش الكلام، ها ترا.