رواية نجمة الغيث الفصل الأول 1 - بقلم مريم محمد

يعني أنا اتجوز عمو الكبير اللي في الصورة ده، وبابا مش هيأذيني؟ ليلي: آه يا حبيبتي. نجمة: خلاص يا ماما، أنا موافقة اتجوز عمو الكبير. ليلي: نجمة، عيب تقولي عمو الكبير، هو مش أكبر منك بكتير. نجمة: حاضر. ليلي: جهزي نفسك، كمان شوية هييجي ياخدك. وأنا جبت لك قمصان نوم تلبسيها لجوزك. نجمة بخجل: ماما، عيب. ليلي بغضب: نجمة، ده هيكون جوزك. نجمة: خلاص يا ماما، ماشي.

بعد ساعتين، وصلت عربيات كتير. ونزل من العربية الأولى واحد لابس جلباب صعيدي، باين عليه الهيبة والوقار. نجمة طلعت تشوف أي صوت الكتير اللي تحت ده. شافت عربيات كتير وشافت واحد داخل العمارة عندهم، شكله حلو. نجمة بضحكة حلوة: يا ترى طالع لمين المز بتاع الروايات ده؟ فجأة باب الشقة خبط، راحت نجمة تفتح الباب. نجمة بصدمة وتكلمت من غير استيعاب: واو، المز بتاع الروايات طلع جاي عندنا. غيث بضحكة بينت غمزاته: عارف والله إني حلو.

نجمة بخجل: أنت مين وعايز إيه؟ ليلي من وراها: اتفضل يا غيث يا ابني. غيث ببرود: اتصلي على مأذون. بعد قليل وصل المأذون، وتم كتب الكتاب. ونجمة مشيت مع غيث. في العربية، قاعدة نجمة جنب غيث في الكنبة اللي ورا، وقدام السواق. وباقي العربيات ماشية وراهم. نجمة بتذمر طفولي: إحنا هنروح على فين يا عمو؟ غيث: اسمي غيث، مش عمو. نجمة بطفولة: طب هنروح فين يا غيثي؟ غيث بداخله: شكلك هتتعبيني. هنروح الصعيد في بيتي أنا وأهلي.

نجمة: بيتك عامل زي الروايات يا غيثي. غيث بتركيز معاها: بتاع الروايات إزاي بقى؟ نجمة بحماس: عندك قصر، وعندك أهلك كلكم عايشين فيه، وعندك جناحك لوحدك، وأنا هقعد معاك فيه. غيث: أيوه، كل ده صح زي الروايات. نجمة بفرحة: الله يا غيثي، حياتك جميلة أوي. غيث: هتبقى أحلى بيكي. نامت نجمة، وغيث خدها في حضنه طول الطريق.

بعد أربع ساعات وصلوا. وغيث شال نجمة اللي كانت نايمة وطلع غرفته، ونيمها على سرير وغير ملابسه ونام جنبها وخدها في حضنه.