رواية نجمة القاسي الفصل الخامس 5 - بقلم شهد هاني

عند قاسي بخوف: كسر الباب بقوة. دخل الحمام اتصدم، شاف نجمة غرقانة في البانيو. الميا مغطيها. قال بصوته كله: نجمههههههههه! راح بسرعة، قفل الميا وشالها. طلع بيها على الأوضة، حطها على سرير وجاب الغطاء غطاها. حاب الدفاية فتحها على أعلى حاجة. قعد جنبها، رفعها، فضل يخبط على ضهرها جامد يقول: "انتي عملتي إيه يا نجمة؟ إزاي؟ إزاي؟ نجمة: "هنا... كحت، رجعت كل الميا اللي بلعتها وفضلت ترتعش جامد تقول: "ابعد عني... أنا بكرهك...

وغمضت عينيها. قاسي: حس بضيقة من كلمها وحضنها جامد وقال: "حقك عليا، أنا آسف." عند ملاك: نزلت على السلم وهي بتعيط، بتسأل جيران. وليث معاها بيطمن فيها. الجيران: "والله يا بنتي ما شفناها. ممكن تكون في شغل." ملاك: هنا مسحت دموعها وبصت لي ليث قالت: "معلش، أقولك على اسم المطعم توديني هناك؟ ليث: "طبعًا تعالي." وفتح العربية وركبت. ملاك: قالت العنوان. هي خايفة على أختها، حاسة بحاجة. عمالة تقول: "يارب خير." ليث:

حط إيده تلقائيًا يمسك أيدها بيقول: "اهدي يا ملاك، إن شاء الله خير. أنا معاكي." ملاك: بصت ليه وقالت: "يارب يا ليث، أنا قلبي وجعني والله." ليث: مسك أيدها وقال: "إن شاء الله خير، أنا معاكي لحد ما نلاقيها." ملاك: ابتسمت وشالت أيدها وقالت: "يارب." ليث: ساق العربية وبعد وقت وصل لي مكان المطعم. ملاك: مش استنت، فتحت باب العربية وطلعت تجري على المطعم. ليث: طلع يجري وراها وقال: "استني يا ملاك." ملاك: طلعت تجري

على صاحب المطعم وقالت: "نجمة أختي فين؟ نجممهههههه! فضلت تنادي عليها. صاحب المطعم: بغضب: "إيه اللي انتي بتعملي دا؟ اختك مشيت من زمان بعد ما عملت مشكلة مع أكبر زبون لينا، فتفضلي غوري. قولي لأختك ما تجيش تاني." هنا ليث: طلع من ورا ملاك، وقف قدام صاحب المطعم وقال: "انت إزاي ترفع صوتك عليها؟ وفين البنت اللي اسمها نجمة؟ صاحب المطعم: "باشا، آسف يا ليث باشا. هي مشيت بعد ما عملت خناقة مع صديق حضرتك، قاسي بيه." ملاك: "مين دا؟

أختي اتخانقت معاه ليه؟ ليث: اتصدم، مسك إيد ملاك وقال: "تعالي معايا بسرعة، أنا عارف أختك فين." عند قاسي: قاعد جنب نجمة اللي واخدها في حضنه، بيفتكر اللي حصل ليه من عشر سنين. فلاش باك قاسي: "مروة، أنا بحبك. مستعد أعمل كل حاجة ليكي. ممكن أتقدم لابوكي عادي." مروة: "مش حكاية كدا يا قاسي. حكاية إنك لسة الحالة المادية بتاعتك وحشة. وأنا بصراحة عايزة أعيش في مستوى أرقى وأحسن منك." قاسي:

"يا حبيبتي، مادام بنحب بعض، كل حاجة تتحل." مروة: لسه هتتكلم، فونها رن وكان جنب فون قاسي. قاسي: فضول مسكه، بص على الفون. شاب دوله حبيبي. مسك الفون وقال: "مين دا؟ مروة ارتبكت: وقالت: "دا عادل ابن خالتي." قاسي: فتح غصب عنه. عادل: "انتي فين يا روح قلبي؟ اللي اسمه قاسي دا مشي ولا لسه عشان أجي." مروة بخوف: مش عرفت تتكلم غير على ضربة قلم من قاسي على وشها. ومع المرور عرف إنوا عادل دا ضحك عليها، وكانت عايزة تلفقها لي قاسي.

باك. اتنهد قاسي بوجع: بص لي نجمة وقال: "انتي شكلك مش زيها. بس أعمل إيه؟ من ساعة اللي حصل، أنا قلبي بقى صخر." وسمع صوت ليث. ليث: "قاسي، انزل. قاسي، انت فين؟ قاسي: ساب نجمة ونزل على السلم وقال ليث: "حصل إيه؟ في إيه؟ ردت ملاك: بعياط: "فين أختي نجمة؟ قاسي: "اهااا، قصدك مراتي نجمة."