تحميل رواية نجمة القاسي بقلم شهد هاني pdf

نجمه: بترفع عينيها وشافت إنه لبس طقم وشكله جميل أوي، وقالت بتلقائية: "إنت موز أوي يعني."

قاسي: اتكسف وقال: "هو أنا لبست يعني عشان متزعليش وكده يعني، مع إن مبحبش الاستايل ده."

نجمه ضحكت وقالت: "بالعكس، شكلك صغير وبقيت شاب كده بسيط بعضلات قمر يعني."

قاسي: ضحك وراح عندها، مسك إيدها وقال: "إنتي اللي نجمة في سما يا نجمتي، يلا بينا. المهم صوتك ميعلاش في الشارع، إنتي فاهمة؟ الفستان أنا هختار فستان."

نجمه بصدمة: "إنت عاوز مني إيه يا بني؟ إيه رأيك ألبس نقاب؟"

قاسي: "يا ريت والله، تكوني عملتي فيا جميلة عمري ما هنساه."

نجمه: "بس إحنا كمان شهرين هنطلق يا قاسي."

قاسي: ملامحه اتغيرت، وصل عند العربية فتح باب العربية وقال: "اركب يا نجمه."

نجمه: ركبت وقالت: "قاسي، أنا ممكن أديك فرصة كمان."

عند ليث:

قام وقف، حط إيده على بطنه وقال: "آه، كلت لحد ما بطني حاسس إنها هتفرقع."

ملاك: ضحكت وقالت: "روح حاسب يلا عشان نروح نحلي بقى."

ليث: "هو لسه في تحلية؟ يخوفي مش عارف هتوديني فين بعد كده."

ملاك: "كل ما إنت معايا أنا وإنت في السليم، لا تقلق."

ليث: "يخوفي منك يا ملاك، بس يلا اعتبري إني ملكك يوم كامل."

ملاك فرحت وقالت: "إنت طيب أوي بجد يا ليث."

ليث: "عشان إنتي بنت حلال لازم الواحد يتعامل معاكي بطيبة، لأنك مش شبهنا."

ملاك: ضحكت وقالت: "روح حاسب يلا عشان نروح نشرب أحسن عصير قصب."

ليث: "عصير قصب؟" وضحك وراح حاسب، راجل بزيادة كمان، رجع لي ملاك وقال: "هاااااا، رايحين على فين؟"

ملاك: "تعالي معايا، إحنا هنمشي، الموضوع مش محتاج عربية."

ليث: "أوكي، يلا نمشي." ومشي ليث مع ملاك لحد ما وصلوا عند بتاع عصير القصب.

ملاك: "ونبي يا راجل يا طيب اتنين عصير في كيس كوباية لا."

ليث: "ليه يعني؟ خليها كوباية، هنشرب كده إزاي؟"

ملاك: "بص يا سيدي، أول حاجة عشان الميكروبات، وتاني حاجة تحس إنك بتشرب عصير قصب كده."

ليث: ضحك وقال: "يا راجل تمام ياستي، خليني كده ماشي وراكي لحد ما ألبس في الحيط."

ملاك: "هتلبس في أحلى حيط إن شاء الله." وخدت العصير...

ليث حاسب على العصير.

نجمه: "أنا ممكن أديك فرصة كمان يا قاسي."

قاسي: وقف العربية وقال: "إنتي بتقولي إيه يا نجمه؟"

نجمه: "آه، هديك فرصة كمان يا قاسي، بس لما أشوف اتغيرك بتاعك للأحسن."

قاسي: بفرحة: "أنا هتغير، هتغير عشانك، هحاول، لأ دا أكيد، عمري ما هعمل حاجة تزعلك، كل اللي عملته على قد ما أقدر همسحه من ذاكرتك."

نجمه: "عشان كده أنا هختار بقا الفستان بتاعي."

قاسي: رفع حاجبه وقال: "أوعي تكوني بتعملي فيا مقلب."

نجمه: "لا والله، أنا عاوزة أختار الفستان بتاعي، عشان خاطري."

قاسي: "طب بصي، هخليكي تختاري، بس يكون الفستان مقفول مش ضيق."

نجمه: "حاضر يا سيدي، يلا بقا عشان منتأخرش."

قاسي: هنا مسك إيد نجمه، قربها من قلبه وباسها وقال: "أنا بحبك أوي يا نجمه."

نجمه: بصت له اتنهدت، عاوزة تقوله بحبك، بس عاوزة تشوف تغيره الأول.

قاسي: وصل عند محل الملابس وقال: "هاااا ياستي، وصلنا أهو."

نجمه: فتحت باب العربية ونزلت وقالت: "يا هاااا، كنت حاسة إني محبوسة من سنين."

قاسي: ضحك وقال: "يا سلام، دا هما أسبوع بس." مسك إيدها وقال: "يلا نخش المحل ده."

نجمه: "يلا." دخلوا على المحل اللي في قسم الفساتين..... شافت نجمه فستان جميل جدا وقالت: "قاسي، عجبني الفستان ده أوي."

قاسي: "بجد؟ فعلاً جميل أوي يا نجمه." ونادى البنت اللي واقفة في المحل وقال: "هاتي الفستان ده بعد إذنك........."

نجمه: فرحت جداً، أخدت الفستان من البنت ودخلت البروفة.

قاسي: "استني يا نجمه، أشوف المحل فيه كاميرات ولا لأ."

نجمه: حبت كده أوي، وقفت............

قاسي فضل يبص لحد ما قال: "خشي يا نجمه، لو احتاجتي حاجة قوليلي."

نجمه: "بحب، ماشي يا قاسي."

حبيبة: قاعدة بشر وغيظ من اللي عمله قاسي فيها وبتقول: "أنا اترفض؟ يتعمل فيا كده."

حمدي: "متزعليش يا بيبا، شكله مش بيفهم، متزعليش نفسك. المهم هتعملي إيه؟"

حبيبة: "مش عارفة، أنا عاوزة أبوظ ليه الفرح، عاوزة أعمل أي حاجة تخلي الفرح مش يكمل."

حمدي: "إنتي تعرفي شكل المحروسة اللي هو هيتجوزها؟"

حبيبة: "لا، أنا هموت أشوفها مين دي اللي عاجباه أوي؟ هيموت نفسه عليها."

حمدي: بيقرب منها وبيقول: "مش بيفهم صدقيني، عشان مقدرش كتلة جمال زيك."

حبيبة: بتبعد تقول: "ابعد يا حمدي عشان حوالينا ناس في المطعم."

حمدي: بعد، مسك إيدها وقال: "إحنا لازم نفكر ونتكتك عشان نعرف نبوظ الجوازة."

حبيبة: "لما يجي يوم فرحه باين فاضل يومين صح؟"

حمدي: "آه يومين. بصي إحنا لازم ندخل شك عليه أو شك عليها."

حبيبة: فكرت وقالت: "إزاي؟ الفكرة دي مجتش في بالي، هنشوف من هنا لبكرة يا حمدي."

أما عند ليث:

ركب العربية هو وملاك، وصلوا الشركة وكل واحد دخل المكتب بتاعه.

ملاك: دخلت المكتب بتاعها، عمالة ترجع بفلاش باك باللي حصل النهارده ووجودها مع ليث، إنه وافق يعيش معاها اللحظات.

ليث: قاعد في المكتب سرحان في ملاك، اللي خلاص هي فعلاً خطفت قلبه........... مسك الفون بتاعه ورن على قاسي.

قاسي: كان واقف مستني ملاك تطلع بالفستان، تليفون جاله من ليث ورد: "فينك يا ليث؟"

ليث: "أنا أهو يا صاحبي، بتعمل إيه كده؟"

قاسي: "نزلت أنا ونجمة عشان نجيب الفستان والبدلة بتوع الفرح."

ليث: "طب أنا عندي طلب منك، أنا عاوز أتـجوز، خلي نجمه تختار فستان، خليه عندك."

قاسي: كشر عينه وقال: "اهااااااا، هي صنارة غمزت ولا إيه؟"

ليث: "بكل رخامة، اسمع اللي بقوله ليك."

قاسي: لسه هيرد، سمع صوت نجمه من وراه........ هي بتقول: "قاسي، إيه رأيك حلو؟"