رواية نجمة القاسي الفصل السابع عشر 17 - بقلم شهد هاني

قاسي: بيدو على الفون بتاعه ملقهوش، قال أكيد نسيته. فتح درج المكتب، طلع الفون بتاع المكتب، فتح الفيس بتاعه. كتب على صفحته: "دعوة حارة لجميع مناسبات كتب الكتاب بتاعي، زواج من شريكة حياتي الأسبوع القادم". ونزل البوست. وقفل الفون. رجع ضهره على الكرسي بيقول: "ولسه القادم أحسن". حبيبه بصدمة: قرأت البوست، اتشلت مكانها، وقالت: "الحقوا قاسي هيجوز". الشباب: اللي قاعدين معاها في نفس واحد: "نعم؟ حبيبه: ورتهم

البوست على الفون وقالت: "أعمل إيه؟ واحد من الشباب: "دلوقتي تاخدي بعضك تروحي الشركة، تكلميه إنك بتحبيه، ندمتي وكده." حبيبه: فكرت بسرعة، خدت الشنطة بتاعتها وجريت على شركة قاسي. عند ليث: وصل قدام الشركة بتاعته معاه ملاك، وقال: "هاااا، انزلي يا ملاك، وصلنا." ملاك: نزلت من العربية، بصت للشركة بانبهار، قالت: "واو." ليث: بتواضع: "إيه رأيك في شكل شركتي المتواضعة من برا؟ ملاك: بانبهار: "متواضعة؟

دي جامدة، جامدة دي تفتح النفس على شغل." ليث: "مأكدة نفسك تتفتح؟ ماشي، أما نشوف، يلا بينا نخش." مشيت ملاك قبله، رفعت ياقة تيشيرت بتقلد رجال الأعمال، يلا ورايا يا بني، ورايا صفقات شغل. ليث: ضحك وقال: "اتفضل يا سعادة الباشا، أنا وراك." دخلت ملاك، سبقت قاسي لجوه الشركة، قبلتها السكرتيرة. السكرتيرة: "إيه اللي انتي لابسه في رجلك ده؟ مينفعش تخشي، دي شركة محترمة، إزاي تيجي بالشبشب؟ إيه دا بجد؟ ملاك: "ماله يا عينيا؟

الشبشب مش عاجبك؟ " وبصت عليها من تحت لفوق وقالت: "لازم مش يعجبك عشان إنتي واحدة مبينة الكوارع بتاعتك ومش مكسوفة على الأقل." سكرتيرة بغيظ: "واحدة بيئة، مش هنزل مستوايا لمستواكي، وبقولك برا أحسن ما أجيبلك الجارد يشلوكي من هنا يا زبا’له." ملاك: "طب تعالي بقا أوريكي مين زبا’له." ومسكت السكرتيرة ونزلت عليها ضرب. وفجأة ظهر صوت من وراها رعب الكل. ليث بعصبية: "باسسسسسسس! إيه اللي بيحصل بالظبط؟ انتوا اتجننتوا؟

وقال: "ملاك، إيه اللي حصل؟ تعالي هنا." ملاك: بصت ليه بغضب وبتقول: "دي مش شركة، دي كبار’يه." ليث كتم ضحكه: "هو انتي يومك مش معدي باين، تعالي معايا يا ملاك." وبص للسكرتيرة وقال: "كلامي معاكي بعدين." ملاك: بصت للسكرتيرة وقالت: "غطي الكوارع، الجو ساقعة، اتقي الله." ليث: ضحك وهو داخل، ملاك وراه بتقول بينها وبين نفسها: "جدعة ولله يا بت يا ملاك." دخل ليث المكتب،

قال: "تفضلي يا آنسة ملاك عشان نتفق على شغل، اللي بدأ في أول يوم بخنائق." ملاك نفخت: "مش شايف إنت مبينة كوارع بتاعتها إزاي، بتتريق على شبشب بتاعي." قاسي: بيلم حاجته عشان يروح يشوف نجمة يقوله خبر جوازهم. بينفتح باب المكتب. صوت السكرتيرة وهي بتزعق: "مينفعش كده يا آنسة." هنا رفع رأسه قاسي بغضب: "حبيبه، إنتي إزاي داخلة عليا المكتب كده؟ هاااا." حبيبه بتمثيل:

جريت حضنته وقالت: "وحشتني، وحشتني أوي أوي يا قاسي، أنا مش عارفة أعيش من غيرك خلال سنين اللي عدت دي، وأنا بفكر فيك، ندمت على اللي عملته." قاسي بغضب: بعد عنها. هي وقعت على الأرض. راح نازل ليها وقال: "حسك عينك تقربي مني بالشكل ده، عشان إنتي كنتي نزهة سن شباب طائش، أما أنا دلوقتي... افتكر نجمة وقال بحب: "أنا بحب أميرة، هيتم جوازنا إن شاء الله الأسبوع الجاي." قام وقف وقال: "مستنيكي، سلام بقا عشان متأخرش عليها."

حبيبه بغضب: قامت وقفت وقالت: "بس أنا متأكدة إنك لسه بتحبني، بتحبني أوي كمان، بدليل إنك عملت شركات بانيت اسمك، ودا كل اللي كنت بتمناه." قاسي لف وهو بيضحك بسخرية على تفكيرها المريض: قال: "آه، ما إنتي ليكي يد في اللي حصل عشان أبقى كده، فـ أحب أشكرك إنك خلتني أتحدا الواقع أبقى الإمبراطور، وحابب أشكر تاني مرة إني حبيت أميرة، ملهاش وجود على كوكبنا، هاهاهاهاها، سلامممممم يا حبيبه." حبيبه بغضب: معرفتش ترد على كلامه،

وقالت: "ماشي يا قاسي، وأنا حطاك قدامي تحدي تكون ليا، انت وأموالك وبس." وخدت شنطتها ومشيت بغضب. قاسي: طلع فتح باب العربية بتاعته وقال: "أعدي على محل الورد أجيب هدية بسيطة لنجمة." ساق العربية، وصل لمحل الورد وجاب بوكيه ورد أحمر. قال: "أكيد نجمة بتحب الشيكولاته." بياع الورد: "نعم يا فندم، خلاص أخدت الورد ولا محتار في حاجة؟ قاسي: "بيني وبينك، أخدته يعني، بس عاوز أحط حاجة في النص."

بياع الورد: "ممكن تحط شيكولاته، ممكن تحط ورق فلوس." قاسي: بتفكير: "أيوا، أهي ثانية، خلي البوكيه معاك وأنا جاي." ولا قولك، طلع المحفظة بتاعته، حاسب عليه وقال: "خلي الورد معاك عقبال ما أجي." بياع الورد: "عيوني، بس الفلوس كتير." قاسي: "حلال عليك نصيبك." ومشي قاسي. راح محل الألماس، طلب خاتم ألماس. ودا طلب القاسي الإمبراطور ولازم يتنفذ.

بعد فترة من الوقت، كان الخاتم معاه، وخده راح عند بياع الورد، هو معاه الخاتم والشيكولاته. بياع الورد: "هاااا يا ابني، عملت إيه؟ قاسي: "اتفضل الخاتم دا، عاوزه في النص وحوليه شيكولاته جوا بوكي الورد." بياع الورد: "ثانية هعمله لحضرتك، هيكون جاهز." قاسي: وقف مستني الورد، سرح في نجمة وقال: "آه، لو تسامحني يا نجمتي." عند نجمة: "حراااام عليك، سبني، ابعد عني، إنتوا مين؟ مين؟

محدش يقرب مني، أنا مش عاوزة، مش عاوزة أتجوززززز، يا قاسي، أنقذني من إيدهم، أنا مرات قاسي، ابعدوا عني، متقربش... فجأة صحيت نجمة، هي بتتلفت حوالين نفسها، بتقول: "متقربش، لا، متقربش." بصت لقت نفسها في الأوضة بتاعتها. نفخت، قالت: "الحمد لله، كان كابوس." وبصت على الساعة وقالت: "هو اتأخر؟ دا لسه هو كمان، هاااا، أما أخش آخد شور." قاسي: أخد بوكيه الورد، بقا شكله يجنن،

وركب العربية بسعادة وقال: "يارب يا نجمتي يعجبك، تحني عليا شوية." وساق العربية. بعد وقت وصل الفيلا. دخلت نجمة: فتحت دولاب، أخدت فستان رقيق لونه سماوي، ودخلت الحمام، هي عمالة تتمتم بغضب: "إنسان صحيح معندوش دم... يارب إنت وقعت اللي اسمه قاسي دا عليه ليه؟ هو أنا ناقصة؟ مكنش كفاية عليا شباب الحارة... " نفضت، أخدت شاور، ولبست الفستان، وطالعة من الحمام بترفع عينها، اتصدمت من اللي واقف قدامها.

قاسي: واقف قدامها وماسك بوكيه الورد ورا ظهره، وقال: "نجمة، وحشتيني." نجمة: ضربات قلبها زادت، وقالت: "عاوزة أعرف حضرتك قافل عليا بالمفتاح ليه؟ قاسي بحب: بدأ يمشي قدامها لحد ما قرب وشال شعرها اللي نازل على وشها، ينقط، وقال: "مش عاوز حد يشوفك غيري، عشان إنتي نجمة ومكانك في سما."