رواية نجمة القاسي الفصل السابع والثلاثون 37 - بقلم شهد هاني

ليث يشيل ملاك عشان يلف بيها. فاجأة حد بيخبط السفينة اللي راكبين عليها. ملاك بخوف: بتحضن ليث بخوف شديد وبتقول: ليث في إيه؟ إيه اللي بيحصل؟ ليث بخوف: على ملاك، مسك في ملاك جامد وقال: معرفش في إيه. فجأة السفينة بتتقلب بيهم في البحر. صالح: قدمت ليكي في كلية صيدلة، للأسف هتضطري تسافري دبي يا نجمة. نجمة بفرحة: قامت من على الكرسي وقالت: بجد يا صالح؟

صالح: بجد يا نجمة، بس أنا للأسف مش هعرف أسافر معاكي عشان الشغل، بس هبعت معاكي حد من طرفي. نجمة: جريت حضنت صالح وقالت: شكراً، شكراً أوي يا صالح، أنا مش عارفة أقولك إيه بجد. صالح فرح: أوي إنها حضنته وقال: المهم عندي سعادتك يا نجمة وبس. طلع خاتم من جيبه، قعد على الأرض وطلعه وقال: إحنا لازم نتخطب، عقبال ما تخلصي نتجوز. نجمة: اتصدمت، هي مش عاوزة تلبس خاتم غير خاتم قاسي، بس استسلمت. ما قاسي مشي وسابها، ومدت إيدها.

صالح بفرحة: لبسها الخاتم وقال: باس إيدها وقال: يلا جهزي هدومك عشان حجزت مع الطيارة. نجمة: ماشي يا صالح. وطلعت تجري على الأوضة بتاعتها. صالح: دخل لأبوه في المكتب وقال: ممكن أكلم معاك؟ رؤوف: كان ماسك ورق مصدوم من اللي بيقرأه. بص لصالح وقال: إزاي؟ صالح: مالك يا بابا؟ في إيه؟ إيه اللي إزاي؟ فهمني. رؤوف: قفل الورق بسرعة وقال: لالالالالالالا مفيش حاجة، أنت كنت عاوز تقول إيه؟

صالح: نجمة هتكمل دراستها ولبستها الخاتم، عقبال ما نعمل احتفال إن شاء الله. رؤوف بغضب: قام وقف وقال: إنت إزاي تعمل كده من دماغك يا صالح؟ فرضاً هربت هتعمل إيه أنت بقا؟ صالح: أول حاجة يا بابا نجمة خطيبتي، فـ أنا حر أوافق ولا موافقش. التاني حاجة بقا هتهرب إزاي؟ هي اللي جاية ليا برجليها. رؤوف: مسح على وشه بغضب وقال: خلاص يا صالح، حصل خير يا حبيبي. المهم ابقى أتأكد إنها وصلت المطار.

صالح: ماشي يا بابا، المهم أنت كنت بتقرأ إيه؟ غير ملامح وشك. رؤوف: بتوتر: لا مفيش يا صالح، دي أوراق عن شغل بس مش أكتر. صالح: اوكي، عن إذنك يا بابا. رؤوف وقف بحزن: قال: بابا إيه بقا يا صالح؟ نجمة: دخلت الأوضة بتاعتها، جهزت الشنطة وحطت ملابسها. ولبست جاكت أسمر بنطلون، رفعت شعرها لفوق وبتقول: وحشتني، وحشتني أوي يا قاسي، بس القدر كان له كلمة تانية نتفرق عن بعض يا حبيبي. دادة: خبطت وقالت: نجمة هانم.

نجمة: اتفضلي يا دادة، نعم. دادة: صالح بيه بيقولك لما تجهزي ابقي انزلي. واحد من الجارد هينزل هو الشنط، عشان كمان هيأخدك تسلمي على ملاك أخت حضرتك. نجمة بفرحة: بجد؟ ماشي، أنا خلصت لبس، هنزل حالا. دادة: ماشي يا ست نجمة. نجمة: جهزت كل حاجة، بس نسيت مذكرتها اللي بتكتب فيها كل يوم خواطر باسم قاسي. نجمة: جهزت نفسها ونزلت على السلم وقالت: أنا جاهزة يا صالح. صالح: اوكي يا نجمة، نادي الجارد عشان يطلع يجيب الشنط. صالح:

بيحط إيده في جيبه بيقول: فوني نسيته في الأوضة بتاعتك، ثانية بطلع أجيبه. نجمة: اوكي يا صالح، في انتظارك بره عند العربية. صالح: ماشي. وطلع على السلم، دخل الأوضة، دور على الفون، جابه، فجأة وقعت مذكرتها واتفتحت. وطي صالح عشان يجيبها، الصفحة الأولى اتفتحت، لسه هيقرأ فيها إيه. فارس: قال: صالح رايح فين؟ شنط دي نازلة بتاعت إيه؟ صالح: قفل المذكرة، حطها في جيبه وقال: أنا مش هسافر، دي نجمة اللي هتسافر عشان تعلمها.

فارس: آه، أنا قلبي وقع في رجليها، بحسبك مسافر هتسبنا يا صالح. صالح: راح عنده حضنه وقال: لا يمكن يا بني، عيب عليك. أنا هنزل بقا عشان أشوف نجمة، أجيلك. فارس: طيب، ماشي، خلي بالك من نفسك يا صالح. صالح: حاضر. ونزل، راح عند العربية وقال: أسف اتأخرت عليكي يا نجمة. نجمة: لا خالص، يلا بقا عشان عاوزه أسلم على ملاك قبل ما أمشي. صالح: اشطا. ركب العربية، ركبت معاه نجمة، انطلقوا. عند ليث: بيدور على ملاك في البحر بيصرخ باسمها.

ملاك: واقعة تحت في القاع، مقدرتش تاخد نفسها، بتقول: الحقني يا ليث. ليث بخوف: إنتي فين يا ملاك؟ إنتي فين؟ متخافيش، أنا معاكي. ملاك: خلاص هتفقد، بتقول: ليثثثث. ليث: بيعوم يدور عليها لحد ما لقاها بتفقد الوعي، قال: ملاك. وطلع يجري عليها، شالها من قلب البحر. ملاك: حوطت رقبته وفقدت الوعي. ليث بخوف: شالها وطلع بيها، حطها على الرملة، فضل يفوق فيها. ملاك: فقدت الوعي تماماً.

ليث: بخوف بيخبط على ضهرها عشان تطرد المية اللي بلعتها. عند قاسي: قاعد في الشركة بتاعته اللي في دبي، بيقرأ الورق، بس كل تفكيره مع نجمة اللي كل تفكيره إنها خانته زي حبيبه. دخل حسين: قاسي، عملت إيه في الصفقة؟ قاسي: مفيش باب يااض تخبط عليه؟ أنا بقا أقبل إنك تدخل أو لا. حسين: يا عم، دا إحنا واكلين مع بعض، مش بدري. قاسي: خش، خربيتك، أنا كنت خايف أرجع دبي عشان مش أشوف خلقتك دي.

حسين: اوف، دا أنت رخيم، كتلة رخامة ماشية على وجه الأرض. قاسي: عاوز إيه يا حسين؟ انجز، قول اللي عندك. حسين: قعد، عملت إيه في الصفقة اللي جاية من شركات جيسكا؟ قاسي: نفخ بضيق وقال: أنا مكنتش عاوز أتعامل مع حريم، بس نعمل إيه؟ الصفقة بتاعتها ممتازة. حسين: اشطات، يعني أكلم مدير تنفيذي بتاعها أقول إننا وافقنا؟ أكيد. قاسي: أكيد بإذن الله. حسين: هروح أنا بقا على مكتبي، هخلص اللي ورايا وتعالى ننزل.

قاسي: تمام، ماشي، بس أنا مليش نفس، عاوز بس أنام. حسين: نوم إيه؟ عليا طلبات لا، النهارده الخميس، هنخرج إن شاء الله. قاسي: خد الباب في إيدك، سيبها على الله يا حسين. حسين: رزع الباب وقال: يلعن شكلك يا شيخ، اوف. وقفل الباب. قاسي: قام وقف، قفل الملفات بتاعته، لبس نضارته وخرج من المكتب متجهاً للفلا بتاعته في دبي.